Bafilipɔ 3:8 - Zimba Nouveau Testament Portions

⁸ Nasɔmɔa biisɛ bokata ko bwaachi bwe kocheba Kilisito Yɛsu Mwaame waanɛ; koetea awɛ nachimbechee biisɛ, na kubimɔa bwe tubi ko kokonja Kilisito.

Bafilipɔ 3:8 Cross References

Luka 1:43

Booni bobo bye inakɛ ne Mwaame waanɛ kɔngɛndɛa?

Luka 11:20

Ingɛ mee natulikita masombo kɔ bɔkɛtɛ bwa Kakua, kɔ bɔbɔ, boombe bwa Kakua bosoolea kwinu.

Bakalatia 1:16

kochebekya Mwana waakɛ kwanɛ, kɔmɔa mee naongwe mo koeyecha bando bataasi Bayula Ilɔngɔ Lyaachi lyaakɛ, mo kea keeko saɛngɛa iyani ko mondo.

Baɛfɛsɔ 4:13

Ko bobo bae basɛ totaolee koongwa mo bɔmɔɔsa mu iekekeo liito ne komocheba kiinɛkinɛ Mwana wa Kakua. Alya, totabɛ bando bakiya ne koolea mokeema kya Kilisito mwɛɛnɛ.

Bafilipɔ 1:1

Paɔlɔ na Timɔtɛɔ, bacha ba Yɛsu Kilisito, ko basɛ bae ba ama monda mwa Yɛsu Kilisito, batochikaa mo mosomba we Filipɔ, ko bakoo ne ko basangi:

Bafilipɔ 3:10

Namochebe awɛ ne bɔkɛtɛ bwe kuubuka kwakɛ, kwisambya ko manɛnɛ maakɛ, naeyane ne kokwa kwakɛ.

Bafilipɔ 3:12

Ndɛɛkɔ itɛ nasoolea kɔ kɔbɔnga, ɔbɛɛ koongwa we kiinɛkinɛ, nae mo kosakoa meende kɔ kɔmɔa itɛ nakwate bye bondobondo lea ikomo lengetee mee kokwateka na Kilisito Yɛsu.

Bafilipɔ 3:7

Alakini biisɛ bibɛɛ ikonja kwanɛ, mee na kubichimbecha ko kokonja Kilisito.

2 Timɔtɛɔ 4:6

Kombanga yaanɛ, mee nausia kolambolwa bwe keochwa, ne keeko kyanɛ kye kolaa ona mɔsɛngɛ kesoolea.

1 Pɛtɛlɔ 2:7

Lee ibwɛ lee ne meemo ya bua koe maanu batuimenya. Ko baa bataasi batuimenya, «Ibwɛ lyakosoa baaboki, alyo ne lisutuuluka koongwa ibwɛ le koabokea nalyo.»

2 Pɛtɛlɔ 1:2

Kakua ɔbɛɛ mo kobaenokya byabua ne kɔbaɛcha nyaa ya bua ko boa bɔtɔmɔtɛcha baanu, ne komocheba Mwaame wiito Yɛsu Kilisito!

2 Pɛtɛlɔ 1:3

Kakua ɔɔtɔɛcha biisɛ bitoenga bae mɔ mwɛchɔ wiito monda mwe bɔkɛtɛ bwakɛ kɔmɔa toongwe ne bikete bitokonda awɛ. Waketa bobo ne ko kotobeka amɔsa naakɛ ne tɔbɛ mo kocheba olya watwitana, ne tokonje bimɔ ko boombe ne bwaachi bwakɛ.

2 Pɛtɛlɔ 1:8

Kɔ kɔmɔa, ingɛ moe na bibi biisɛ bikete ne koketa bɔtɔɔcha abyo, bitabakwase kokamba ne koya kombaa ko kocheba Mwaame wiito Yɛsu Kilisito.

2 Pɛtɛlɔ 3:18

Muchikae ngoo monda mwe makomo ma Mwaame wiito Yɛsu Kilisito, ne Moolochi wiito kɔmɔa momochebe byabua, na awɛ omoenokye byabua. Kwakɛ kɔbɛ boombe leno ne meombo ne meombo! Biibɛ bɔbɔ!

1 Yɔana 1:3

Lea lɛmɔɛchi bae ne kuliungwa, ne lee bae mokosaola kwinu bwakaɛ, kɔmɔa moongwe niito amɔɔsa. Na koo koongwa kwito amɔɔsa na koa kwe niito amɔɔsa na Tati ne Mwaana waakɛ Yɛsu Kilisito.

1 Yɔana 2:19

Baa bando baotokea ne mwingya mwiito, ndebabɛa be ketongo kiito, kende bae niito amɔɔsa. Bautusia bichebekane paa paa itɛ ndebabɛa be ketongo kiito.

1 Yɔana 5:20

Totocheba bwakaɛ itɛ Mwaana wa Kakua obee, nɛ ɔtɔɛchɛɛ lokani lwe kocheba Kakua ke kiinɛkinɛ, na bae toe bomweyechee sambe naakɛ Kakua we kiinɛkinɛ koetea Mwaana waakɛ Yɛsu Kilisito. Awɛ ne Kakua we kiinɛkinɛ; awɛ nɛ mwɛchɔ we meombo.