1 Kánáníkɔ̀ 2 - Ɓǎsɔ́ɔ̀ Báɓòɔ̀

Júɖà nììn xwíníín-dyù ɓě

¹ Jékɔ̀ kɔ̃̀ nyɛ́nɛ́ tɔ̀ɔ̀ mɔ̀à Éézùɖùɛ̀ kɛɛ dyú-gàà ɓěɔ̀ mɔ̀ Wuɖuɓíín kè Símìɔ̀ kè Ɖíìváà kè Júɖà kè Ɛ́sàkà kè Zɛ́ɓíúɖɔ̀ùn

² kè Dɛ̃́ìn kè Jòsé kè Bɛ̃́címà kè Náfátàɖì kè Gáà ɔ kè Ásè.

³ Ké Júɖà nììn dyú-gàà ɓěɔ̀ mɔ̀ Ɛ́ɛ̀ kè Ónà ɔ kè Séɖà. Júɖà kè Bà-Súà mɔ̀à Kénà-mààɔ̀ kɛɛ wóɖóìn ma wa. Kɛɛ Bounɓoɔ̀ ɖáɓá ma Ɛ́ɛ̀ mɔ̀à Júɖàà nyíɔ́-dyùɔ̀ kɛ, sepóɛɖé ɔ nyu ma hwòɖǒ-kɔ̃in-nyìnììn-ɖɛ̀.

⁴ Ké ɓó kɔ̃in ɖeɛɛ, Júɖà kè Támà mɔ̀ ma kà ɔ dyú-gàà Ɛ́ɛ̀ gmààɔ̀ kɛɛ wóɖóìn ma Pɛ́wɛ̀ɖɛ̀ kè Zɛ́wàɖà. Ɔ jèɛɛ, Júɖà wóɖóìn ma gàa-dyù hm̀m̌.

⁵ Ké Pɛ́wɛ̀ɖɛ̀ nììn dyú-gàà ɓěɔ̀ mɔ̀ ma Hɛ́wɔ̀ɖɔ̀ùn kè Hámù.

⁶ Ké Zɛ́wàɖà nììn dyú-gàà ɓěɔ̀ mɔ̀ ma Zĩ́wìɖì kè Éfã̀ kè Hémàùn kè Kákò ɔ kè Dáádà. Wa mɔ̀ ma nyɔ-kpò hm̀m̌.

⁷ Zĩ́wìɖìɛ̀ nyúà-dyú mɔ̀à Ékɛ̃̀ kɔ̃̀ ɓǎ mɔ̀à Kámì kɛɛ mɔ̀ nyɔ nyùìn ma kà Éézùɖùɛ̀-nyɔ̀ ɓěɔ̀ fũ̀à-fṹá kɛ̀. Ɔ wáɖá ma gma ɓá ɖɛ ɓě wa ké ma kà mú gbɔɔ̀ kɛɛ jè dyí.

⁸ Ké Éfã̀ nììn dyú-gààɔ̀ mɔ̀ ma Ázàwíɖíà.

Kã́á Dèɓéɛ̀ xwéɖé-dù deìn dúún ɓě

⁹ Ké Hɛ́wɔ̀ɖɔ̀ùn nììn dyú-gàà ɓěɔ̀ mɔ̀ ma Jɛ́wàɖàmíò kè Wáɖáùn ɔ kè Kéɖɛ̀.

¹⁰ Ké Wáɖáùn wóɖóìn ma Ámìnáɖà, ké Ámìnáɖà wóɖóìn ma Násɔ̀ùn ɓɛ́ ɔ mɔ̀ ma Júɖà-nyɔ̀ ɓěɔ̀ nyɔ vɛ̀nɛ̀ ɖò kɛ,

¹¹ ké Násɔ̀ùn wóɖóìn ma Sámɔ̀, ké Sámɔ̀ wóɖóìn ma Bóà.

¹² Ké Bóà wóɖóìn ma Óɓè, ké Óɓè wóɖóìn ma Jɛsé.

