Filippi 3 - Bible bil 3arabe App

Keef bibarrerna ALLAH

¹ W-halla2, ya ekhewte, fra7o bel-RAB. Ma byez3ejne ektebelkon bel-eshya nafsa, hal-shi mni7 elkon.

² Ntebho min el-kleb, min yalle byeshteghlo sheghl 3atel, ntebho min yalle bishawwho el-jesm,

³ ne7na ahl el-khatn el-7a2i2e li2anno mne3bad ALLAH bel-rou7 w-mneftekhir bel-MASI7 YASOU3 w-ma mnettekil 3a-yalle houe bashare,

⁴ ma3 enno min 7a'2e enno ettekil ana kamen 3a-yalle houe bashare. W-eza 7ada fakkar enno min 7a'2o yettekil 3a-yalle houe bashare, ana a7a2 minno

⁵ li2anno ana khatanoune lamma ken 3omre tmen tiyem, w-ana min sleelet Isra2il, min 2abilet Benyamin, 3ebrane min el-3ebraniyyin. W-bennesbe lal-shari3a ana ferrise,

⁶ w-bennesbe lal-ghire ana edtahadet el-knise, w-bennesbe lal-ta2wa 7asab el-shari3a ana bidoun lawm.

⁷ Bass kell hal-eshya yalle kent shoufon reb7, liom sert e3teberon khsara kermel el-MASI7,

⁸ 7atta enno kell shi bshoufo khsara kermel el-reb7 el-a3zam, w-houe ma3rifet el-MASI7 YASOU3 Rabbe. Kermelo khseret kell shi w-be3tebir kell shi zbele ta-erba7 el-MASI7

⁹ w-ette7id fih, w-hek ma bitbarrar bel-shari3a, bitbarrar bel-imen bel-MASI7, w-hayda el-tebrir yalle bya3tih ALLAH 3ala ases el-imen.

¹⁰ W-hek bsir a3rif el-MASI7 w-ba3rif el-2ouwwe yalle tjallet bi-2iyemto w-bsherko bi-ãlemo w-bitshabbah fih bi-mawto,

¹¹ 3ala raja enno ana kamen 2oum min el-mawt.

El-sa3e lal-hadaf

¹² W-ma bedde3e enno 7solt 3a-kell shi aw wsolt lal-kamèl, bass bes3a la-hal-shi barke bousallo li2anno el-MASI7 YASOU3 woselle.

¹³ Ya ekhewte, ma be3teber enno wsolt, bass bihemmne shi wa7ad w-houe enno ensa yalle waraye w-emshe sawb yalle eddeme.

¹⁴ Ta-el7a2 el-hadaf, w-ekhod el-jeyze yalle ALLAH 3am yed3ina ela bel-MASI7 YASOU3 ta-nekheda bel-sama.

¹⁵ W-ne7na kellna, yalle meshyin sawb el-kamèl, 3leyna enno nkoun min hal-ra2y. W-eza ken elkon ra2y tene, ALLAH kamen ra7 yekshefelkon yeh.

¹⁶ Bass halla2, khallina netmassak bi-sod2 bi-yalle 7solna 3le.

¹⁷ Tmattalo fiyye, ya ekhewte, w-ettalla3o 3ala yalle 3am yemsho metlna.

¹⁸ 2eltelkon 3eddit marrat, w-berja3 b2oul halla2 wel-dmou3 bi-3youne, enno fi nes ktir 3am bi3isho ka2annon a3de2 la-salib el-MASI7.

¹⁹ Hal-ashkhas niheyeton el-halek, w-ilehon bi-batnon, w-majdon bi-3aron, w-ma fi bi-rason ella hmoum el-dene.

²⁰ Bass ne7na, watanna bel-sama w-min el-sama mnentor bi-shaw2 moukhallisna el-RAB YASOU3 el-MASI7.

²¹ Houe yalle ra7 yghayyir jesmna el-ta3ees, w-ya3emlo metl jesmo yalle kello majd, 7asab 2ouwwto yalle bitkhallih ykhaddi3 kell shi elo.