पहिला इतिहास 2 - पवित्तर बाइबिल

इस्राएल क पूतन

¹ इस्राएल क पूत रुबेन, लेवी, यहूदा, इस्साकार, जबूलून,

² दान, यूसुफ, बिन्यामीन, नप्ताली, गाद अउर आसेर रहेन।

यहूदा क पूतन

³ यहूदा क पूत एर, ओनान अउ सेला रहेन। बतसू ओनकर महतारी रही। बतसू कनान क मेहरारु रही। यहोवा लखेस कि यहूदा क पहिला पूत एर बुरा अहइ। इहइ कारण रहा। कि यहोवा ओका मार डाएल।

⁴ यहूदा क पतोहू तामार पेरेस अउ जेरह क जन्म दिहस। इहइ प्रकार यहूदा क पाँच पूत रहेन।

⁵ पेरेस क पूत हेस्रोन अउ हामूल रहेन।

⁶ जेरह क पाचँ पूत रहेन। उ पचे जिम्री, एतान हेमान, कलकोल अउ दारा रहेन।

⁷ जिम्री क पूत कर्मी रहा। कर्मी क पूत आकान रहा। आकान उ मनई रहा जउन इस्राएल मँ बहोत परीसानी लाएस। उ लूट क सामान जउन जुद्ध मँ पाएस रख लिहेस। ओका इ सबहिं चिजियन क परमेस्सर क देइ क रही।

⁸ एतान क पूत अजर्याह रहा।

⁹ हेस्रोन क पूत यरहोल राम अउ कालेब रहेन।

राम क सन्तान

¹⁰ राम अम्मीनादाब क बाप रहा अउर अम्मीनादाब नहसोन क बाप रहा। नहसोन यहूदा क लोगन क प्रमुख रहा।

¹¹ नहसोन सल्मा क बाप रहा। सल्मा बोअज़ क बाप रहा।

¹² बोअज़ ओबेद क बाप रहा। ओबेद यिसै क बाप रहा।

¹³ यिसै एलीआब क बाप रहा। एलीआब यिसै क पहिला पूत रहा। यिसै क दूसर पूत अबीनादाब रहा। ओकर तीसर पूत सिमा रहा।

¹⁴ नतनेल यिसै क चउथा पूत रहा। यिसै क पाँचवा पूत रद्दै रहा।

¹⁵ ओसेम यिसै क छठा पूत रहा। अउर दाऊद ओकर सातवाँ पूत रहा।

¹⁶ ओनकर बहिनियन सरुयाह अउ अबीगैल रहिन। सरुयाह क तीन पूत अबीसै, योआब अउ असाहेल रहेन।

¹⁷ अबीगैल अमासा क महतारी रही। अमासा क बाप येतेर रहा। येतेर इस्माएली लोगन मँ स रहा।

कालेब क सन्तान

¹⁸ कालेब हेस्रोन क पूत रहा। कालेब क मेहरारु अजूबा स सन्तानन भइन। अजूबा यरीओत क बिटिया रही। अजूबा क पूत येसेर सोबाब, अउर अर्दोन रहेन।

¹⁹ जब अजूबा मरी, कालेब एप्रात स बियाह किहस, कालेब अउ एप्रात क एक पूत रहा। उ पचे ओकर नाउँ हूर रखेन।

²⁰ हूर ऊरी क बाप रहा। ऊरी बसलेल का बापर रहा।

²¹ जब हेस्रोन साठ बरिस क होइ गवा, उ माकीर क बिटिया क सादी किहस अउर उ सगूब क जन्म दिहस। माकीर गिलाद क पिता रहा।

²² सगूब याईर क बाप रहा। याईर क लगे गिलाद देस मँ तेईस नगरन रहेन।

²³ किन्तु गसूर अउ अराम याईर क गाँवन क लइ लिहस। ओनके बीच कनत अउ एकरे चारिहुँ कइँती क नान्ह नगर रहेन। सब मिलाइके साठ नान्ह नगर रहेन। इ सबइ सबहिं नगर गिलाद क बाप माकीर, क पूतन क रहेन।

²⁴ हेस्रोन, एप्राता क कालेब नगर मँ मरा। जब उ मर गवा, ओकर मेहरारु अबिय्याह ओकरे पूत क जन्म दिहस। पूत क नाउँ असहूर रहा। असहूर तको क बाप रहा।

यरहोल क सन्तान

²⁵ यरहोल हेस्रोन क पहिला पूत रहा। यरहोल क पूत राम, बूना, ओरेन, ओसेम, अउ अहिय्याह रहेन। राम यरहोल क पहिला पूत रहा।

