1 Kánáníkɔ̀ 4 - Ɓǎsɔ́ɔ̀ Báɓòɔ̀

Júɖà nììn xwíníín-dyù ɓě

¹ Júɖà nììn xwíníín-dyù ɓěɔ̀ ɖíɛ́ ɓě mɔ̀ ma Pɛ́wɛ̀ɖɛ̀ kè Hɛ́wɔ̀ɖɔ̀ùn kè Kámì kè Húɔ̀ ɔ kè Sóɓàò.

² Ké Sóɓàò wóɖóìn ma Wɛ̀ɖɛ̀ɖádyà, ké Wɛ̀ɖɛ̀ɖádyà wóɖóìn ma Jáhà, ké Jáhà wóɖóìn ma Àhúmàì kè Ɖáhà. Wa mɔ̀à Zówàɖà-hwɔ̀ɖɔ̀ɔ̀ nyɔ ɓěɔ̀ kɛ̀.

^3-4 Húɔ̀ mɔ̀ ma Kéɖɛ̀ɛ̀ gmàà mɔ̀à Ɛ́fàɖà kɛɛ nyíɔ́-dyù. Húɔ̀ mɔ̀ nyɔ dè zɔ̃̌ɔ̀ Bɛ́fèɖèhɛ̃́ɛ̀-hwɔ̀ɖɔ̀ɔ̀. Húɔ̀ wóɖóìn ma Étàùn kè Pɛ̀núè ɔ kè Ézɛ̀. Ké Étàùn wóɖóìn ma Jìzéɖéò kè Ísìmà kè Íbàsì ɔ kè waà ɖíí-màà Házèɖèpónì. Pɛ̀núè mɔ̀ nyɔ dè zɔ̃̌ɔ̀ Géɖò-hwɔ̀ɖɔ̀ɔ̀, ké Ézɛ̀ mɔ̀ùn dè zɔ̃̌ɔ̀ Húsà-hwɔ̀ɖɔ̀ɔ̀.

⁵ Kéɖɛ̀ kè Ɛ́fàɖàà dyú-gàà ɓɛ́ ɔ mɔ̀ ma Áhù ɓɛ́ ɔ mɔ̀ Tèkóà-hwɔ̀ɖɔ̀ɔ̀ ɓǎ kɛɛ ɓéɖé ma nyɔ́nɔ́ sɔ̃́. Ɖòɛ̀ nyɛ́nɛ́ mɔ̀ ma Hɛ́ɖà, ké ɔ tɔ̀ɔ̀ nyɛ́nɛ́ mɔ̀ ma Nááwàɖà.

⁶ Ké Nááwàɖà kè Áhù wóɖóìn ma Àhúzàùn kè Héfɛ̀ kè Tèmɛ́nì ɔ kè Háàhàtáwìɖì. Nyɔ ɓěɛ̀ mɔ̀ ma Nááwàɖà nììn dyú-gàà ɓěɔ̀.

⁷ Ké Hɛ́ɖà kè Áhù wóɖóìn ma Zɛ́wɛ̀ɖɛ̀ kè Zóhà kè Éfã̀

⁸ ɔ kè Kózì. Ké Kózì wóɖóìn ma Ánù kè Zòɓéɓà, ké ɔ mɔ̀ ma Àháhèò mɔ̀ ma Háwùɖùùnɛ̀ dyú-gàà kɛɛ nììn gbǒ-xwíníín ɓěɔ̀ ɓǎ ɖekè.

⁹ Gàa ɖò nì zɔ̃̌ɔ̀ ɓó, ké ɔ nyɛ́nɛ́ mɔ̀ Jáɓɛ̀. Wa dyé ma gàa nìà kɛ kpéín mìɔ ɖé ɔ ɖíí-gàà ɓěɔ̀ hwìɛ̀. Ɔ ɖe jǔìn ma ɔ Jáɓɛ̀-nyɛ̀nɛ̀ kɔ̃̀ xwíníín mɔ̀ bũ̌in-puà-puà kɛ, sepóɛɖé ɔ ɖá, “Ḿ wóɖóìn ɔ ɖé bũ̌in-puà-puà mú.”