¹³ Ké Jɛsé wóɖóìn ma Ɛ̀ɖíà mɔ̀à nyíɔ́-dyùɔ̀ kɛ, kè Àbìnáɖà mɔ̀à dyúɔ̀ sɔ̃́ nììnɔ̀ kɛ, kè Símìà mɔ̀à dyúɔ̀ tã nììnɔ̀ kɛ,

¹⁴ kè Nɛ̀fánìò mɔ̀à dyúɔ̀ hĩinyɛ nììnɔ̀ kɛ, kè Wáɖáɖàì mɔ̀à dyúɔ̀ hm̀m̌ nììnɔ̀ kɛ,

¹⁵ kè Ózɛ̀ìn mɔ̀à dyúɔ̀ mɛ̀nɛ̌ìn-ɖò nììnɔ̀ kɛ, ɔ kè Dèɓé mɔ̀à dyúɔ̀ mɛ̀nɛ̌ìn-sɔ̃́ nììnɔ̀ kɛ.

¹⁶ Ké waà ɖíí-màà ɓěɔ̀ nyɛ́nɛ́ mɔ̀ ma Zɛ̀wúɖúdyà kè Áɓìgèò. Ké Zɛ̀wúɖúdyà nììn dyú-gàà ɓěɔ̀ mɔ̀ Àbísàì kè Jóà ɔ kè Àsáhèò. Wa mɔ̀ ma nyɔ-kpò tã.

¹⁷ Ké Áɓìgèò wóɖóìn ma Àmásà. Àmásà ɓǎà nyɛ́nɛ́ mɔ̀ ma Jɛ́tɛ̀ɖɛ̀. Ɔ mɔ̀ ma Ésìméò-nyɔ̀.

Hɛ́wɔ̀ɖɔ̀ùn nììn xwíníín-dyù ɓě

¹⁸ Kéɖɛ̀ mɔ̀à Hɛ́wɔ̀ɖɔ̀ùnɛ̀ dyú-gààɔ̀ kɛɛ ɓéɖé ma nyɔ́nɔ́ sɔ̃́. Waà nyɛ́nɛ́ mɔ̀ ma Àzúɓà kè Jɛ̀wíɖíɔ̀. Kéɖɛ̀ kè Àzúɓà wóɖóìn ma gàa-dyù ɓě. Waà nyɛ́nɛ́ mɔ̀ Jésɛ̀ kè Sóbà ɔ kè Ááɖɔ̀ùn.

¹⁹ Ti ɓɛ́ Àzúɓà mɛ́ ma kɛɛ, Kéɖɛ̀ kpɔ̃ ma Ɛ́fàɖà dyi, ké wa wóɖóìn ma Húɔ̀.

²⁰ Ké Húɔ̀ wóɖóìn ma Dyúwìɖì, ké Dyúwìɖì wóɖóìn ma Bɛ̀záɖèò.

²¹ Ti ɓɛ́ Hɛ́wɔ̀ɖɔ̀ùn nyu ma zɔ̃ kpáɖá-nyɔ tã kɛɛ, ɔ kpɔ̃ ma Mákìɛ̀ dyú-màà ɓɛ́ ɔ mɔ̀ ma Gíɖèàà ɖíí-màà kɛɛ dyi, ké wa wóɖóìn ma gàa-dyù ɖò. Ɔ nyɛ́nɛ́ mɔ̀ ma Sígù.

²² Ké Sígù wóɖóìn ma Jáwìɖì. Jáwìɖì kɔ̃̀ ma hwɔɖɔ kpáɖá-nyɔ sè tã wuɖuí ɖé Gíɖèà-ɓòɖòɔ̀ kɔ̃.

²³ Kɛɛ Gísù-nyɔ̀ ɓěɔ̀ kè Áwàɖàùn-nyɔ̀ ɓěɔ̀ ɖu ma Jáwìɖìɛ̀ hwɔɖɔ ɓěɔ̀ kè Kɛ́nàfì-hwɔ̀ɖɔ̀ɔ̀ kè wa nììn hwɔɖɔ-kpàǎ ɓěɔ̀ toún. Wa mɔ̀ ma hwɔɖɔ kpáɖá-nyɔ tã. Nyɔ séín ɓě cĩ́ ma kà ɖé hwɔɖɔ ɓěɔ̀ múɛɛ mɔ̀ ma Mákì mɔ̀à Gíɖèà ɓǎɔ̀ kɛɛ nììn xwíníín-dyù ɓě.

