Nɔ̀ɓà 7 - Ɓǎsɔ́ɔ̀ Báɓòɔ̀

Éézùɖùɛ̀-nyɔ̀ vɛ̀nɛ̀ ɓěɔ̀ nyíí-ɖɛ̀ ɓě

¹ Wé ɖòɛ̀ ɓaɖaa, Mózè nyànàìn ma Bounɓoɔ̀ jàɖàìn-gbòɔ̀ dyi, ké ɔ po ma jàɖàìn-gbòɔ̀ kè ɖɛ séín nì ɖéɛ múɛɛ cáná bũ̌, ké ɔ po ma wa wáká ɓó Bounɓoɔ̀ bìì. Ké ɔ po ma sáa-kɔ̃-zàìn-gbààɔ̀ kè kũ̀à-mú-nyùìn-ɖɛ̀ séín ɓáa dyíɛɛ cáná bũ̌, ké ɔ po ma wa wáká ɓó Bounɓoɔ̀ bìì ɖekè.

² Hwɛ̀ ké Éézùɖùɛ̀-nyɔ̀ ɓěɔ̀ nyɔ vɛ̀nɛ̀ ɓaɖa-bùè sè sɔ̃́ ɓě sɔ̀à xwéɖé-dù ɖò-ɖò ɓěɔ̀ mú, ɓɛ́ wa zɛɖɛ ma kà nyɔ ɓěɔ̀ kɛɛ dyà ma Bounɓoɔ̀ nyíí-ɖɛ̀ ɓě.

³ Nyíí-ɖɛ̀ ɓěɔ̀ mɔ̀ hwíì-sǒ mɛ̀nɛ̌ìn-ɖò kè ɓìɖǐ ɓaɖa-bùè sè sɔ̃́. Nyɔ vɛ̀nɛ̀ sɔ̃́ ní, wa dyà hwíì-sǒ dyúáɖò, ké wa ɖò-ɖò dyà ɓìɖǐ dyúáɖò, ké wa nyí ma wa Bounɓoɔ̀ ɓó ɔ jàɖàìn-gbòɔ̀ dyúa.

⁴ Hwɛ̀ ké Bounɓoɔ̀ cɛ̃ɛ ma Mózè gbo, ké ɔ ɖá,

⁵ “Kpɔ̃ nyíí-ɖɛ̀ ɓěa nyɔ ɓěɔ̀ xwaún, ɓɛ́ m̀ kéɛ Ɖíìváà-nyɔ̀ ɓěɔ̀ xwa nyí dyììn ɖé kà wa ɖò-ɖòɛ̀ kũ̀à nyu nìɛ̀ kɛɛ mú, ɓɛ́ wa kéɛ kũ̀à mú nyùìn ɖé jàɖàìn-gbò kɔ̃̀ mú ḿ kè ní nyɔ ɓěɔ̀ dyéàìn nyɛɛ mú.”

⁶ Ɔ jèɛɛ, Mózè ɖú ma hwíì-sǒ ɓěɔ̀ kè ɓìɖǐ ɓěɔ̀ dyí, ké ɔ nyí ma wa Ɖíìváà-nyɔ̀ ɓěɔ̀ xwa.

⁷ Ɔ nyí ma Gésɔ̀ùn nììn xwíníín-dyù ɓěɔ̀ hwíì-sǒ sɔ̃́ kè ɓìɖǐ hĩinyɛ dyììn ɖé kà wa nììn kũ̀à nyu nìɛ̀ kɛɛ mú.

⁸ Ké ɔ nyí ma Mɛ̀wáɖáwìɖì nììn xwíníín-dyù ɓěɔ̀ hwíì-sǒ hĩinyɛ kè ɓìɖǐ mɛ̀nɛ̌ìn-tã dyììn ɖé kà wa nììn kũ̀à nyu nìɛ̀ kɛɛ mú. Wa nì ma Ìfámà mɔ̀à Eɖóún mɔ̀à sáa-zà-nyɔ̀ vɛ̀nɛ̀ɔ̀ kɛɛ dyú-gààɔ̀ kɛɛ xwíɖíi.