¹⁰ Wé ɖòɛ̀ ɓaɖaa, Jáɓɛ̀ ɓaà ma Éézùɖùɛ̀ Gèɖèpɔ́ɔ̀, ké ɔ ɖá, “Gèɖèpɔ́ɔ̀, po ḿ mana kɔ̃, ɓɛ́ m̀ ké ní ɓóɖóɔ̀ kɔ̃ po. Nì ɓó ḿ gbo, ɓɛ́ m̀ ké ḿ ɖɛ gbà séín ɓě kéɔ́ má ḿ bũ̌in puà kɛɛ ḿ bũ̌ zà.” Ké Gèɖèpɔ́ɔ̀ jǔ ma ɔ ɓaà-wùɖùɔ̀ gɔ̃̌.

Gbǒ-xwíníín-dù kà kò ɖò ɓě

¹¹ Kíɖù ɓɛ́ ɔ mɔ̀ Súhàà ɖíí-gàà kɛɛ wóɖóìn ma Mɛ́hì, ké Mɛ́hì wóɖóìn ma Ɛ́tàùn,

¹² ké Ɛ́tàùn wóɖóìn ma Bɛ̀-Wɛ́ɖɛ́fà kè Pàséà ɔ kè Tèhínà. Ké Tèhínà wóɖóìn ma Ìnáhàsì. Gàa ɓě nìà kɛ mɔ̀ ma Wéɖékàà-hwɔ̀ɖɔ̀ɔ̀ nyɔ ɓě.

¹³ Kɛ́nà nììn dyú-gàà ɓěɔ̀ mɔ̀ ma Àníè kè Sɛ̀wáɖádyà. Ké Àníè nììn dyú-gàà ɓěɔ̀ mɔ̀ ma Háfà kè Mɛ̀ònófàì.

¹⁴ Ké Mɛ̀ònófàì wóɖóìn ma Áfàɖà. Ké Sɛ̀wáɖádyà wóɖóìn ma Jóà mɔ̀ nyɔ dè ma hwɔɖɔ ɓɛ́ wa ɖáìn Sɛ́ɖɛ́-dyuò-nyɔ̀ɛ̀ Bɔɔ-kpà kɛ. Wa jǔɛ̀n ma nyɛ́nɛ́ nìà kɛ, sepóɛɖé nyɔ ɓě ɓɛ́ wa nì ma ɖéɛɛ mɔ̀ ma sɛ́ɖɛ́-dyuò-nyɔ̀ ɓě.

¹⁵ Kéɖɛ̀ ɓɛ́ ɔ mɔ̀à Jɛ̀fúnɛ̀ɛ̀ dyú-gààɔ̀ kɛɛ nììn dyú-gàà ɓěɔ̀ mɔ̀ ma Íwùɖù kè Éɖà ɔ kè Náùn. Ké Éɖà wóɖóìn ma Kɛ́nà.

¹⁶ Jɛ́hàɖéò nììn dyú-gàà ɓěɔ̀ mɔ̀ ma Zífì kè Zífà kè Tìwíɖíà ɔ kè Àsáwèɖèò.

