Titos 3 - Bible bil 3arabe App

El-7ayet el-masi7iyye

¹ Zakkir el-mou2minin enno yokhda3o lal-7ekkem w-as7ab el-soulta w-ytee3ouwon w-ykouno mist3eddin la-kell 3amal sale7,

² w-ma ysebbo 7ada w-ma ykouno meshkaljiyye, bel-3aks, ykouno loutafa y3emlo kell el-nes bi-kell wade3a.

³ Ne7na kamen kenna min zamen jehhel, metmarrdin, day3in, 3abeed lal-shahawet w-la-kell anwe3 el-malazzet, 3ayshin 3al-khabsane wel-7asad, makrouhin w-mnekrah ba3dna.

⁴ Bass lamma zahar 7anen ALLAH moukhallisna w-ma7abbto lal-bashar,

⁵ khallasna, mish kermel ayya 3amal sale7 3melneh, bass li2anno arad bi-ra7emto enno ykhallesna w-yghasselna ghasslet el-miled el-tene la-7ayet jdide bel-ROU7 el-2ODOS

⁶ yalle afado ALLAH 3leyna bi-ketra bi-YASOU3 el-MASI7 moukhallisna,

⁷ 7atta netbarrar bi-ne3met el-MASI7 w-nourat el-7ayet el-abadiyye yalle natrina.

Wassaya la-Titos

⁸ Sad2a hal-kelme, w-badde yek tkoun 7azem bi-hal-eshya ta-yalle 2ãmano bi-ALLAH yehtammo bel-a3mel el-sal7a, li2anno hal-shi mni7 w-moufid lal-nes.

⁹ W-bennesbe lal-moujedale el-sakhife wel-eshya el-m3alla2a bel-sleele wel-khilefet wel-moune2ashe 7awl el-shari3a, tjannabon li2anno ma byenfa3o la shi.

¹⁰ W-sa7ib el-harta2a bay3ed 3anno, min ba3d ma t2anezro marra aw marteyn,

¹¹ W-3raf enno rejjel metl hayda bikoun daye3 w-khãte w-7akem 3ala nafso.

¹² W-lamma eb3at la-3andak Artimas w-Tikhikos 3ajjil w-ta3a la-3ande 3a-Nicopolis li2anno 2arraret eb2a kell el-shete honik.

¹³ Se3id 2add ma fik Zinas mou3allim el-shari3a w-Apolos 7atta ysefro w-ma yen2ason shi.

¹⁴ W-3allim jame3etna enno ymerso a3mel sal7a ta-y2ammno el-7ajet el-darouriyye, 7atta ma tkoun 7ayeton bala feyde.

¹⁵ Bisallmo 3lek kell yalle ma3e. Sallem 3ala a7ebbe2na bel-imen. Wel-ne3me tkoun ma3kon kellkon.