⁹ Kɛɛ ɔ se ma Kóhà nììn xwíníín-dyù ɓěɔ̀ ɖɛ ɖò nyí, sepóɛɖé wa kɔ̃̀ ma mú-hwɛ̀-ɖɛ̀ ɓě ɓɛ́ wa kɔ̃̀ wa ké ma kà kɔún dyi ɓéɖéìn nyɛɛ gbo gmɔ̀ jè kpé gbo.

¹⁰ Ɓó wé kɔ̃̀ ɓaɖa Mózè po ma kà sáa-kɔ̃-zàìn-gbààɔ̀ cáná bũ̌ɛɛ, Éézùɖùɛ̀-nyɔ̀ ɓěɔ̀ nyɔ vɛ̀nɛ̀ ɓaɖa-bùè sè sɔ̃́ ɓěɔ̀ dyà ma sáa-zàìn-ɖɛ̀ ɓě kè nyíí-ɖɛ̀ ɓě ɓó sáa-kɔ̃-zàìn-gbààɔ̀ Bounɓoɔ̀ xwáɖáún zàìn jè. Wa dyà ma ɖɛ ɓěɔ̀ ɓó sáa-kɔ̃-zàìn-gbààɔ̀ dyúa.

¹¹ Ké Bounɓoɔ̀ cɛ̃ɛ ma Mózè gbo, ké ɔ ɖá, “Wé ɖò ní, ɔ mɔ̀ Éézùɖùɛ̀-dyù ɓěɔ̀ nyɔ vɛ̀nɛ̀ ɓěɔ̀ dyúáɖò nììn ti ɓɛ́ ɔ ké ɔ nììn sáa-zàìn-ɖɛ̀ ɓěɔ̀ kè ɔ nììn nyíí-ɖɛ̀ ɓěɔ̀ tò ɓó sáa-kɔ̃-zàìn-gbààɔ̀ ḿ xwáɖáún zàìn jè.”

¹² Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wé kĩ́ín-kĩ́ínɔ̀ ɓaɖaa mɔ̀ Násɔ̀ùn mɔ̀à Ámìnáɖàà dyú-gàà, ɓɛ́ ɔ sɔ̀à ɖé Júɖà nììn xwéɖé-dùɔ̀ múɛ.

¹³ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

¹⁴ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

¹⁵ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

¹⁶ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

¹⁷ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Násɔ̀ùn mɔ̀à Ámìnáɖàà dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

¹⁸ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ sɔ̃́ nììnɔ̀ ɓaɖaa mɔ̀ Nɛ̀fánìò mɔ̀à Zúàà dyú-gàà, ɓɛ́ ɔ mɔ̀à Ɛ́sàkà nììn xwéɖé-dùɔ̀ nyɔ vɛ̀nɛ̀ɔ̀ kɛ.

¹⁹ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

²⁰ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

²¹ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

²² Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

²³ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Nɛ̀fánìò mɔ̀à Zúàà dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

²⁴ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ tã nììnɔ̀ ɓaɖaa mɔ̀ Ɛ̀ɖíà mɔ̀à Héɖɔ̀ùnɛ̀ dyú-gàà, ɓɛ́ ɔ mɔ̀à Zɛ́ɓíúɖɔ̀ùn nììn xwéɖé-dùɔ̀ nyɔ vɛ̀nɛ̀ɔ̀ kɛ.

²⁵ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

²⁶ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

²⁷ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

²⁸ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

²⁹ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Ɛ̀ɖíà mɔ̀à Héɖɔ̀ùnɛ̀ dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

³⁰ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ hĩinyɛ nììnɔ̀ ɓaɖaa mɔ̀ Ɛ̀ɖízù mɔ̀à Sɛ̀ɖédyùɛ̀ dyú-gàà, ɓɛ́ ɔ mɔ̀à Wuɖuɓíín nììn xwéɖé-dùɔ̀ nyɔ vɛ̀nɛ̀ɔ̀ kɛ.

³¹ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

³² Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ̀ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

³³ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

³⁴ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

³⁵ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Ɛ̀ɖízù mɔ̀à Sɛ̀ɖédyùɛ̀ dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

³⁶ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ hm̀m̌ nììnɔ̀ ɓaɖaa mɔ̀ Sɛ̀ɖúmìè mɔ̀à Zúwìɖìsáɖàìɛ̀ dyú-gàà, ɓɛ́ ɔ mɔ̀à Símìɔ̀ nììn xwéɖé-dùɔ̀ nyɔ vɛ̀nɛ̀ɔ̀ kɛ.

