YUNIRÜBO RHIMO 7:5 - AMÜSÜH HÜM CL Bible (BSI)

⁵ tüsho apinü ju ching anihbuh kilim amüphü dubopü lang she yamrüplurüp müjih. Tüshe Abraham tsührü mülaa lalashe, apinü anihbuh le adunglim api tsühsoniusobo kilim yamalo jihpü alokhi.

YUNIRÜBO RHIMO 7:5 Cross References

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 16:2

Jumonü Sarainü Abram ki tha, “Kheahang, Atungpuhnü I kheaknü tsührü mülashih. Muzhobah I yamlabe lung nungang; khükia anihbe hode I tsührü labah.” Tüsho Abramnü Sarai yu ani.

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 23:4

“I khiungkerü ah tüsho nüsa bolung tsotsahrü ah. I kilim alo khürü yinjang, junangde inü I niube kiuyuka bahanü.”

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

NEHEMIA 9:8

Nü kheak thiyuro lah de nünü api ngü tüsho api kheak tangzüng. Nünü api kheak Kananrü, Hitrü, Amorrü, Perizrü, Jebusrü tüsho Girgashrü lo api tsühsoniuso lashihpü thiyuchihchim. Nünü thiyuchihchimkhi rhimodo, tümüde nü thiyuro. @1-LINE- SP ACE=

EZEKIEL 33:24

Mihtsürü tsührü, ha abahkhi Israel lomi ching larünü thade lah, “Abraham ju mihtsürü khülang lang alakheah, tütüshe api a alo yamrüplurüp lu; tüshe isa hihlah; tsükjide müküh-a lupü isa kilim yamalo jih-a lah.”

YUZÜNGTHALO 10:11

Tüsho Atungpuhnü I ki tha, Asürang, mihtsürübo müngüh hantsahmusuang, junangde arü kilim jihpü inü nüsa jipürü ki thiyuchihchimkhi lo ching arünü yübah alubah.

YUZÜNGTHALO 11:9

tüsho junangde Atungpuhnü nüsa jipürü tüsho arü tsühsoniuso kilim jihpü thiyuchihchimkhi niuhke tüsho mukhuke bukde alakhi lo ching nüsa kutsüpde alabah.

YUZÜNGTHALO 2:5

Arü bebah dükeochih, tümüde inü arü lo nüsa kilim jingdükü khülang lang she müjih, tümütüsho inü Esau kilim Seir wung ju api yamalo thsüshihpü jihdo.

YUZÜNGTHALO 34:4

Tüsho Atungpuhnü api ki tha, “Ha lo ha inü Abraham, Isak tüsho Jakob jihpü alokhikhi, hade tha, ‘Inü ha nü tsühsoniusobo kilim jihbah.’ Inü ju nü müknü ngüshihdo, tüshe nünü ju hode müyü.”

YUZÜNGTHALO 9:5

Ha nüsa thiyuro lamo yungsho mulong alungki lamonü nüsa arü lo mükühde ayükhi yung, tüshe harü trükshih khide mütsükhi hode Atungpuh nüsa Thrünpuhnü arübo nüsa müngühnü yankhita bahchoh, junangde Atungpuhnü nüsa jipürübo Abraham, Isak, tüsho Jakob ki thiyuchihchimkhi dünjibah.