^17-18 Ézùɖùà nììn dyú-gàà ɓěɔ̀ mɔ̀ ma Jɛ́tɛ̀ɖɛ̀ kè Méwɛ̀ɖɛ̀ kè Éfɛ̀ ɔ kè Jáɖɔ̀ùn. Méwɛ̀ɖɛ̀ kpɔ̃ ma Íjè-kã̀ǎɔ̀ dyú-màà ɖò kɔ̃̀ nyɛ́nɛ́ mɔ̀ Bìfíà kɛɛ dyi, ké wa wóɖóìn ma màa-dyù ɖò, ké wa jǔìn ma ɔ Méwìɖìàùn-nyɛ̀nɛ̀. Ké wa wóɖóìn ma gàa-dyù sɔ̃́. Ɖòɛ̀ nyɛ́nɛ́ mɔ̀ ma Sã́màì, ké nyɔ tɔ̀ɔ̀ nyɛ́nɛ́ mɔ̀ Íɓà. Íɓà mɔ̀ nyɔ dè ma Ɛ̀tèmɔ́à-hwɔ̀ɖɔ̀ɔ̀. Ké Méwɛ̀ɖɛ̀ ɓéɖé ma Júɖà-màà ɖò ɖekè. Ké wa wóɖóìn ma Jɛ́wɛ̀ɖɛ̀ ɓɛ́ ɔ dè ma Géɖò-hwɔ̀ɖɔ̀ɔ̀ kɛ kè Hɛ́ɓɛ̀ ɓɛ́ ɔ dè ma Sóókò-hwɔ̀ɖɔ̀ɔ̀ kɛ ɔ kè Jɛ̀kúfìè ɓɛ́ ɔ dè ma Zànóà-hwɔ̀ɖɔ̀ɔ̀ kɛ.

¹⁹ Hòɖíà kpɔ̃ ma Náhàùnɛ̀ ɖíí-màà dyi, ké wa nììn xwíníín-dyù ɓěɔ̀ mɔ̀ ma Gámì-nyɔ̀ ɓě ɓɛ́ wa cĩ́ ma ɖé Kíɖà-hwɔ̀ɖɔ̀ɔ̀ múɛ kè Máákà-nyɔ̀ ɓě ɓɛ́ wa cĩ́ ma ɖé Ɛ̀tèmɔ́à-hwɔ̀ɖɔ̀ɔ̀ múɛ.

²⁰ Símɔ̀ùn nììn dyú-gàà ɓěɔ̀ mɔ̀ Ánɔ̀ kè Wíɖínà kè Bɛ̃̀hánà ɔ kè Tíɖɔ̀ùn. Ísì nììn dyú-gàà ɓěɔ̀ mɔ̀ Zóhè kè Bɛ̃̀zóhè.

Séɖà nììn xwíníín-dyù ɓě

^21-22 Séɖà ɓɛ́ ɔ mɔ̀à Júɖàà dyú-gààɔ̀ kɛɛ mɔ̀ ma Ɛ́ɛ̀ kè Ɖááɖà kè Jókĩ̀ìn kè Jóàsì kè Sáwàɖàfì ɔ kè nyɔ ɓě cĩ́ ma ɖé Kòzéɓà-hwɔ̀ɖɔ̀ɔ̀ múɛɛ ɓǎ. Ɛ́ɛ̀ dè ma Ɖékà-hwɔ̀ɖɔ̀ɔ̀, ké Ɖááɖà dè ma Màwéɖésà-hwɔ̀ɖɔ̀ɔ̀, ké ɔ mɔ̀ ma nyɔ ɓě mɔ̀ ɖénì-ɖɔ̀ ɖaɓa-nyɔ̀ ɓě cĩ́ ma ɖé Bɛ̀-Àɓéà-hwɔ̀ɖɔ̀ɔ̀ múɛɛ ɓǎ. Jóàsì kè Sáwàɖàfì kpɔ̃ ma Móà-màà ɓě dyi, ké wa cĩ́ ma ɖé Bɛ́fèɖèhɛ̃́ɛ̀-hwɔ̀ɖɔ̀ɔ̀ mú. Nyɔ ɓěɛ̀ nyɛ́nɛ́ céè ɖé céè-ɖɛ̀ sùà ɖò mú.

²³ Wa ɖíɛ́ ɓě mɔ̀ ma mɛ-dyàà-mɛ-nyɔ̀ ɓě, ké wa cĩ́ ma ɖé Nɛ̀táìn-hwɔ̀ɖɔ̀ɔ̀ kè Gèɖéwàɖà-hwɔ̀ɖɔ̀ɔ̀ mú, ké wa nyu ma kã́áɔ̀ gbo kũ̀à.