²⁶ यरहोल क दूसर मेहरारु अतारा रही। अतारा ओनाम क महतारी रही।

²⁷ यरहोल क पहिला पूत, राम क पूत मास, यामीन अउ एकेर रहेन।

²⁸ ओनाम क पूत सम्मै अउ यादा रहेन। सम्मै क पूत नदाब अउ अबीसूर रहेन।

²⁹ अबीसूर क मेहरारु क नाउँ अबीहैल रहा। ओनकर दुइ पूत रहेन। ओनकर नाउँ अहबान अउर मोलीद रहेन।

³⁰ नादाब क पूत सेलेद अउ अप्पैम रहेन। सेलेद बिना सन्तान मरा।

³¹ अप्पैम क पूत यिसी रहा। यिसी क पूत सेसान रहा। सेसान क पूत अहलै रहा।

³² यादा सम्मै क भाई रहा। यादा क पूत येतेर अउ योनातान रहेन। येतेर बिना सन्तान मरा।

³³ योनातान क पूत पेलेत अउ जाजा रहेन। इ यरहोल क सन्तानन क सूची रही।

³⁴ सेसान क पूत नाहीं रहेन। ओका सिरिप बिटियन रहिन। सेसान क लगे यर्हा नाउँ क एक ठु मिस्री सेवक रहा।

³⁵ सेसान अपनी बिटिया क बियाह यर्हा क संग होइ दिहस। ओनकर एक पूत रहा। ओकर नाउँ अत्तै रहा।

³⁶ अतै, नातान क बाप रहा। नातान जाबाद क बाप रहा।

³⁷ जाबाद एपलाल क बाप रहा। एपलाल ओवेद क बाप रहा।

³⁸ ओबेद येहू क बाप रहा। येहू अजर्याह क बाप रहा।

³⁹ अजर्याह हेलैस क बाप रहा। हेलैस एलासा क बाप रहा।

⁴⁰ एलासा सिस्मै क बाप रहा। सिस्मै सल्लूम क बाप रहा।

⁴¹ सल्लूम यकम्याह क बाप रहा अउ यकम्याह एलीसामा क बाप रहा।

कालेब क परिवार

⁴² कालेब यरहोल क भाई रहा। कालेब क कछू पूत रहेन। ओकर पहिला पूत मेसा रहा। मेसा जीप क बाप रहा। मारेसा हेब्रोन क बाप रहा।

⁴³ हेब्रोन क पूत कोरह, तप्पूह, रेकेम अउर सेमा रहेन।

⁴⁴ सेमा, रहम योर्काम क बाप रहा। रहम योर्काम क बाप रहा। रेकेम सम्मै क बाप रहा।

⁴⁵ सम्मै क पूत माओन रहा। माओन बेत्सूर क बाप रहा।

⁴⁶ कालेब क रखैल क नाउँ एपा रहा। एपा हारान, मोसा अउर गाजेज़ क महतारी रही। हारान, गाजेज़ क बाप रहा।

⁴⁷ याहदै क पूत रेगेम, योताम, गेसान, पेलेत, एपा अउर साप रहेन।

⁴⁸ माका, कालेब क दूसर रखैल रही। माका, सेबेर अउ तिर्हाना क महतारी रही।

⁴⁹ माका, साप अउ सबा क भी महतारी रही। साप, मदमन्ना क बाप रहा। सबा, मकबेना अउर गिबा क बाप रहा। कालेब क बिटिया अकसा रही।

⁵⁰ इ कालेब सन्तान न क सूची अहइ: हूर कालेब क पहिला पूत रहा। उ एप्राता क जन्म दिहेस। हूर क पूत सोबाल जउन किर्र्यत्यारीम क संस्थापक रहा,

⁵¹ सल्मा, जउन बेतलेहेम क संस्थापक रहा। अउर हारेप बेतगादेर क संस्थापक रहा।

⁵² सोबाल किर्यत्यारीम क संस्थापक रहा। इ सोबाल क सन्तानन क सूची अहइ: हारोए, मनुहोत क आधे लोग,

⁵³ अउर किर्यत्यारीम क परिवार समूह। इ सबइ यित्री, पूती, सूमाती अउर मिस्राई लोग अहइँ। सोराई अउ एस्ताओली लोग मिस्राई लोगन स निकरेन।

⁵⁴ इ सल्मा क सन्तानन क सूची अहइ: बेतलेहेम क लोग, नतोपाई, अत्रोत, बेत्योआब, ममाहत क आधे लोग, सोरी लोग,

⁵⁵ अउर ओन सास्त्रियन क परिवार जउन याबेस, तिराती, सिमाती अउर सूकाती मँ रहत रहेन। इ सबइ सास्त्री, उ सबइ कनानी लोग अहइँ जउन हम्मत स आएन। हम्मत बेतरेकाब क संस्थापक रहा।