²⁴ Ti ɓɛ́ Hɛ́wɔ̀ɖɔ̀ùn mɛ́ ma kɛɛ, ɔ dyú-gàà Kéɖɛ̀ kpɔ̃ ma ɔ jɔ̌ɔ̀-nyɔ̀nɔ̀ kɔ̃̀ nyɛ́nɛ́ mɔ̀ ma Ɛ́fàɖà kɛɛ dyi, ké wa wóɖóìn Áhù ɓɛ́ ɔ mɔ̀ nyɔ dè ma Tèkóà-hwɔ̀ɖɔ̀ɔ̀ kɛ.

Jɛ́wàɖàmíò nììn xwíníín-dyù ɓě

²⁵ Jɛ́wàɖàmíò mɔ̀à Hɛ́wɔ̀ɖɔ̀ùnɛ̀ nyíɔ́-dyùɔ̀ kɛɛ nììn dyú-gàà ɓěɔ̀ kɛà kɛ̀. Ɔ nyíɔ́-dyùɔ̀ mɔ̀ ma Wáɖáùn, ké ɔ dyú tɔ̀ɔ̀ ɓěɔ̀ mɔ̀ ma Búnà kè Ówɛ̀ɖɛ̀ìn kè Ózɛ̀ìn ɔ kè Àhíjà.

²⁶ Jɛ́wàɖàmíò ɓéɖé ma nyɔ́nɔ́ ɖò ɖe. Ɔ nyɛ́nɛ́ mɔ̀ Àtáwàɖà. Ɔ mɔ̀ nyɔ wóɖóìn ma Ónàùn.

²⁷ Ké Wáɖáùn mɔ̀à Jɛ́wàɖàmíòɛ̀ nyíɔ́-dyùɔ̀ kɛɛ nììn dyú-gàà ɓěɔ̀ mɔ̀ ma Máázì kè Jámì ɔ kè Ékɛ̀.

²⁸ Ké Ónàùn nììn dyú-gàà ɓěɔ̀ mɔ̀ ma Sã́màì kè Jáɖà. Ké Sã́màì nììn dyú-gàà ɓěɔ̀ mɔ̀ ma Náɖà kè Àbísù.

²⁹ Ké Àbísùɛ̀ gmàà nyɛ́nɛ́ mɔ̀ ma Áɓìháì, ké wa wóɖóìn ma Áɓàùn kè Móɖì.

³⁰ Ké Náɖà nììn dyú-gàà ɓěɔ̀ mɔ̀ ma Sɛ́ɖɛ̀ɖì kè Àpáìn. Kɛɛ Sɛ́ɖɛ̀ɖì mɔ̀ùn se ma dyú ɖò wóɖóìn, ké ɔ mɛ́ ma.

³¹ Ké Àpáìn nììn dyú-gààɔ̀ nyɛ́nɛ́ mɔ̀ ma Ísì, ké Ísì nììn dyú-gààɔ̀ nyɛ́nɛ́ mɔ̀ ma Sésàùn, ké Sésàùn nììn dyú-gààɔ̀ mɔ̀ ma Áɖàì.

³² Jáɖà mɔ̀à Sã́màìɛ̀ ɖíí-gààɔ̀ kɛɛ nììn dyú-gàà ɓěɔ̀ mɔ̀ ma Jɛ́tɛ̀ɖɛ̀ kè Jònétɔ̃̀. Kɛɛ Jɛ́tɛ̀ɖɛ̀ mɔ̀ùn se ma dyú ɖò wóɖóìn, ké ɔ mɛ́ ma.

³³ Ké Jònétɔ̃̀ nììn dyú-gàà ɓěɔ̀ mɔ̀ ma Pɛ́ɖè kè Zázà. Nyɔ ɓěɛ̀ mɔ̀ ma Jɛ́wàɖàmíòɛ̀ xwíníín-dyù ɓěɔ̀.