Símìɔ̀ nììn xwíníín-dyù ɓě

²⁴ Símìɔ̀ nììn dyú-gàà ɓěɔ̀ mɔ̀ Nɛ̀múè kè Jámì kè Jáwìɖì kè Zɛ́wàɖà ɔ kè Sádyù.

²⁵ Ké Sádyù wóɖóìn ma Sáɖùùn, ké Sáɖùùn wóɖóìn ma Mísàùn, ké Mísàùn wóɖóìn ma Mímà.

²⁶ Ké Mímà wóɖóìn ma Hàmúè, ké Hàmúè wóɖóìn ma Zákù, ké Zákù wóɖóìn ma Símì.

²⁷ Ké Símì wóɖóìn ma gàa-dyù ɓaɖa-bùè sè mɛ̀nɛ̌ìn-ɖò kè màa-dyù mɛ̀nɛ̌ìn-ɖò, kɛɛ ɔ ɖíí ɓěɔ̀ se ma dyú pàɖǎ wóɖóìn. Ɔ jèɛɛ, Símìɔ̀ nììn xwéɖé-dùɔ̀ se ma dúún zaìn kà Júɖà nììn xwéɖé-dùɔ̀ nìà kɛ.

²⁸ Ké hwɔɖɔ ɓě ɓɛ́ Símìɔ̀ nììn xwéɖé-dùɔ̀ cĩ́ ma múɛɛ mɔ̀ Bèsíɓà kè Mòɖáɖà kè Házà-Súwàò

²⁹ kè Bíóhà kè Ɛ́zɛ̃̀ kè Tóɖàɖì

³⁰ kè Bɛ̀fúè kè Hɔ́mà kè Zíkàɖà

³¹ kè Bɛ̀-Màkáɓò kè Házà-Súsììn kè Bɛ̀-Bíwìɖì ɔ kè Sàwáɖáìn. Wa cĩ́ ma hwɔɖɔ ɓěɛ̀ mú tee ké ɔ dyɛ̀ìn ma Dèɓé nììn ɓóɖóɔ̀ wuɖuí-kɔ̃̀-tìɔ̀.

³² Ké wa nììn hwɔɖɔ-kpàǎ ɓěɔ̀ mɔ̀ ma Étàùn kè Ádyììn kè Wíɖímɔ̀ kè Tókɛ̀ìn kè Ásàùn

³³ ɔ kè hwɔɖɔ-kpàǎ tɔ̀ɔ̀ ɓě nyini ma ɖé Bááɖɔ̀-hwɔ̀ɖɔ̀ɔ̀ gboɛ. Kǎà waà gbǒ-xwíníín ɓěɔ̀ kè waà cĩ́-naín ɓěɔ̀ jè nyu nìɛ̀. Wa céèɛ̀ ma céè-ɖɛ̀ ɖò mú, ké wa dèɛ̀ dyi.

^34-38 Símìɔ̀ nììn xwéɖé-dùɔ̀ gbǒ-xwíníín ɖò-ɖò ɓěɔ̀ nyɔ vɛ̀nɛ̀ ɓěɔ̀ kɛà kɛ̀. Wa mɔ̀ Mɛ̀sóɓà kè Jámɛ̀ɖɛ̀ kè Jósà ɓɛ́ ɔ mɔ̀ ma Àmàzíàà dyú-gàà kɛ kè Jóɛ̀ kè Jɛ́hù kè Ɛ́dyòénàì kè Jààkóɓà kè Jɛ́sòhádyà kè Àsádyà kè Áɖìè kè Jɛ̀sìmíè kè Bɛ̀nádyà ɔ kè Zízà. Jɛ́hù ɓǎ nììn ɓǎ ɓěɔ̀ kɛà kɛ̀. Ásìè wóɖóìn ma Sɛ̀wáɖádyà, ké Sɛ̀wáɖádyà wóɖóìn ma Jósìɓíà, hwɛ̀ ké Jósìɓíà wóɖóìn ma Jɛ́hù. Ké Zízà ɓǎ nììn ɓǎ ɓěɔ̀ kɛà kɛ̀. Sɛ̀mádyà wóɖóìn ma Sĩ́wìɖì, ké Sĩ́wìɖì wóɖóìn ma Jɛ̀ɖádyà, ké Jɛ̀ɖádyà wóɖóìn ma Áɖòùn, ké Áɖòùn wóɖóìn ma Sífì, hwɛ̀ ké Sífì wóɖóìn ma Zízà. Waà gbǒ-xwíníín ɓěɔ̀ zaìn ma dúún mìɔ.