³⁷ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

³⁸ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

³⁹ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

⁴⁰ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

⁴¹ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Sɛ̀ɖúmìè mɔ̀à Zúwìɖìsáɖàìɛ̀ dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

⁴² Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ mɛ̀nɛ̌ìn-ɖò nììnɔ̀ ɓaɖaa mɔ̀ Ɛ̀ɖìásà mɔ̀à Ɖɛ̀dyúòɛ̀ dyú-gàà, ɓɛ́ ɔ mɔ̀à Gáà nììn xwéɖé-dùɔ̀ nyɔ vɛ̀nɛ̀ɔ̀ kɛ.

⁴³ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

⁴⁴ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

⁴⁵ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

⁴⁶ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

⁴⁷ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Ɛ̀ɖìásà mɔ̀à Ɖɛ̀dyúòɛ̀ dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

⁴⁸ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖaa mɔ̀ Ɛ̀ɖìsámà mɔ̀à Àmíhùɛ̀ dyú-gàà, ɓɛ́ ɔ mɔ̀à Ífèɖèìn nììn xwéɖé-dùɔ̀ nyɔ vɛ̀nɛ̀ɔ̀ kɛ.

⁴⁹ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

⁵⁰ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

⁵¹ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

⁵² Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

⁵³ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖé ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Ɛ̀ɖìsámà mɔ̀à Àmíhùɛ̀ dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

⁵⁴ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ mɛ̀nɛ̌ìn-tã nììnɔ̀ ɓaɖaa mɔ̀ Gàmɛ́ɖìè mɔ̀à Pɛ̀ɖázùɛ̀ dyú-gàà, ɓɛ́ ɔ mɔ̀à Mànásì nììn xwéɖé-dùɔ̀ nyɔ vɛ̀nɛ̀ɔ̀ kɛ.

⁵⁵ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

⁵⁶ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

⁵⁷ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

⁵⁸ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

⁵⁹ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Gàmɛ́ɖìè mɔ̀à Pɛ̀ɖázùɛ̀ dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

⁶⁰ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ mɛ̀nɛ̌ìn-hĩinyɛ nììnɔ̀ ɓaɖaa mɔ̀ Àbíɖàùn mɔ̀à Gíɖìónìɛ̀ dyú-gàà, ɓɛ́ ɔ mɔ̀à Bɛ̃́címà nììn xwéɖé-dùɔ̀ nyɔ vɛ̀nɛ̀ɔ̀ kɛ.

⁶¹ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

⁶² Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

⁶³ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

⁶⁴ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

⁶⁵ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Àbíɖàùn mɔ̀à Gíɖìónìɛ̀ dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

⁶⁶ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ ɓaɖa-bùè nììnɔ̀ ɓaɖaa mɔ̀ Áhìɛ́zɛ̀ mɔ̀à Ámìsáɖàìɛ̀ dyú-gàà, ɓɛ́ ɔ mɔ̀à Dɛ̃́ìn nììn xwéɖé-dùɔ̀ nyɔ vɛ̀nɛ̀ɔ̀ kɛ.

⁶⁷ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

⁶⁸ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

⁶⁹ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

⁷⁰ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

⁷¹ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Áhìɛ́zɛ̀ mɔ̀à Ámìsáɖàìɛ̀ dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

⁷² Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ ɓaɖa-bùè sè ɖò nììnɔ̀ ɓaɖaa mɔ̀ Págìè mɔ̀à Ókànàà dyú-gàà, ɓɛ́ ɔ mɔ̀à Ásè nììn xwéɖé-dùɔ̀ nyɔ vɛ̀nɛ̀ɔ̀ kɛ.

⁷³ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

⁷⁴ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

⁷⁵ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

⁷⁶ Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

⁷⁷ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Págìè mɔ̀à Ókànàà dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

⁷⁸ Nyɔ mɔ̀ nyɔ ɓɛ́ ɔ tò ma ɔ nììn sáa-zàìn-ɖɛ̀ kè nyíí-ɖɛ̀ ɓó wéɔ̀ ɓaɖa-bùè sè sɔ̃́ nììnɔ̀ ɓaɖaa mɔ̀ Àhíwàɖà mɔ̀à Énàà dyú-gàà, ɓɛ́ ɔ mɔ̀à Náfátàɖì nììn xwéɖé-dùɔ̀ nyɔ vɛ̀nɛ̀ɔ̀ kɛ.

