YUNIRÜBO RHIMO 4:34 - AMÜSÜH HÜM CL Bible (BSI)

³⁴ Arü bolung sheshe müthsümülarü mülakheah, tümüde sherü thulubo le thüyambo lakheanü yinbah sho lude arü,

YUNIRÜBO RHIMO 4:34 Cross References

MATHI 19:21

Jisunü api ki alo, “Nünü banthsangde kamnesho, yüang, nü yamalobo yinbah zhochihrü kilim jihang, tüsho yinmi ching nü rahpung labah; tüsho arang, I dunglim yanang.”

MARK 10:21

Judüki Jisunü api kheahbah muzho, tüsho tha. “Nü khülangnü maban: Nü limro ching yübah nü lakhi alala yinang tüsho zhochihrü kilim jihang, tüsho yinmi ching nü rahpung labah; tüsho arang, I yanang.”

LUKNÜ ATHRÜTKHI THIYUSHEAK-ATSÜ HUHTANYU 12:33

Nüsa lakhitbo yinang tüsho zhochihrü kilim jihang. Mümürhütbe shoyukpung, ahührü müthüninpung yungsho tsünsuknü müthsümünimpung, amükheambe yinmi ching rahpung tsanglunga zoang.

LUKNÜ ATHRÜTKHI THIYUSHEAK-ATSÜ HUHTANYU 16:9

Inü nüsa ki thachoh, nü thsungkheaknü alomi lakhit ju nü müyamrübo alü thsüpü rhimoang, junangde küyimki ju mülade akambanü, akheam müla lapungbo ching nü beyukbah.

LUKNÜ ATHRÜTKHI THIYUSHEAK-ATSÜ HUHTANYU 22:35

Tüsho apinü arü ki tha, “Küyimki inü nüsa shoyukpung, qiuqiu, tüsho jingkhümpü mulude ayüshihkheanü, nüsa tümükhüh mülakhea shi?” Jumonü arünü alo, “Tümü müla.”

YUNIRÜBO RHIMO 2:45

tüsho arünü arü lakhitbo le kukrukbo yinbah khürü yihnüpü lakhi yande arü alala kilim chama jih.

YUNIRÜBO RHIMO 4:37

api lu khülang yin, tüsho sho lude arübah amüsühthsangyurübo kilim jih.

2 KORINT 8:14

tüshe shahrihkhüh lapü thsüde kheakü nüsa suhdahkhi ju arü yihnüpü lakhi jihbeah, junangde arü suhdahkhi ju nüsa yihnüpü lakhi jihbah.

YUZÜNGTHALO 2:7

“Tümüde Atungpuh nüsa Thrünpuhnü nüsa khah rhimokhi alala ching müngühjihdo. Apinü nüsa ha sunglo ato hode keaksahde atsahkhi mükheahlah. Ha kam yirü Atungpuh nüsa Thrünpuh nüsa lung lado; tüsho nüsa tümü she müngüde müla.

1 TESALONIKA 4:12

junangde nimung aban nü rhangdung lakhinü aleangkheakrü wüntre ngübah tüsho she kheak she nü düthsün angüde müla.

1 TIMOTHI 6:19

hanangde arübe ching arü thsungkheak khimtan atsü thsüchoh, junangde arünü atsütsü rhangdung lakhi rhangdung kheak ramrihbah.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.