YUNIRÜBO RHIMO 4:21 - AMÜSÜH HÜM CL Bible (BSI)

²¹ Jumonü küyimki arünü ane müzünkheanü ane thsümüchipü limro müyimkhitde mihtsürübo dünkheaknü ane tsoshih tümütüsho anenü arhimokhi alala thsungkheak arü alalanü Thrünpuh müretah.

YUNIRÜBO RHIMO 4:21 Cross References

MATHI 15:31

Aduhrünü athakhi, bishia larü tsüde akamkhi, jingkikrü tsahkhi tüsho müktukrünü angükhi ngübah mihtsürübonü müyinsah. Tüsho arünü Israel Thrünpuh shijih.

MATHI 21:46

Tüshe arünü api rampü mürangchoki, arünü botobo tre, tümütüsho arünü api ju wukihrü khülang khejih.

MATHI 26:5

Tüshe arünü tha, “Thünio kim ching a düh, jude yungsho mihtsürü bolung arhunganimbah.”

MATHI 9:33

Küyimki amünean me ju ayankhitkhea, mihtsürü junü thiyu tha, tüsho botonü müyinsahde tha, “Israel ching hanangde müdünjiakheah.”

MATHI 9:8

Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 13:17

Küyimki apinü harü thakhea, api azhihrü alala achih ngüabah; tüsho apinü müretah rhimokhi alala dünkheaknü boto alalanü asühachih.

LUKNÜ ATHRÜTKHI THIYUSHEAK-ATSÜ HUHTANYU 20:19

Tüsho amükeam putungrübo le yakzan thsangyurübonü apinü shihdanglimyu ha arü azhihde thachoh de mükheahbah ju kim chingnü api rampü yim, tüshe arünü mihtsürübo tre.

LUKNÜ ATHRÜTKHI THIYUSHEAK-ATSÜ HUHTANYU 20:6

Tüshe isanü, ‘Mihtsürü kilimnü’ de thasho mihtsürü alalanü isa lungnü arubah, tümüde Johan ju wukihrü khülang lakheah de arünü kinlah.”

LUKNÜ ATHRÜTKHI THIYUSHEAK-ATSÜ HUHTANYU 22:2

Tüsho amükeam putungrübo tüsho yakzan thsangyurübonü api laksahpü rük yim, tümüde arünü mihtsürübo trede alakheah.

LUKNÜ ATHRÜTKHI THIYUSHEAK-ATSÜ HUHTANYU 5:26

Arü alala müyinsahde Thrünpuh shijih tüsho atrekhinü mide tha, “Isanü khihni mihmüyinsahbe ngüdo.”

YUNIRÜBO RHIMO 4:17

Mihtsürü bolung alü thsüde mubushihpü, ha mung chingnü kheaküa masukpü isanü ane müzünanü.”

YUNIRÜBO RHIMO 4:22

Tümütüsho mihtsürü shepü kheak ha athsüngukhi khinthiyinbe rhimokheanü kam 40 akumung lakheah.

YUNIRÜBO RHIMO 5:13

Püpürü shenü she arü lung bepü mümürang, tüshe mihtsürübonü arü ki khide wüntre jih.

YUNIRÜBO RHIMO 5:26

Tüshe wühkenobuhnü atorübo bebah yü tüsho arübo amütsü müthsüde bedarü, tümüde arübo mihtsürübonü lungnü arupü tre.

YUNIRÜBO RHIMO 5:40

Jumonü arünü ha athsunganahkhi lu, tüsho amüsüh-thsangyurübo jiyukbah lak tüsho Jisu mung chingnü müthapü thürühbah tsoshih.