⁷⁹ Ɔ tò ma séɓàɖà-pèɖètè dyúáɖò kɔ̃̀ xwa-ku-ku zi ma pṹá-dyèɖè tã kɔ̃ɛ kè gbòɖòò dyúáɖò ɓɛ́ ɔ mɔ̀ séɓàɖà saá-saá, ké ɔ xwa-ku-ku ɓɛ́ìn ma pṹá-dyèɖè sɔ̃́ jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ múɛ. Fáɖáɓà nìɛ̀-nìɛ̀ caìn cáná dyí ma ɖé wa mú, ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ.

⁸⁰ Ké ɓó kɔ̃in ɖeɛɛ, ɔ tò ma góò-kòpò kɔ̃̀ xwa-ku-ku ɓɛ́ìn ma pṹá-dyèɖè fáún-fáún jǔɛ kɛ. Nyɔ́ún-nɔ̀mɔ̀-ɖɛ̀ dyí ɖéɛ mú.

⁸¹ Ké ɔ tò ma ɓìɖǐ ɓíɔ́ gmɔ̀ ɖò kè ɓáɖáá ɓíɔ́ ɖò ɔ kè ɓáɖáá ɓíɔ́ɔ̀ ɖò ɖe ɓɛ́ ɔ nyuá zɔ̃ dyúáɖòɛ, ɓɛ́ wa ké fɔ̃ɔ-sàǎ-zàìn-ɖɛ̀ jǔ.

⁸² Ké ɔ tò vã́á ɖò, ɓɛ́ ɔ ké nàmàǔn-sàǎ-zàìn-ɖɛ̀ jǔ.

⁸³ Ké ɔ tò ɓìɖǐ sɔ̃́ kè ɓáɖáá ɓíɔ́ hm̀m̌ kè vã́á hm̀m̌ ɔ kè ɓáɖáá ɓíɔ́ hm̀m̌ ɖò ɖe ɓɛ́ wa nyuá zɔ̃ dyúáɖòɛ, ɓɛ́ wa ké gbo-kpɔ̃ìn-sàǎ-zàìn-ɖɛ̀ jǔ. Kǎà Àhíwàɖà mɔ̀à Énàà dyú-gààɔ̀ kɛɛ nììn sáa-zàìn-ɖɛ̀ kè nyíí-ɖɛ̀ ɓěɔ̀ nyu ma jĩ̀ɛ̀.

⁸⁴ Kǎà sáa-zàìn-ɖɛ̀ kè nyíí-ɖɛ̀ ɓě ɓɛ́ Éézùɖùɛ̀-nyɔ̀ vɛ̀nɛ̀ ɓěɔ̀ tò ma kà kɛɛ nyu jĩ̀ɛ̀ ɓó wé kɔ̃̀ ɓaɖa Mózè po ma kà sáa-kɔ̃-zàìn-gbààɔ̀ cáná bũ̌, ɓɛ́ ɔ dyiɛ ma kà Bounɓoɔ̀ xwáɖáún zàìn nyɛ. Nyíí-ɖɛ̀ ɓě ɓɛ́ wa tò ma kà kɛɛ mɔ̀ séɓàɖà-pèɖètè ɓaɖa-bùè sè sɔ̃́ kè gbòɖòò ɓɛ́ wa mɔ̀à séɓàɖà saá-saá kɛɛ ɓaɖa-bùè sè sɔ̃́ kè góò-kòpò ɓaɖa-bùè sè sɔ̃́.

⁸⁵ Séɓàɖà-pèɖètè ɓěɔ̀ ɖò-ɖòɛ̀ xwa-ku-ku zi ma pṹá-dyèɖè tã kɔ̃, ké gbòɖòò ɓěɔ̀ ɖò-ɖòɛ̀ xwa-ku-ku ɓɛ́ìn ma pṹá-dyèɖè sɔ̃́ jǔɛ. Séɓàɖà jĩ̀ kà nì ma ɖɛ-fùù séín ɓěɔ̀ múɛɛ poìn dyíɔ̀ xwa-ku-ku mɔ̀ pṹá-dyèɖè kpáɖá-nyɔ tã dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛɛ mú.

