Mejô y'atata'a
Kalate Rut a ne wua ya bekalate ba loon e nnôm élat na: Mintilan. A bili bekapitel 4. Nkpwas y'été ô ne avale di: 1:1-5; ndaa bôt Elimélék ja ke tabe e si ya Môab amu zaé é nga kui e si ya Israél. 1:6-18: Rut a tyi'i na baa Naômi, ntyi wé, ba ke Israél nsamba wua. 1:19-22: Naômi baa mbome wé, Rut, ba suan e Bétléhém. 2:1-16: Rut a ke tô'ô bidi e afube. 2:1-17-23: Naômi a kañese na nne Rut a ke ôsu a tô'ô bidi e afub be Bôaz. 3:1-18: Rut a lôt alu e mebo nké me Bôaz. 3:16-18: Rut a kañete Naômi aval alu da te lôte nye e be Bôaz. 4:1-12: Bôaz a kôté éli'i Elimélék. 4:13-17: Bôaz a lu'u Rut. 4:18-22: éndane David.
Beyude ba dañe belane kalate nyô éyoñ y'abô'ô Pantekôt, nde da liti atata'a ya nkôane bidi nalé fe nsimesane mveane metiñ Zambe a nga ve ayoñe dé e nkôle Sinayi. Kalate nyô a dañe kômbô liti ane ngone bikuu, Rut, é nga nyiin e ayoñe Zambe a nga tob été. Rut émien a liti mbamba ntaban mfa'a nda bôte nnôme wé a mfa'a Zamba Israél. Kalate Rut a liti ane Zambe a ya'ane mbamba ntaban ate. Ajô te Rut baa ntyi wé Naômi mbe be mbe bingôngol, ba ke ba nyiin e mefo'o été ôte'etek ôte'etek. Kalate nyô a liti fe bia mbamba ntaban e zañe bôt a ndi nlem e be Zambe. Jam da su'ulan e ne na mon a nga bialé e zañe Bôaz a Rut, a mbe émvame njô bôte David. A amu nalé, Rut, ngone bikuu, ngone ya Môab, a nga nyoñ éto éndane Yésus été avale kalate Metias kapitel ôsu éfus étan a liti.
