YUNIRÜBO RHIMO 26:29 - AMÜSÜH HÜM CL Bible (BSI)

²⁹ Tüsho Paulnü alo, “Kim khihang yungsho shangang, harü arhükkhibo kheak hode, nü lang yung tüshe khihni I ki anirü alala I nangde akampü inü Thrünpuh ki tamkhüntamnüchoh.”

YUNIRÜBO RHIMO 26:29 Cross References

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

2 KIULONG THSÜRÜ 5:3

Alibenü anihbe putungbe ki tha, “I tungpuhnü lang Samaria ching lakhi wukihrü kilim yükhülaa! Apinü nihbuh apham thsüngubah.”

ABEKHIT 16:3

Tüsho Israelrünü arü ki tha, “O, isa Ijip lomi ching shih phüh ki binchoki tüsho bukthsüde yikhap tsühchoki Atungpuh khah hode isa müshede! Tümütüsho nünü isa ha boto alala sunglo ching akhümnü asheshihpü bekhitdo.”

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 38:20

Jeremianü alo, “ Nü arü kilim müjih. Inü tümü nü ki thachonü Atungpuh düsheak lang aniang, tüsho nü tsüde alabah tüsho nü rhangdung aninga labah.

WÜHKHE 11:29

Tüshe Mosanü alo, “Nünü I dünkheak mükthsücho shi? Atungpuhnü amihtsürü alala kheak ame yükihshihbah wukihrübo nangde zhishang shi de inü lümlah!”

JOHAN 5:34

Tütüshe inü mihtsürü kilimnü thiyumütsan müleangkhichoh; nüsa khümkhitpü thsüde inü harü thachoh.

YUNIRÜBO RHIMO 12:6

Ju re Herodnü api bekhitpü lachoki, Peter ju wuhrünliu mahnenü rhükbah bonungrü mahne dükeak yapde la, tüsho ripit ki aheangrübonü aheangde alakheah;

YUNIRÜBO RHIMO 21:33

Limthobuhnü thüninde arübah api bea lu tüsho wuhrünliu mahnenü api rhükpü thiyukhüm jih; tüsho api she a tüsho anihbuhnü tümü rhimokheanü apinü keokhi.

YUNIRÜBO RHIMO 25:14

Küyimki arü ju ching nimung ahihkhüh mungkhea, Festanü Paul dünkheak kiulongthsüpuh ki tha: “Felixnü aramrü thsüde alashihkhi mihtsürü khülang lah;

ROMRÜ KILIM PAULNÜ ATHRÜTKHI KIHÜM HUHTANYU 10:1

Keoniorübo, I mulongnü akünkhi tüsho Thrünpuh ki arü thsungkheak I tamkhüntamnü ju arü khümkhitpü lah.

1 KORINT 4:8

Nüsa künkhi alala laabahdo! Nüsa alarü kamabahdo! Isa mübede nüsa kiulongthsürübo kamdo! Tüsho nüsa kiulongthsürü thsükhülaa, isanü nüsa lung yakzan shuhrungbah!

1 KORINT 7:7

Alala I ruk lakhülaa de inü lümchoh, tüshe mihbüm aban Thrünpuh kilimnü thsambah büthsüthsü, khülang kilim khülang tüsho püpü kilim püpü de lah.

2 KORINT 11:1

I anükhüh mudukmükea lalashe nüsanü arümjang. I lung arümjang!

EFISIA 6:20

ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.