Ghəa ghena
Nahe nde mɛ ŋkwa Sofoni kese kazlape ghena ta Shala te vəa Zhoziyas, meghea ka Zhəwda, kwelɛ va gwəmsə ŋkwaŋe ba'a wəfaɗemsə le va gwəmsə ŋkwaŋe ba'a mesli nda teya Kriste, tewə meghe Zhoziyas kembeɗete hweŋkwa ta zele Shala mbe va gwəmsə ŋkwaŋe ba'a bakemsə kwetɛŋeghəmbe. Ghena nyi seneve ka mɛ ŋkwa kageze ya mbe palepa shɛ: veci nya nza ɗa te mbeli va beze ba'a ŋzla, vəa ŋkwa nya teve geva ɗa te Zhəwda tewəmbəreke hawe ta ŋkɛ va kweci shala. Kateve ɗa Mahwətə te kweci hwelefefi perə. Ya kwela nza Zhɛrəzalɛm kebeze beze ne, katezhɛne geva meleme te ŋkwa ŋkɛ, katenza mbeli nyi keshifə ghə ba'a nyi tiɗiɗi mbe.
Nehe ta wəshi nyi mbe
Vecia meha ghwə ta Mahwətə 1.1–2.3
Beze nyi te hɛɗi nyi dzeyi yitea Israyɛl 2.4-15
Beze nya te Zhɛrəzalɛm ba'a mbeɗe ta ŋkɛ 3.1-20