³⁹ Ɔ jèɛɛ, wa mu ma waà nyúà-ɖɛ̀ ɓěɔ̀ dyi-ɖi-naín dyi mɔ́ùn ɖé Géɖò-hwɔ̀ɖɔ̀ɔ̀ dyóɖó-xwáɖáún-wóɖóìn-naínɔ̀ bɔɔ-kpàɔ̀ kɔ̃.

⁴⁰ Ké wa dyé ma ɖé nyúà-ɖɛ̀ dyi-ɖi-naín vɛ̀nɛ̀ bã-bã ɖò. Gìɖìǐ nì ma ɖé, ké fũ̀à-fṹá-ɖɛ̀ ɖò se ma ɖé nì. Nyɔ ɓě ɓɛ́ wa cĩ́ ma ɖé bɔɔ-kpàɔ̀ kɔ̃ kĩ́ín nyɛɛ mɔ̀ Hɛ̃́ìn nììn xwíníín-dyù ɓě.

⁴¹ Ti Símìɔ̀ nììn xwéɖé-dùɔ̀ gbǒ-xwíníín ɓěɔ̀ nyɔ vɛ̀nɛ̀ ɓěɔ̀ dyéɛ ma náa kɛɛ, wa mu ma, ké wa po ma Hɛ̃́ìn nììn xwíníín-dyù ɓěɔ̀ kè Mɛ̀dyúnì-nyɔ̀ ɓě ɓɛ́ wa cĩ́ ɖéɛɛ to kɔ̃ ɖé Hɛ́sèkádyà nììn Júɖà-ɓòɖòɔ̀ wuɖuí-kɔ̃̀-tìɔ̀ mú. Ké wa gbaà ma nyɔ ɓěɔ̀ jàɖàìn-gbò ɓěɔ̀ dyi, ké wa ɖáɓá ma wa séín nyɛ̀nɛ̀ɛ̀. Ké wa ɖú ma waà páɔ̀ dyí, sepóɛɖé nyúà-ɖɛ̀ dyi-ɖi-naín ɓáún-ɓáún nì ma ɖé.

⁴² Sɔ̀ìn ɓóɛ gboɛɛ, Ísìɛ̀ dyú-gàà ɓě ɓɛ́ wa mɔ̀ ma Pɛ́ɖàtíà kè Nɛ́àwíɖíà kè Wɛ̀ɖɛ̀fádyà ɔ kè Dyùzíè kɛɛ ɖú ma Símìɔ̀-nyɔ̀ ɓěɔ̀ nyɔ-kpò hɔ̃dɛ̀ɖɛ̀ hm̀m̌ dyí, ké wa po ma Íɖɔ̀ùn Toɖo-ɓòɖòɔ̀ to kɔ̃.

⁴³ Ké wa ɖáɓá ma Àmáɖɛ̀-nyɔ̀ ɓěɔ̀ xwéɖé wè sè ma ɖé ɓóɖóɔ̀ kɔ̃ɛɛ ɖé dyi. Ké wa ɖú ma ɓóɖóɔ̀ dyí, ké wa cĩ́ ma ɖé.