Lou2a 2 - Bible bil 3arabe App

Miled YASOU3

¹ W-bi haydik el-iyem 2amar el-2aysar Aughostos bi-i7sa2 kell sekken el-Embratoriyye.

² W-hal-i7sa2 el-awwal sar lamma ken Kirinyos 7akem bi-Souriya.

³ W-ra7 kell wa7ad 3ala madinto la-yetsajjal fiya.

⁴ Ra7 Youssef min el-Jaleel min madinet el-Nassira 3al-Yahoudiye 3ala Beyt-La7m madinet Daoud, li2anno ken min beyt Daoud w-sleelto,

⁵ la-yetsajjal ma3 Maryam khatibto, w-kenit 7eble.

⁶ Henne w-bi-Beyt-La7m, eja wa2ta ta-twalled,

⁷ fa-waladet 2ebna el-bekr w-2ammateto w-nayyameto bel-ma3laf, li2anno ma le2yo matra7 ynemo fih.

El-Re3yen wel-maleyke

⁸ W-ken bi-haydik el-manta2a re3yen neymin bel-barriye, 3am yetnewabo el-sahar bel-leyl 3ala r3iyyeton.

⁹ Zaharlon malèk el-RAB, w-sha3sha3 majd el-RAB 7awlon w-khafo ktir.

¹⁰ 2allon el-malèk: "ma tkhafo! Ana 3am basherkon bi-fara7 3azeem ra7 y3emm el-sha3b kello:

¹¹ woulidelkon liom bi-madinet Daoud moukhallis houe el-MASI7 el-RAB.

¹² W-khedo hal-3aleme: betle2o tofl m2ammat neyim bi-ma3laf."

¹³ W-faj2a ndamm lal-malèk joumhour min 3askar el-sama, 3am bisabb7o ALLAH w-y2oulo:

¹⁴ "el-majd la-ALLAH bel-sama, wel-salem 3al-ard, bayn el-nes yalle ALLAH rade 3leyon."

¹⁵ W-lamma fallo el-maleyke min 3endon lal-sama, 2alo el-re3yen la-ba3don: "ta3o nrou7 3ala Beyt-La7m ta-nshouf hal-7adath yalle khabbarna 3anno el-RAB."

¹⁶ W-ejo bi-ser3a, w-le2o Maryam w-Youssef, wel-tofl neyim bel-ma3laf.

¹⁷ W-lamma shefouh khabbaro el-nes shou 2allon el-malèk 3an el-tofl,

¹⁸ w-kell yalle sem3o bi-hal-shi ndahasho min yalle 2aloulon yeh el-re3yen.

¹⁹ W-kenit Maryam 3am t7ott kell hal-eshya bi-2alba w-tfakker fiyon.

²⁰ W-rej3o el-re3yen w-henne 3am bimajjdo ALLAH w-ysabb7ouh 3ala kell shi sem3ouh w-shefouh metl ma khabbaron el-malèk.

Khiten YASOU3 w-te2dimo lal-RAB

²¹ Lamma sar el-tofl 3omro tmen tiyem, eja el-waet ta-yenkhatan, sammouh YASOU3, metl ma sammeh el-malèk abl ma te7bal fih Maryam.

²² W-lamma eja yawm tot'hiron bi-7asab shari3et Moussa, tel3o bel-tofl YASOU3 3ala Ourashalim ta-y2admouh la-ALLAH,

²³ metl ma maktoub bi-shari3et el-RAB: "kell bekr byefta7 ra7m byendrouh la-ALLAH",

²⁴ bi2addmo el-zabi7a yalle btefroda shari3et el-RAB: jawz yamem aw ferkhen 7amem.

²⁵ W-ken fi bi-Ourashalim rejjel sale7 w-ta2e esmo Sem3an, nater el-khalãs la-Isra2il, w-ken el-ROU7 nezil 3le.

²⁶ W-ken el-ROU7 el-2ODOS alhamo enno ma ra7 ymout abl ma yshouf MASI7 el-RAB.

