Ester INTRO1 - Bible azumeinaWana ni modo zla d’a kuruta Mbaktumba hi Ester-ra nga d’i vei ad’ud’a ni nana ba, ablau Juif-fâ a sut tei abo suma a nga huruzi kazi á tchid’ina ge? Zla ndata ti le ni kur atchogoi d’a suma Perse-na a nga te leud’a yam ambas sa kis kam dok mbà yam kid’iziyad’id’a, tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. Kayam me, ata yima leu d’a Babilon-nda puk kä kur biza d’a 539 avok vuta hi Jesus Christ-sa, Juif-fâ ablaud’a a hulong nga avo yam ambas mazid’a pet ti. Juif ndazina a fe ndaka ngola heî abo suma azi nga kaka adigazina, kayam azi nga tit ni yam gat mazid’a tata ki zlad’a hi simiyêzid’a. Gat mazid’a ki hata hi simiyêzid’a ni wala woi vat ki d’a hi suma dingîd’a. Mbaktum ndata nga d’i tagei zla d’a aduk Haman ma ngol ma avok suma sunda hamulâ Asuwerus-sâ ki Mardose ma Juif ma sunda hamulîna. Ti nga d’i tagei nana ba Mardose mi tak lovota mi Ester; ti mbut amul la Perse-d’a, ti sut sum matna woi avun matna ge! Zla ndata nga d’i gei humei ala nga hur ma suma a nga ngam yam Juif-fâ á tchid’ina, mi kalî woi teteu. Ka hî ni bur ma a ngam yam Juif-fâ á tchid’ina, mi kal lei hawa, mi mbut ni bur ma Juif-fâ a tchi mazi suma djangûna kuana. Bur ma a ngam máma mi ndja’î ki vun tilâ hi Juif-fâ ma a yum ala Purim ma a lum avok vun til ma Pa’îna. Zla d’a a b’irit kur mbaktum mba a b’irit yam Ester-ra, ti vei ad’u vun til máma woyo. t Wana ni wal mata Ester ti mbut amula 1–2 Haman nga mi hal lovota á tchi Juif-fâ woyo 3–5 A tchi Haman ndeyo 6–7 Juif-fâ a kal yam mazi suma djangûna 8–10 |
Azumeina Bible © Alliance Biblique du Tchad, 1999.
Bible Society of Chad