YUNIRÜBO RHIMO 8:7 - AMÜSÜH HÜM CL Bible (BSI)

⁷ Tümüde amünean me yüzah-a lakhibo düsheak achangnü zhide ahihkhüh chingnü akhiuk; tüsho thripshe thsürü yungsho kikzükikdorü ahihkhüh thsüngu.

YUNIRÜBO RHIMO 8:7 Cross References

ISAIA 35:6

Judüki jingkikrünü shihmüchi nangde ajukbah, tüsho mulokikrünü asühkhi khün thsübah. Tümüde sunglo ching ke bukkhitbah tüsho loshelo ching yungzü labah;

MATHI 10:1

Jisunü api jingyanrü thürükheak mahne jimukhung, tüsho amünean mebo yankhitpü tüsho tukthsü le phüthsüphüram mungji alala ngushihpü arü kilim wu jih.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MARK 9:26

Judüki me junü arungbah zünga adanshih, tüsho api kheaknü akhiuk. Tüsho api ashekhi nangde kam, jumonü ahihkhühnü tha, “Api shea lah.”

LUKNÜ ATHRÜTKHI THIYUSHEAK-ATSÜ HUHTANYU 10:17

Judüki 72nü asühde alodarüde tha, “Atungpuh, nü mung chingnü amünean mebonü she isa ki anido.”

JOHAN 14:12

Atsütsü inü nüsa ki thachoh, shepünü I kheak kinchonü, inü arhimokhi rhimobo apinü she arhimobah; tüsho harü kheaknü atobe rhimobo apinü arhimobah, tümütüsho I Buh kilim I yüchoh.

YUNIRÜBO RHIMO 5:16

Mihtsürübonü Jirusalem mühi kiutobo chingnü she tukthsürü tüsho amünean mebonü thsünükhi bedarüde mukhung, tüsho arü alala thsüngu.

YUNIRÜBO RHIMO 8:6

Apinü athakhi sochoki tüsho amüyinsahbe rhimokhi ngüchoki botonü arihbah Philip ki ani.

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.