Kunnafoni
Kira Sofoni b'a fɔra Zuda mara mɔgɔw ye ko Masaba ka loon bena se, k'o loon tena kɛ nisɔndiyalon ye dɛ! Ala ka dimi bɔlon lo. O dimi nin bena se siya wɛrɛw fana ma. Mɔgɔw n'u ka juguya bɛɛ, u ka kan k'u ɲasin Ala ma k'a bato. Sofoni be jama waajura o le kosɔn ko:
«Aw ye Masaba yɔrɔ ɲini,
aw mɔgɔmajigininw bɛɛ,
aw minw b'a ka kuma bato.
Aw ye kotilennin kɛ, k'aw yɛrɛ majigi,
n'a sɔrɔ a bena aw tanga a ka dimilon na.» (2.3)
Kitabu nin tilancogo
Masaba ka loon bena gwan 1.1—2.3
Siya wɛrɛw fana bena kiti 2.4-15
Zeruzalɛmukaw bena u ka kojuguw yafa sɔrɔ 3.1-20