²⁷ Eja 3al-haykal bi-elhem min el-rou7. W-lamma feto Youssef w-Maryam w-ma3on el-tofl YASOU3 ta-y2addmo yalle bteferdo el-shari3a,

²⁸ 7emlo Sem3an 3ala 2idey w-berak ALLAH w-2al:

²⁹ "ya RAB, halla2 7a'2a2et wa3dak ele, khalle khadmak yrou7 bi-salem.

³⁰ 3youne shefit el-khalãs

³¹ yalle 7addarto lal-shou3oub kella

³² nour ydawwe 3al-oumam w-majd la-sha3bak Isra2il."

³³ T3ajjabo bayyo w-emmo min yalle 2alo Sem3an 3anno.

³⁴ W-berakon Sem3an w-2al la-Maryam emmo: "hayda el-tofl eja ta-ysa'2et w-y3alle ktar min el-nes bi-Isra2il. W-houe 3aleme min ALLAH ra7 yekhtelfo 3leya,

³⁵ ra7 tenkeshif naweya el-2loub. W-7atta ente, ra7 yekhro2 bi-nafsik seyf."

³⁶ W-ken fi honik nabiyye kbire bel-3omr esma 7anne benet Fanou2il, min sobt Ãshir, w-3ashit ma3 zawja sab3 snin,

³⁷ min ba3da be2yet armale 7atta sar 3omra arb3a-w-tmeneen, ma tarakit el-haykal tsoum w-tsalle leyl nhar.

³⁸ Ejet bi-haydik el-se3a w-shakarit ALLAH w-7ekyet 3an el-tofl YASOU3 ma3 kell yalle keno natrin el-khalãs min ALLAH.

³⁹ W-lamma 3emlo Youssef w-Maryam kell yalle bteferdo 3leyon shari3et el-RAB, rej3o 3al-Jaleel, 3ala-madineton el-Nassira.

⁴⁰ W-ken el-tofl YASOU3 3am yekbar w-yet2awwa w-yentele bel-7ekme, w-kenit ne3met ALLAH 3le.

YASOU3 bel-haykal

⁴¹ W-keno ahlo la-YASOU3 yrou7o kell sene 3ala Ourashalim bi-3id el-fos7.

⁴² W-lamma YASOU3 sar 3omro tna3sh, tel3o 3ala Ourashalim metl 3adeton bel-3id.

⁴³ W-min ba3d ma mara2et iyem el-3id akhado tari2 el-raj3a, be2e el-sabe YASOU3 bi-Ourashalim, w-ahlo mish 3arfin,

⁴⁴ keno mfakrino ma3 el-msefrin. W-min ba3d yawm mashe saro ynabsho 3le 3end el-2rayib wel-ma3aref,

⁴⁵ bass ma le2ouh. W-rej3o 3ala Ourashalim 7atta yfattsho 3le,

⁴⁶ w-le2ouh min ba3d tlet tiyem bel-haykal, 2e3id ma3 mou3allimi el-shari3a, 3am yetsamma3 3leyon w-yes2alon.

⁴⁷ W-keno kell yalle 3am yesma3ouh madhoushin min zakeh w-ajwebto.

⁴⁸ W-lamma shefouh ahlo t3ajjabo. W-2aletlo emmo: "ya 2ebne, leysh 3melt fina hek? Bayyak w-ana kenna 3am nfattesh 3lek w-net3azzab."

⁴⁹ Jewabon: "leysh 3am bitfattsho 3leyye? Mish 3arfin enno lezim koun bi-beyt bayye?"

⁵⁰ W-ma fehmo ma3na kalemo.

⁵¹ W-reje3 YASOU3 ma3on 3ala el-Nassira, w-ken moutee3 elon. W-kenit emmo t7ott kell hal-shi bi-2alba.

⁵² W-ken YASOU3 3am yekbar bel-2ame wel-7ekme wel-ne3me 3end ALLAH wel-nes.