⁸⁶ Ké góò-kòpò ɓaɖa-bùè sè sɔ̃́ ɓɛ́ nyɔ́ún-nɔ̀mɔ̀-ɖɛ̀ dyíà mú kɔ̃̀ ɖò-ɖòɛ̀ xwa-ku-ku ɓɛ́ìn ma kà pṹá-dyèɖè fáún-fáún jǔɛ dyììn ɖé kà sáa-zà-nyɔ̀ ɓěɔ̀ nììn pṹá-dyèɖè nyu nìɛ̀ kɛ múɛɛ séín poìn dyíɔ̀ xwa-ku-ku mɔ̀ pṹá-dyèɖè tã.

⁸⁷ Ké nyúà-ɖɛ̀ séín ɓě ɓɛ́ wa nyùìn ma kà fɔ̃ɔ-sàǎ-zàìn-ɖɛ̀ɛ mɔ̀ ma ɓìɖǐ ɓíɔ́ gmɔ̀ ɓaɖa-bùè sè sɔ̃́ kè ɓáɖáá ɓíɔ́ ɓaɖa-bùè sè sɔ̃́ ɔ kè ɓáɖáá ɓíɔ́ ɓɛ́ wa nyuá zɔ̃ dyúáɖòɛɛ ɓaɖa-bùè sè sɔ̃́. Fɔ̃ɔ-sàǎ-zàìn-ɖɛ̀ ɓěɔ̀ ɓéɖé ma wa nììn ɖii-ɖɛ̀-sàǎ-zàìn-ɖɛ̀ ɓě. Ké nyúà-ɖɛ̀ séín ɓě ɓɛ́ wa nyùìn ma kà nàmàǔn-sàǎ-zàìn-ɖɛ̀ɛ mɔ̀ ma vã́á ɓaɖa-bùè sè sɔ̃́.

⁸⁸ Ké nyúà-ɖɛ̀ séín ɓě ɓɛ́ wa mɔ̀ ma kà gbo-kpɔ̃ìn-sàǎ-zàìn-ɖɛ̀ɛ mɔ̀ ma ɓìɖǐ ɓíɔ́ kpáɖá-nyɔ sè hĩinyɛ kè ɓáɖáá ɓíɔ́ kpáɖá-nyɔ tã kè vã́á kpáɖá-nyɔ tã ɔ kè ɓáɖáá ɓíɔ́ ɓɛ́ wa nyuá zɔ̃ dyúáɖòɛɛ kpáɖá-nyɔ tã. Kǎà sáa-zàìn-ɖɛ̀ kè nyíí-ɖɛ̀ ɓě ɓɛ́ Éézùɖùɛ̀-nyɔ̀ vɛ̀nɛ̀ ɓěɔ̀ tò ma kɛɛ nyu jĩ̀ɛ̀ ɓó wé kɔ̃̀ ɓaɖa Mózè po ma kà sáa-kɔ̃-zàìn-gbààɔ̀ cáná bũ̌, ɓɛ́ ɔ dyiɛ ma kà Bounɓoɔ̀ xwáɖáún zàìn nyɛ.

⁸⁹ Ké ti ɓɛ́ Mózè dyá ma ɖé jàɖàìn-gbò kɔ̃̀ mú ɓɛ́ Bounɓoɔ̀ kè ɔ nyɔ ɓěɔ̀ dyéàìn nyɛɛ mú, ɓɛ́ ɔ kè Bounɓoɔ̀ ké ma dɔ́ɔ́ dèɛɛ, púɛɛ, ɔ wɔ̃́ ma wuɖu ɖò sɔ̀ìn ɓó nyɔ-wìì-kɔ̃-ɓéɖéìn-naín nìà ɓó gma-gbɔ̀ɖɔ̀ɔ̀ kɔ̃ɛɛ kɔ̃, ɓó cɛ́ɖɔ̀ sɔ̃́ ɓěɔ̀ pṹa, ké Bounɓoɔ̀ nì ma ɔ ɖɛ ɖò gbo cɛ̃iń.