³⁴ Sésàùn mɔ̀ùn se ma gàa-dyù ɖò wóɖóìn, kɛɛ ɔ wóɖóìn ma màa-dyù saá-saá. Ɔ nì ná kɛɛ, Sésàùn ɓéɖé ma gbo-nì-gàà ɖò kɔ̃̀ nyɛ́nɛ́ mɔ̀ ma Jááhà kɛ. Ɔ mɔ̀ ma Íjè-nyɔ̀.

³⁵ Ké Sésàùn nyí ma ɔ dyú-màà ɓěɔ̀ ɖò Jááhà, ɓɛ́ ɔ ké ɔ gmàà jǔ. Ké wa wóɖóìn ma Átàì,

³⁶ ké Átàì wóɖóìn ma Nétɔ̃̀, ké Nétɔ̃̀ wóɖóìn ma Záɓà,

³⁷ ké Záɓà wóɖóìn ma Ɛ́fàɖàò, ké Ɛ́fàɖàò wóɖóìn ma Óɓè,

³⁸ ké Óɓè wóɖóìn ma Jɛ́hù, ké Jɛ́hù wóɖóìn ma Ázàwíɖíà,

³⁹ ké Ázàwíɖíà wóɖóìn ma Hɛ́ɖɛ̀, ké Hɛ́ɖɛ̀ wóɖóìn ma Ɛ̀ɖìásà,

⁴⁰ ké Ɛ̀ɖìásà wóɖóìn ma Símàì, ké Símàì wóɖóìn ma Sáɖùùn,

⁴¹ ké Sáɖùùn wóɖóìn ma Jɛ́kàmíà, ké Jɛ́kàmíà wóɖóìn ma Ɛ̀ɖìsámà.

Kéɖɛ̀ nììn xwíníín-dyù ɖíɛ́ ɓě ɖe

⁴² Kéɖɛ̀ mɔ̀à Jɛ́wàɖàmíòɛ̀ ɖíí-gààɔ̀ kɛɛ nyíɔ́-dyùɔ̀ mɔ̀ ma Mísà, ké Mísà wóɖóìn ma Zífì. Kéɖɛ̀ɛ̀ dyú-gàà ɓěɔ̀ ɖò mɔ̀ ma Màwéɖésà, ké Màwéɖésà wóɖóìn ma Hɛ́bɔ̀nɔ̀.

⁴³ Ké Hɛ́bɔ̀nɔ̀ nììn dyú-gàà ɓěɔ̀ mɔ̀ ma Kówàɖà kè Tàpúà kè Wɛ́ɖɛ́kɛ̃̀ìn ɔ kè Sɛ́mà.

⁴⁴ Ké Sɛ́mà wóɖóìn ma Wáɖáhàùn, ké Wáɖáhàùn wóɖóìn ma Jɔ́kòàùn. Ké Wɛ́ɖɛ́kɛ̃̀ìn wóɖóìn ma Sã́màì,

⁴⁵ ké Sã́màì wóɖóìn ma Máɔ̀ùn, ké Máɔ̀ùn wóɖóìn ma Bɛ̀-Zúɔ̀.

⁴⁶ Éfà ɓɛ́ ɔ mɔ̀ ma Kéɖɛ̀ɛ̀ gmaɖe-nyɔ̀nɔ̀ kɛɛ wóɖóìn ma Háwàɖàùn kè Mózà ɔ kè Gázè. Ké Háwàɖàùn mɔ̀ùn wóɖóìn ma gàa-dyù ɖò, ké ɔ jǔìn ma ɔ Gázè-nyɛ̀nɛ̀ ɖekè.

⁴⁷ Jáɖàì nììn dyú-gàà ɓěɔ̀ mɔ̀ ma Wɛ́ɖɛ́gèìn kè Jótàùn kè Gésàùn kè Páɖɛ̀ kè Éfà ɔ kè Sááfì.

⁴⁸ Máákà ɓɛ́ ɔ mɔ̀ ma Kéɖɛ̀ɛ̀ gmaɖe-nyɔ̀nɔ̀ ɖò ɖeɛɛ mɔ̀ùn wóɖóìn ma Sɛ́ɓɛ̀ kè Tíhànà.

