Ɓi madiɗa madiɗa ngi raˀa
Sopfoni a zla tila mi ngi Bumbulvuŋ dumbuŋ ar Habakuko. Ti hin nah, Zoziyas, buy madiɗa a cifa sipi jiviɗ naŋ taˀ kuy kuy t'aruŋ, yo mizli Zudahay ara sam bonoy haɗa. Mizli maɓam: Bumbulvuŋ ada ki slimiɗ ar mizli kwa, yo n’ada ga gwat ngi mizli mawuɗama kwa? na, mijiviɗ Sofoni a mbiɗa taŋ mi ti gwat ngi gihey wal wal, Bumbulvuŋ masa ga taŋ, kaɓa ani:
Ar sapitir 1.1-2.3 na, Bumbulvuŋ a sa ga kiita da mizli Zudahay ati Zeruzalemeye.
Ar Sapitir 2.4-25 na, Bumbulvuŋ a sa ngizla hirwuy ngi ciki Zudahaya.
Ar sapitir 3.1-20 na, Bumbulvuŋ misa kiɗa hilfa ngi malambaˀa le a Zeruzaleme, yo mizli ara cifam teŋteŋ ar walahaya na, a sa cifa Zeruzaleme hiri naŋ a muŋ.
Ar Sapitir 2.3 ;3.1 2 na, Sofoni a ɓi, Zudahaya, manja Bumbulvuŋ a gi gwat vur Yude, mizli naŋhay, yo a kiɗa hilfa ngi mungra ngir taŋ ta na, t’anta sa lumam jumo’ay mimezle ati Bumbulvuŋ ta. Waɗ ma na, ara gi sedewo ti ɓi ngi Bumbulvuŋ masa ga mezle da ‹mizli muluɓ luɓoy ngi si ruwuyoy›.
