Matthew 4:4

John Wycliffe Bible 1382

Which answeride, and seide to hym, It is writun, Not oonli in breed luyeth man, but in ech word that cometh of Goddis mouth.

Cross References

Deuteronomy 8:3

And he turmentide thee with nedynesse, and he yaf to thee meete, manna which thou knewist not, and thi fadris `knewen not, that he schulde schewe to thee, that a man lyueth not in breed aloone, but in ech word that cometh `out of the Lordis mouth, `that is, bi manna, that cam down `at the heest of the Lord.

Luke 4:4

And Jhesus answeride to hym, It is writun, That a man lyueth not in breed aloone, but in euery word of God.

John 6:63

Therfor if ye seen mannus sone stiynge, where he was bifor?

Romans 15:4

For what euere thingis ben writun, tho ben writun to oure techynge, that bi pacience and coumfort of scripturis we haue hope.

Ephesians 6:17

And take ye the helm of helthe, and the swerd of the Goost, that is, the word of God.

Exodus 16:15

And whanne the sones of Israel hadden seyn that, thei seiden to gidere, Man hu? which signyfieth, what is this? for thei wisten not what it was. To whiche Moises seide, This is the breed, which the Lord hath youe to you to ete.

Luke 4:8

And Jhesus answeride, and seide to hym, It is writun, Thou schalt worschipe thi Lord God, and to hym aloone thou schalt serue.

Exodus 16:35

Forsothe the sones of Israel eeten manna in fourti yeer, til thei camen in to the lond abitable; thei weren fed with this mete til thei touchiden the endis of the lond of Canaan.

Exodus 16:8

And Moises seide, The Lord schal yyue to you at euentid fleischis to ete, and looues in the morewetid in plentee, for he herde youre grutchyngis, bi which ye grutchiden ayens hym; for whi, what ben we? youre grutchyng is not ayens vs but ayens the Lord.

Matthew 4:10

Thanne Jhesus seide to hym, Goo, Sathanas; for it is writun, Thou schalt worschipe thi Lord God, and to hym aloone thou shalt serue.

Matthew 4:7

Eftsoone Jhesus seide to hym, It is writun, Thou shalt not tempte thi Lord God.

Luke 4:12

And Jhesus answeride, and seide to him, It is seid, Thou schalt not tempte thi Lord God.

Exodus 23:15

Thou schalt kepe the solempnyte of therf looues; seuene daies thou schalt ete therf breed, as Y comaundide to thee, in the tyme of monethe of newe thingis, whanne thou yedist out of Egipt; thou schalt not appere voide in my siyt.

Matthew 15:11

That thing that entrith in to the mouth, defoulith not a man; but that thing that cometh out of the mouth, defoulith a man.

Mark 7:20

But he seide, The thingis that gon out of a man, tho defoulen a man.

John 15:26

But whanne the coumfortour schal come, which Y schal sende to you fro the fadir, a spirit of treuthe, which cometh of the fadir, he schal bere witnessyng of me;