Joshua 3:17

John Wycliffe Bible 1382

Forsothe the puple yede thorouy Jordan; and the preestis, that baren the arke of the boond of pees of the Lord, stoden gird on the drie erthe in the myddis of Jordan, and al the puple passide thorouy the drie trow.

Cross References

Exodus 14:29

Forsothe the sones of Israel yeden thorouy the myddis of the drye see, and the watris weren to hem as for a wal, on the riyt side and left side.

Exodus 14:22

And the sones of Israel entriden by the myddis of the drye see; for the watir was as a wal at the riyt side and left side of hem.

Psalm 66:6

God, puplis knouleche to thee, alle puplis knouleche to thee;

Isaiah 25:8

And he schal caste doun deth with outen ende, and the Lord God schal do awey ech teer fro ech face; and he schal do awei the schenschipe of his puple fro ech lond; for the Lord spak.

2 Kings 2:8

And Elie took his mentil, and wlappide it, and smoot the watris; whiche weren departid `into euer ethir part, and bothe yeden bi the drie.

Joshua 4:3

by ech lynage o man, and comaunde thou to hem, that thei take fro the myddis of the trow of Jordan, where the `feet of preestis stoden, twelue hardiste stoonys; whiche thou schalt sette in the place of castels, where ye schulen sette tentis in this nyyt.

Hebrews 11:29

Bi feith thei passiden the reed see, as bi drye lond, which thing Egipcians asaiynge weren deuourid.

Exodus 14:21

And whanne Moises hadde stretchid forth the hond on the see, the Lord took it awei, the while a greet wynde and brennynge blew in al the niyt, and turnede in to dryenesse; and the watir was departid.

Numbers 33:51

Comaunde thou to the sones of Israel, and seie thou to hem, Whanne ye han passid Jordan, and han entrid in to the lond of Canaan,

Joshua 4:1

And whanne thei weren passid ouer, the Lord seide to Josue,

Joshua 4:22

ye schulen teche hem, and ye schulen seie, We passiden this Jordan bi the drie botme,

Joshua 4:10

Forsothe the preestis, that baren the arke, stoden in the myddis of Jordan, til alle thingis weren fillid, whiche the Lord comaundide, that Josue schulde speke to the puple, as Moises hadde seide to hym. And the puple hastide, and passide.

Joshua 4:11

And whanne alle men hadden passid, also the arke of the Lord passide, and the preestis yeden bifor the puple.

Joshua 5:1

Therfor aftir that alle kyngis of Ammorreys herden, that dwelliden ouer Jordan at the west coost, and alle the kyngis of Canaan, that weldiden nyy places of the greet see, that the Lord hadden dried the flowyngis of Jordan bifor the sones of Israel, til thei passiden, the herte of hem was failid, and spirit dwellide not in hem, dredynge the entring of the sones of Israel.