Mejô y'atata'a
Kalate Daniel a ne wua ya bekalate be ne nnôm Elat ba loone na: Mintilan, avale kalate Zambe nkobô ébre a liti; ve kalate Zambe e nkobô grék a futi nye e ngabe bekulu mejô. A bili bekapitel 12. A kañete ane bisoé bendôman binyin ya Beyude, mbe Nébukatnétzar, njô bôte ya Babilôn a nga kee bie minkôm a bôte bevok, be nga tabe e mbunan Zambe wob été tek'afô'é. Nkpwas y'été ô ne avale di:
1 1–6: Ngabe nyô é bili minkañete misaman mi too teke wua ô tii a wu ôvok. Minkañete mite mia liti avale bitibela'a a ékpwe'ele Beyude be mbe nguleya tôbane bie e be ba be nga tibili be: Aval ane nkañete Daniel ébé bengbwengbwem été ch 6.
2 7–12: Ngabe nyô é bili minkañete minyin mi too miñyenan Zambe a liti Daniel, miñyenane mite mia kulane nkañete ayoñe Beyude, nde abui meyoñe bikuu da tibi yôb akekui éyoñe Zambe a beta telé éjôé jé.
Kalate Daniel a funane kalate nlitane mam e mfefé kalate Zambe. Bebaane ba dañe sôñe na be ve bebuni ya biyoñ bise na, be bo mban e mbunan été to'o be ne ôsu ya za avale meve'ele, a za avale ékpwe'ele. Bekalate bete be ne bekalate be njiban.
