YUNIRÜBO RHIMO 4:1 - AMÜSÜH HÜM CL Bible (BSI)

¹ Anenü mihtsürübo ki thade alachoki, amükeamrübo le arüngyam wühkenorü tüsho Sadukirübo Peter tüsho Johan kilim atu.

YUNIRÜBO RHIMO 4:1 Cross References

MATHI 16:12

Judüki yikhap ching yukbe phaüm atünadopü yungde Pharisirü tüsho Sadukirünü thsangyukhi azhihde apinü arü ki thachoh de arünü anikhit.

MATHI 22:16

Tüsho arünü api kilim arü jingyanrü bolung Herod borü yüshihde tha, “Thsangyurü, nü thiyuro, tüsho thiyuro ching Thrünpuh limro thsangyuchoh de isanü mükheahlah; yungsho nünü she dünkheak kümkanga müla; tümüde nünü mihtsürü kheyuka müla.

MATHI 27:20

Tüshe amükeam putungrü le azothsürübonü Baraba dükhebah Jisu sheshihpü thaang de boto ki athsung.

MATHI 27:41

Junangde amükeam putungrübonü she athrütrü le azothsürübo lungnü luhmünede tha,

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

LUKNÜ ATHRÜTKHI THIYUSHEAK-ATSÜ HUHTANYU 20:1

Nimung khülang apinü arüngyam ching mihtsürübo thsangyude tüsho thiyusheak-atsü thsangyuthsangrade alachoki, amükeam putungrübo tüsho yakzan thsangyurübonü azothsürübo lung thsürubah Jisu shoru.

LUKNÜ ATHRÜTKHI THIYUSHEAK-ATSÜ HUHTANYU 22:4

Judanü amükeam putungrü tüsho arüngyam aheangrü torübo kilim yü tüsho apinü künangde Jisu yinatsühbanü arü ki asukachih-a lu.

JOHAN 15:20

Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

JOHAN 18:3

Jumonü Judanü bonungrü khürü tüsho amükeam putungrübo le Pharisirübonü athiyikhi arüngyam aheangrübo bebah thsühnuk shuh tüsho tsünpung le tsünduphungbo hanbah ju ching yü.

YUNIRÜBO RHIMO 4:6

ju lung achangbe amükeambuh Anna le Kaifa tüsho Johan le Alexander, tüsho achangbe amükeamrü yamkhün chingnü alala bekheah.

YUNIRÜBO RHIMO 5:17

Tüshe achangbe amükeambuhnü wusu tüsho api lung lakhi Sadukirü borü alalanü mükthsüde kam,

YUNIRÜBO RHIMO 5:24

Küyimki achangbe amükeambuh, arüngyam wühkenobuh, tüsho amükeam putungrübonü harü sokhea, tümü dünjibaki de müyinsah.

YUNIRÜBO RHIMO 5:26

Tüshe wühkenobuhnü atorübo bebah yü tüsho arübo amütsü müthsüde bedarü, tümüde arübo mihtsürübonü lungnü arupü tre.

YUNIRÜBO RHIMO 6:12

Jumonü arünü mihtsürübo le azothsürübo tüsho yakzan thsangyurübo thurumusu. Arünü Stephen rambah kiuthsübinkiu miki bedarü.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.