Titos 2 - Bible bil 3arabe App

Wassaya lal-mou2minin

¹ Bass enta 7ki bi-yalle byetwefa2 ma3 el-ta3lim el-sa7i7.

² 3allim el-kbar enno ykouno 2anou3in, 3endon rasane w-razene, byetmatta3o bel-imen wel-ma7abbe wel-sabr.

³ W-3allim el-neswen el-kbar bel-3omr kamen enno yetsarrafo metl ma bili2 bi-neswen byemsho tari2 el-2adese, mish nemmemin wala moudminin 3al-nbeed, bidello 3al-kheyr,

⁴ bi3allmo el-sabaya ma7abbet azwejon w-wledon,

⁵ w-bikouno razinin, byetmatta3o bel-3effe bya3erfo ydeero byouton, bitee3o azwejon, 7atta ma 7ada yjaddef 3a-kalem ALLAH.

⁶ W-kamen w3az el-shabeb ta-ykouno razinin.

⁷ W-koun enta matal elon bel-3amal el-sale7, razin w-mnazzah bi-ta3limak.

⁸ W-khalle kalemak ykoun sa7i7 ma fiyo lawm, se3eta byekhjal khasmak w-ma bile2e shi 3atel y2oulo 3anna.

⁹ W-3allim el-3abeed enno ytee3o asyedon w-yetolbo ridahon bi-kell shi, w-ma y3andouwon

¹⁰ w-ma yeser2o minnon shi, bel-3aks ybarehno deyman 3an ameneton, 7atta ykarrmo bi-kell shi ta3alim ALLAH moukhallisna.

¹¹ W-ne3met ALLAH, nab3 el-khalãs la-kell el-bashar, zaharet

¹² ta-t3allimna enno ne2ta3 3ale2etna bel-iba7iyye w-shahawet hal-dene ta-n3ish bi-razene w-sala7 w-ta2wa bi-3asrna hayda,

¹³ w-nentor el-yawm el-moubarak yalle mnetrajjeh, yawm zouhour majd Ilehna el-3azeem w-moukhallisna YASOU3 el-MASI7

¹⁴ yalle da77a bi-7alo kermelna 7atta yeftedina min kell sharr w-ytahherna w-ya3mil minna sha3b bikhesso bighar 3al-3amal el-sale7.

¹⁵ Hek 7ki w-w3az w-wabbekh bi-kell soultan 3endak yeh. W-ma tkhalle 7ada yestalshi2 fik.