YUNIRÜBO RHIMO 24:5 - AMÜSÜH HÜM CL Bible (BSI)

⁵ Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

YUNIRÜBO RHIMO 24:5 Cross References

ESTER 3:8

Hamannü kiulongthsüpuh ki tha, “Nü kiulongthsü bukkhüp trük khülang lah. Arünü püpürü kheaknü büthsüde yakzan ahorichoh. Ju lang yung, arünü nü yakzan mani, jumonü judürü mihtsürü kheak amümürang thsübe yung.

JEREMIA 37:13

Küyimki api Benjamin Chipiripit khiungkhea, ju ching aheangrü khülang Hanania tsührü Shelemia tsührü amung Irija nü wukihbuh rambah tha, “ Nü Kaldearü kilim tsokhide yüchoh.”

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

AMOS 7:10

Judüki Bethel ching amükeambuh Amazia nü Israel kiulongthsüpuh Jeroboam kilim thiyu yüshih, “Amosnü Israel bolung nü azhihde thachoh; alominü api yu alala marümkhuk.

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 2:23

Tüsho apinü yübah Nazareth kiuto ching la, junangde wukihrübonü, “Api Nazarethrü de ajibah,” de athakhi dünjipü lakheah.

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

LUKNÜ ATHRÜTKHI THIYUSHEAK-ATSÜ HUHTANYU 23:19

api ju kiuto ching athsümünimkhi tüsho mihkhukmonü rihyam ching zokheah.

LUKNÜ ATHRÜTKHI THIYUSHEAK-ATSÜ HUHTANYU 23:2

Tüsho arünü api chikhide athapü tankih, “Ha buhnü trükshih bemüchihkhi isanü ngüdo, tüsho api ju Khrista, kiulongthsüpuh de thade Kaesar kilim ruk jihpü tukloshihdo.”

LUKNÜ ATHRÜTKHI THIYUSHEAK-ATSÜ HUHTANYU 23:25

Arünü amushukhi azhih tüsho mihlaksahrü rihyam ching labuh apinü arü kilim dükhe; tüshe apinü Jisu ju arü mulongkhi ching jihabah.

LUKNÜ ATHRÜTKHI THIYUSHEAK-ATSÜ HUHTANYU 23:5

Tüshe arünü alü mulong zhipzhipde tha, “Apinü Judea alala, Galilee chingnü ha dangpung khiungde thsangyude mihtsürübo thurumusuchoh.”

YUNIRÜBO RHIMO 15:5

Tüshe akinrü khürü Pharisirü bolung berünü wusubah tha, “Khiungkerü tsütabahbeah tüsho Mosa yakzan zhimshihbeah.”

YUNIRÜBO RHIMO 21:28

Arünü zhi, “Israel mihtsürübo, isa rungang! Isa mihtsürü le yakzan tüsho ha dangpung azhihde lüpdükhi ching alala thsangyukhi mihtsürü ha ah; kheaküshe apinü Greekrü ju arüngyam ching bede yüzahbah amüsüh dangpung müneanjih.”

YUNIRÜBO RHIMO 22:22

Ha thakhi khiungde arünü api ki ani, tüsho arü düsheak achangnü tha, “Hadürü ha alomi chingnü kheamshang, tümüde api alapü müthülün!”

YUNIRÜBO RHIMO 24:14

Tüshe arünü yingüh khülang de ajikhi Limro yande yakzan ching lakhi yungsho wukihrübo ching thrütkhi lüpdükhi yande isa jipürü Thrünpuh kingaünkhi inü nü ki alokhichoh.

YUNIRÜBO RHIMO 24:4

Tüshe nü müpeangshangshihpü, muzhobah isa ki anükhüh anijang de mushuchoh.

YUNIRÜBO RHIMO 25:7

Tüsho küyimki api arükhea, Jirusalem chingnü arükhi Jihudarünü api mükamdoa zhipbah arünü mümütsankhukkhi ahihdonü Paul azhihde atsang.

YUNIRÜBO RHIMO 26:5

Arünü mütsanpü mulungsho adüsonü I mükheahlah, junangde adanyukkhi isa kingaün yande I a Pharisirü thsüde lado.

YUNIRÜBO RHIMO 28:22

Tüshe lümkhi tümüanü isanü nü kilimnü sonelah; tümüde alala ching ha khunung azhihde asukkhi isanü mükheahlah.”

YUNIRÜBO RHIMO 5:17

Tüshe achangbe amükeambuhnü wusu tüsho api lung lakhi Sadukirü borü alalanü mükthsüde kam,

YUNIRÜBO RHIMO 6:13

Arünü arükchih thiyumütsan jihde tha, “Ha mihtsürünü kamruhroro isa amüsüh arüngyam tüsho Mosa yakzan azhihde athapü mutuklo;

1 KORINT 11:19

Tümüde nüsa bolung achamnakbo labah, junangde alim larübo mütsanbah.

1 KORINT 4:13

küyimki mükhemükimbanü, isanü muzhode alochoh; kheakü isa alomi sünit, alomiküp müneanmuru nangde kamdo.

1 PETER 2:19

Mihtsürü khürünü alim-mülakhi thsünü ching arümsho api athülünkhi lah tümütüsho apinü Thrünpuh anikhitlah.