Afasos 2 - Bible bil 3arabe App

¹ Bel-mãde kento mawta bi-znoubkon w-khatayakon

² yalle kento 3am ta3mlouwa bi-7asab touro2 hal-3alam, khad3in la-ra2is el-2ouwwet el-sherreera bel-fada, ye3ne el-rou7 yalle byet7akkam halla2 bel-metmarrdin 3ala ALLAH.

³ W-kenna ne7na kellna min hal-ashkhas 3eyshin bi-shahawet jesmna le7'2in raghabeto w-mouyoulo, kermel hek kenna bi-tabi3etna wled el-ghadab metl be2e el-nes.

⁴ Bass ALLAH min ketrit ra7emto w-ma7abbto elna

⁵ 3atana el-7ayet ma3 el-MASI7 min ba3d ma kenna mawta bi-znoubna. W-ne3met ALLAH 3atetkon el-khalãs,

⁶ w-2awwamna ma3 el-MASI7 YASOU3 w-3atana matra7 bel-sama,

⁷ ta-ybayyen lal-ajyel el-jeye ghena ne3emto el-fo2 el-tabi3a bi-7aneno 3leyna min khilel el-MASI7 YASOU3.

⁸ Ye3ne bi-ne3met ALLAH akhadto el-khalãs bi-wastet el-imen. W-hal-shi mish minkon, houe mawhabe min ALLAH,

⁹ wel-a3mel ma ela fadl ta-ma 7ada yeftekhir.

¹⁰ Ne7na khali2et ALLAH, nkhala2na bel-MASI7 YASOU3 lal-a3mel el-sal7a yalle 7addara ALLAH elna min abl ta-nmereson.

El-we7de bel-MASI7

¹¹ Tzakkaro ento yalle ken aslkon mish Yahoude, enno el-Yahoud, yalle bye3tebro 7alon makhtounin bi-jesmon, bisammoukon el-mish makhtounin.

¹² W-tzakkaro ennkon kento yawmeta bidoun el-MASI7, b3ad 3an ra3iyyet Isra2il, ghouraba 3an 3ouhoud ALLAH w-wa3do, ma 3endkon raja wala Ileh bi-hal-3alam.

¹³ Bass halla2, bel-MASI7 YASOU3 serto 2rab bi-damm el-MASI7 min ba3d ma kento b3ad.

¹⁴ El-MASI7 houe salemna, 3eml min el-Yahoud wel-mish Yahoud sha3b wa7ad w-haddam el-7ajez yalle byefsol baynon,

¹⁵ ye3ne el-3adewe, w-leghe shari3et Moussa w-a7kema w-wassayaha ta-yekhlo2 bi-shakhso min hal-jame3ten, min ba3d ma 7att el-salem bayneton, 2ensen wa7ad jdid

¹⁶ w-ta-ysale7on ma3 ALLAH bi-salibo, 2atal el-3adewe w-3emelon jesm wa7ad.

¹⁷ Eja w-basharkon bel-salem ento yalle kento b3ad, metl ma bashar bel-salem yalle keno 2rab,

¹⁸ li2anno bi-wasteto, sar fina nousal la-3and el-Ãb bel-rou7 el-wa7ad.

¹⁹ W-hek min liom ento mish ghouraba aw dyouf, ento ma3 el-2eddisin r3iyye we7de w-min ahl beyt ALLAH,

²⁰ nbanayto 3a-ases el-rousl wel-anbiya, w-7ajar el-zewye houe el-MASI7 YASOU3 nafso,

²¹ li2anno 3le houe mashdoud el-bena kello ta-ye3la w-ykoun haykal m2addas bel-RAB,

²² w-bi-wasteto ento kamen mabniyyin sawa ta-tsiro beyt ALLAH bel-rou7.