Bafilipɔ 1:1 - Zimba Nouveau Testament Portions

¹ Paɔlɔ na Timɔtɛɔ, bacha ba Yɛsu Kilisito, ko basɛ bae ba ama monda mwa Yɛsu Kilisito, batochikaa mo mosomba we Filipɔ, ko bakoo ne ko basangi:

Bafilipɔ 1:1 Cross References

Malikɔ 13:34

Mao makomo matabɛ boe mondo otoya lwɛndɔ. Olya mondo na kusiela bakambi bakɛ ndabo kɔmɔa bamekongoseke. Na kɔɛcha ɔɔsɛ mondo meemo yaakɛ. Kusia na kosaolea mosangi we mukinda ɔbɛɛ miisɔ.

Bakalatia 1:10

Mutuninga ne itɛ, natɔɔcha bɔbɔ ne bando banjeke? Kuusi! Kakua mwɛɛnɛ ne onjeeka. Ɔbɛɛ mutuninga itɛ mee natokonda ne koketaya bitokonda bando? Kende ningakondaya koketa botokondaya bando, siingaongwa mokambi wa Kilisito.

Bakalatia 3:26

Kɔmɔa banu basɛ, koetea iekeko linu monda mwa Yɛsu Kilisito, banu basɛ moe ne baana Kakua monda mwa Yɛsu Kilisito.

Bakalatia 3:28

Kɔ bɔbɔ, kuusi kabee Muyula, ɔbɛɛ Mukiliki. Kuusi kabee moocha ɔbɛɛ otaasi moocha. Kuusi kabee mwa moome ɔbɛɛ mwa mokachi. Kɔmɔa banu basɛ, motae ne mondo ɔmɔɔsa koetea koongwa kwinu amɔɔsa na Yɛsu Kilisito.

Baɛfɛsɔ 1:1

Mee Paɔlɔ, oe ndomwa ya Yɛsu Kilisito ko kokonda kwa Kakua, natobakunyea banu ba ama bae mo kalya ke Ɛfɛsɔ. kabee baanu batobaelwa koetea koongwa kwinu amɔɔsa na Paɔlɔ.

Baɛfɛsɔ 1:15

Ko bobo, kobangoa aungwee mee itɛ muswimenya Mwaame Yɛsu Kilisito, ne botokonda baanu bando ba Kakua.

Baɛfɛsɔ 6:24

Kakua ɔbatɛchɛɛ lɔkɔka, bando batokonda Mwaame wiito Yɛsu Kilisito ne kokonda kotasi kɔbɔnga.

Bafilipɔ 2:19

Natobaela, monda mwa Mwaame Yɛsu, kobatomea Timɔtɛɔ chaa chaa, kɔmɔa itɛ na mee nakonje bɔkɛtɛ ataungwe mee maɔngɔ minu.

Bafilipɔ 2:5

Mɔɛndɛ bobo asambea banu bɔtɔɛnda abɔ monda mwa Yɛsu Kilisito,

Bafilipɔ 3:12

Ndɛɛkɔ itɛ nasoolea kɔ kɔbɔnga, ɔbɛɛ koongwa we kiinɛkinɛ, nae mo kosakoa meende kɔ kɔmɔa itɛ nakwate bye bondobondo lea ikomo lengetee mee kokwateka na Kilisito Yɛsu.

Bafilipɔ 3:3

Bae na baa bae ne sakubɛmbɛ yee Motema wa Kakua, tutwiyaya ne mamɛngɛ monda mwa Kilisito Yɛsu, ndɛɛkɔ, totobaela bye kɛ lɔkɔba,

Bafilipɔ 3:8

Nasɔmɔa biisɛ bokata ko bwaachi bwe kocheba Kilisito Yɛsu Mwaame waanɛ; koetea awɛ nachimbechee biisɛ, na kubimɔa bwe tubi ko kokonja Kilisito.

1 Timɔtɛɔ 1:2

kwa Timɔtɛɔ, mwaana waanɛ we kiinɛkinɛ muiekekeo, Tati Kakua, ne Moolochi wiito Kilisito Yɛsu bakɔɛchɛ lɔkɔka, lokwa ne nyaa.

1 Timɔtɛɔ 3:8

Ngambi che meemo yee Kanisa naabɔ batokoka kɔnyɛmiwa Ndɛɛkɔ bando be tobeetobee; baiɔnaya ne malu ɔbɛ koenga ikonja mo njea chitaasiko,

Filɛmɔ 1:1

Mee Paɔlɔ, oe mo kekako ko mbanga ya Kilisito Yɛsu, natukunya ona mokanda kɔmɔɔsa na Timɔtɛɔ mobotwa niito. Tutukukunyea awɛ Filɛmɔ, ngondwa yiito ne sambe niito we meemo,

1 Pɛtɛlɔ 2:25

Kɔmɔa mɔbɛɛ boe mɛkɔkɔ yachimbea, ano mɔsɔɔtɔkɛa olya ɔbɛɛ mosangi ne mɔlɔli we metema yiinu.

2 Pɛtɛlɔ 1:1

Mee Simɔni Pɛtɛlɔ, mocha ne ndomwa ya Yɛsu Kilisito, natobakunyea banu bae ne iekekeo monda mwaakɛ bwe bae. Lea iekekeo lee ne ibɛi lekatala. Yɛsu ne waketa boa ko mbanga yiito kɔmɔa otoketa bye kiinɛkinɛ, ne oona Yɛsu ne Kakua ne Moolochi wiito.