⁴⁹ Ké Máákà wóɖóìn ma Sááfì kè Sɛ́dyà ɖekè. Ké Sááfì wóɖóìn ma Màmánà. Ké Sɛ́dyà wóɖóìn ma Màbénà kè Gíɓèà. Kéɖɛ̀ wóɖóìn ma màa-dyù ɖò kɔ̃̀ nyɛ́nɛ́ mɔ̀ Ákàsà kɛɛ ɖekè.

⁵⁰ Kéɖɛ̀ nììn xwíníín-dyù ɓěɔ̀ ɖíɛ́ ɓě kɛà ɖeɛ̀. Húɔ̀ mɔ̀à Kéɖɛ̀ kè Ɛ́fàɖà nììn nyíɔ́-dyùɔ̀ kɛɛ nììn dyú-gàà ɓěɔ̀ mɔ̀ ma Sóɓàò ɓɛ́ ɔ mɔ̀ ma Kíjà-Jáwìɖììn-hwɔ̀ɖɔ̀ɔ̀ ɓǎ kɛ

⁵¹ kè Sáómà ɓɛ́ ɔ mɔ̀ ma Bɛ́fèɖèhɛ̃́ɛ̀-hwɔ̀ɖɔ̀ɔ̀ ɓǎ kɛ ɔ kè Háwèɖè ɓɛ́ ɔ mɔ̀ ma Bɛ̀-Gáɖè-hwɔ̀ɖɔ̀ɔ̀ ɓǎ kɛ.

⁵² Ké Sóɓàò mɔ̀ ma Hàwóɖóɛ̀ kè nyɔ ɓě cĩ́ ma ɖé Mànáhà-hwɔ̀ɖɔ̀ɔ̀ múɛɛ fáún-fáún

⁵³ ɔ kè gbǒ-xwíníín ɓě ɓɛ́ wa cĩ́ ma ɖé Kíjà-Jáwìɖììn-hwɔ̀ɖɔ̀ɔ̀ múɛɛ ɓǎ. Gbǒ-xwíníín ɓěɔ̀ mɔ̀ ma Játì-nyɔ̀ ɓěɔ̀ kè Púfì-nyɔ̀ ɓěɔ̀ kè Súmà-nyɔ̀ ɓěɔ̀ ɔ kè Míwàɖà-nyɔ̀ ɓěɔ̀. Nyɔ ɓě nìà kɛ cĩ́ ma ɖé Záwàɖà-hwɔ̀ɖɔ̀ɔ̀ kè Ɛ̀táò-hwɔ̀ɖɔ̀ɔ̀ mú ɖekè.

⁵⁴ Ké Sáómà mɔ̀ ma Bɛ́fèɖèhɛ̃́ɛ̀-hwɔ̀ɖɔ̀ɔ̀ nyɔ ɓěɔ̀ kè Nɛ̀tófà-hwɔ̀ɖɔ̀ɔ̀ nyɔ ɓěɔ̀ kè Átɔ̀ɖɔ̀-Bɛ̀-Jóà-hwɔ̀ɖɔ̀ɔ̀ nyɔ ɓěɔ̀ kè Mànáhà-hwɔ̀ɖɔ̀ɔ̀ nyɔ ɓěɔ̀ fáún-fáún ɔ kè Zówìɖì-nyɔ̀ ɓěɔ̀ ɓǎ.

⁵⁵ Céè-ɖɛ̀ céè-nyɔ̀ ɓěɔ̀ nììn gbǒ-xwíníín ɓě ɓɛ́ wa cĩ́ ma ɖé Jáɓɛ̀-hwɔ̀ɖɔ̀ɔ̀ múɛɛ mɔ̀ ma Tíwàɖàfì-nyɔ̀ ɓěɔ̀ kè Sìmɛ́à-nyɔ̀ ɓěɔ̀ ɔ kè Súkà-nyɔ̀ ɓěɔ̀. Wa mɔ̀ Kénɛ̀-nyɔ̀ ɓě ɓɛ́ wa sɔ̀ ma ɖé Hã́mà mɔ̀ ma Wéɖékà nììn gbǒ-xwíníín-nyɔ̀ ɓěɔ̀ ɓǎ kɛɛ múɛ.