फिलिप्पी 2 - Bagri

मसी गी दीनता अर म्हानता

¹ यीसू मसी में थारो जीवन है बिमै थे मजबूत हो जाओ अर बिंगै प्रेम में हिमत बांध ल्यो। अर थारै पर दया अर करुणा बी है अर एक दूसरै गै सागै भागिदार होण खातर पवितर आत्मा थानै मदद करण लागरी है।

² इंया होणूं थे एक मन में रेगे अर एक तरियां सोचगे अर एक दूसरै ऊं प्रेम राखगे, थे मेरो आनंद पूरो करो।

³ बिरोध अर आपगै स्वारथ खातर कीं ना करो पण दीनता ऊं एक दूसरै नै आप ऊं आच्छो समझो।

⁴ हरेक जणो सिरफ आपगै हित गी कोनी पण दूसरै गै हित गी बी चिंता करो।

⁵ जिंया यीसू मसी गो सभाव हो बिंयाई थारो सभाव बी राखो।

⁶ झिको परमेसर गै स्वरूप में होगे बी अपणै आपनै परमेसर गी बराबरी नै छोडण तैयार हो'ग्यो।

⁷ पण बण अपणै आपगो सारो कीं छोडगे इतो नीचो करयो अर एक गुलाम जिस्यो बणग्यो।

⁸ अर मिनख गै रूप में पेस कर'गे अपणै आपनै दीन कर दियो अर आपगा प्राण तांई त्याग दिया अर करूस गी मोत बी सैह ली।

⁹ ईं कारण परमेसर बिनै भोत म्हान करयो अर बिनै बो नाम दियो झिको सारै नामा ऊं उपर है।

¹⁰ कै सुरग में अर धरती पर अर धरती गै नीचै है, बे सारा यीसू गै नाम पर गोडा टैकै।

¹¹ अर हरेक जणो पिता परमेसर गी बडाई खातर बिनै मानल्यै अर बोलै, “यीसू मसी ई प्रभु है।”

संसार में चानणै गी तरियां चमको

¹² ईंखातर हे मेरा प्रियो, जद मैं थारै सागै हो, थे मेरै निरदेसां गो जिंया पालण करयो बिंयाई मैं जद थारै सागै कोनी हूं बिंयाई कांपता अर डरता होया थारी मुकती गै काम में लाग्या रेवो।

¹³ क्यूंकै परमेसर ई है झिको आपगी आच्छी इच्छा ऊं थारै मन में काम अर इच्छा दोना नै पैदा करै है।

¹⁴ ईंखातर बिना कोई सिकायत अर बाद विवाद गै सारा काम करता रेवो।

¹⁵ जिंऊं थे भोळा भाळा अर पवितर बण जाओ अर घमण्डी अर लड़ाई झगड़ा करण आळै लोगां गै बिचाळै परमेसर गी उळाद बण जाओ। बांगै बिचाळै अंधेरी दुनिया में थे जोती गी तरियां चमको।

¹⁶ थे जीवन देण आळै सुब समाचार गो इंयाई परचार करता रेवो। यीसू मसी गै दुसर आण गै टेम मनै भोत खुसी होवै अर थारै बारै में आच्छी बात कर सकूं क्यूंकै मेरो काम बेकार कोनी होयो अर आच्छो फळ बी मिलै।

¹⁷ थारो बिस्वास एक बली चढाण गी तरियां है अर जे मनै मेरो खून थारै बिस्वास खातर बहाणो पडै़ तो बी मैं राजी हूं। थारी खुसी में मैं बी भागिदार हूं।

¹⁸ बिंया थे बी खुस रेवो अर मेरै सागै खुसी मनाओ।

सेवकाइ खातर एक नमुनो

¹⁹ मनै प्रभु यीसू में आसा है कै मैं तीमुथियुस नै थारै कनै बेगो घालूंगा कै थारी आसा देखगे मनै बी सांती मिलै।

²⁰ क्यूंकै मेरै कनै हिस्यै सभाव गो कोई कोनी झिको सच्चै मन ऊं थारी फिकर करै।

²¹ सारा लोग आप आपगै कामां में लागेड़ा है, यीसू मसी गै कामां में कोई कोनी लागड़ो।

²² थानै तीमुथियुस गै बारै में ईं बात गो पतो है कै जिंया एक बाप बेटो एक सागै काम करै है इंयाई बण यीसू मसी गो सुब समाचार सुणाण में मेरी मदद करी है।

²³ ईंखातर जिंयाई मनै ठा लागैगो कै मेरै सागै के बितैगी ओ जाणगे बेगो ई मैं बिनै थारै कनै घालण गी आस राखूं।

²⁴ अर मनै प्रभु पर पूरो भरोसो है कै मैं बी थारै कनै बेगो ई आऊंगा।

²⁵ मैं ओ जरूरी समझ्यो कै इपफ्रुदीतुस नै थारै कनै घाल्यो झिको यीसू मसी में मेरो सच्चो भाई अर मेरै सागै काम करै है अर परमेसर गै काम में एक सिपाई जिंया मेरै सागै काम करण आळो अर मेरी जरूरत गै टेम थे लोग बिनै मेरै कनै घाल्यो अर अब मैं बिनै पाछो घालूं।

²⁶ क्यूंकै बो थानै सदां ई याद करतो रेयो अर थे बिंगी बीमारी गै बारै में सुण्यो हो ईं कारण बो भोत दुखी रेवंतो हो।

²⁷ बो बीमार हो अर मरण आळो हो पण परमेसर बिं पर दया करी एकलै बिं पर कोनी पण मेरै पर बी कै मनै दुख पर दुख ना मिलै।

²⁸ बिनै देखगे थे लोग भोत खुस होजाओ ईंखातर मैं बिनै थारै कनै भेजूं अर इंगै द्वारा मेरी बी चिंता दूर हो जावै।

²⁹ ईंखातर थे लोग बिंगो भोत खुसी गै सागै सुवागत करियो जिंया बिस्वासी लोग प्रभु में करै है। हिस्यै लोगां नै आदर मान देणो भोत जरूरी है।

³⁰ क्यूंकै बो मसी गै काम खातर आपगा प्राण खतम करण आळो हो। बण आपगै प्राणा नै भोत म्हत्व कोनी दियो क्यूंकै थे लोग झिका काम कर कोनी सक्या बां कामां नै बो पूरा करणा चावै है।