Online Bible

ƐSITA 7 - Bisã Bible 2005

Amana lokona lía

¹ Akũ kína kũ Amanao gɛ̀ɛ pɔ́ ble kũ Ɛsitao.

² Gɔrɔ kũ òtɛn wɛ̃ mi a gɔrɔ plade pì zĩ, akũ kína Ɛsita là à pì: Ɛsita, bɔ́n ĩni wɛ́ kɛmaa? Mani kɛnnɛ. Yã kpaten ntɛn gbɛkamaa? Bee ma kpata kpadomɛ mani kpámma.

³ À wèa à pì: Tó ma n pɔnna lè akũsɔ̃ yã pìi kɛ̀nnɛ, ǹ tó màgɔ̃ kú wɛ̃̀ndiio. Wɛ́kɛ kũ ma kɛ̀mman gwe. Ǹ tó ma gbɛ̃nɔ gɔ̃ wɛ̃̀ndi vĩ. Yã kũ ma gbɛ̀kan gwe.

⁴ Zaakũ makũ kũ ma gbɛ̃nɔ, ò dìtɛ kũ ò ó dɛdɛ ò láka kũńwo ò ó buri bomɛ. Tó òtɛni ó yía zɔ̀nɔ ũ yãmɛ, de má yĩtɛna. Wari dí taka dí ká mà wari dɔmmaro.

⁵ Akũ kína a là à pì: Dímɛɛ? Dí mɛ́ ani fɔ̃ à zɛ kũ yã bire taka buri kɛnaaoo?

⁶ À wèa à pì: Amana vãni díkĩnan ibɛrɛ kũ à zã̀ógu pì ũ. Swɛ̃̀ɛ kɛ̃̀ Amanaa kína kũ a nanɔ pìio yã musu.

⁷ Kína fùtɛ a wɛ̃la pɔfɛ̃ gũn à gɛ̀ɛ líkpɛn a ɔnn. Amana sɔ̃ à gɔ̃̀ gwe kũ Ɛsitao, akũ Amana tɛn kútɛ kɛnɛ a wɛ̃̀ndi yã musu, zaakũ à è kũ kína zɛ̀o à vãni kɛarɛmɛ.

⁸ Kũ kína bò líkpɛn à sù pɔ́blekia gɔ̃̀nɔ, Amana lɛ̀lɛ gbà wutɛbɔ kũ Ɛsita gɛngɛsɛkɛnaaa, akũ à pì: À ye à kusi ma nanɔa ma wára kpɛ́ gũn lan yá? Kũ yã pìi bò kína lɛ́n gɔ̃̀nɔ, ò sù ò pɔ́ yĩ̀ Amana ãnnwa.

⁹ Kína dogarinɔ doke Abona pìnɛ: Lí pɛtɛna Amana pì bɛ sarɛ à kà gã̀sãkuru bupla akuri. Àkũ mɛ́ à lí pìi pɛ̀tɛ de à le à Mɔdekai kũ à yã mana kɛ̀nnɛ lokoa. Akũ kína pì: À a lokoa.

¹⁰ Kũ ò Amana lòko lí kũ à pɛ̀tɛ Mɔdekainɛ pìia, akũ kína pɔ kpàtɛ.

« Previous