Sunda hi suma hi Levi-nid’a INTRO1 - Bible azumeina

Wana ni modo zla d’a kuruta

Verse ma avok kur mbaktum mba yam Sunda hi Suma Levi-nid’ina nga mi tagei Alo ma nga kaka kur zlub’u d’a ngaf tad’a ma nga mi yi Moise á dum zlad’ina. Kur mbaktum ndata pet, Alona nga mi de zlad’a mi Moise yam gat ta tetenga ki vun ma hed’a mi Israel-lâ. Mi hle vunam ala: Sama nga mi tit kazina, mba mi kak karid’a ni kaziya. Gol 18.5. Paul mi de zla ndata mi suma Romê-na. Gol Rom 10.5.

Kal pet Alona nga mi vad’ud’a mi Israel-lâ ni nana ba a pat ahle suma a d’elezi á le darigïd’a ki sed’ema woi ge, a le ni nana ba, zlub’ud’a ti kak yima ngaf ta ma gagazina ge.

Mbeî suma a hahle suma ngat buzuna mAlonina a le ni d’igi gata de na (Gol 1–7), suma ngat buzuna a ka’î suma suma a ge yazi kä avorozina, a tit ni tit ta suma a hazi ngolid’a (Gol 8–10), sama lara pî mi d’el tam mbei ata ahle suma a ndak á mbud’um zozotina (Gol 11–16), zlapa ki sun nda nga ata yat tuo d’a ngad’a yam wed’a hi sanid’a, d’oze vun ma he ma yam gatina. Gol 17–27.

Alo ma bei tchod’a ma od’a ma he arid’a mi sumina, mi de mi sum mama ala: Agi kagagi ni suma yed’etna, kayam an Ma didina Alo magina ni Ma bei tchod’a ba na. Gol 19.2. Mi de na ni kayambala azi tazid’a a mbut ni suma a tak ari mamba ki o mamba woi mi suma kur tit mazid’a d’a. Ni kur djib’er ra hina d’a ba, mi he Israel-lâ vun ma he ma wana ala: Ang le yam ndrangâ d’igi ang tanga na. Gol 19.18. Gol Mat 22.39 mi.

Gat ndata ni vama atchapma ata sama nga mi ndumut inina, nga d’i dugud’ozi ded’a ki del la lara ge pet bei kaud’a ba ala le darigïd’a kAlona ni lovot ta ndak sana mi kak karid’a kata. t Wana ni wal mata

Gat ta yam sun nda ngat buzunid’a 1–7

A tin Aron azi ki groma irazi vazi

yam sun nda ngat buzunid’a 8–10

Gat ta yam ahle suma ndjendjed’a

kahle suma yed’etnid’a 11–16

Yed’eta hi Israel-lîd’a 17–27

« Previous

Bible Society of Chad