YUNIRÜBO RHIMO 22:5 - AMÜSÜH HÜM CL Bible (BSI)

⁵ Inü thiyuro thachoh de achangbe amükeambuh tüsho kiuthsü-binkiu abümnü thiyumütsan jihpü kuklah. Arünü keoniorü Jihudarü kilim kihüm thrütkhi inü leangkhi, junangde inü arü rhüka lubah Jirusalem chingnü athsümüchipü Damaska ching yü.

YUNIRÜBO RHIMO 22:5 Cross References

LUKNÜ ATHRÜTKHI THIYUSHEAK-ATSÜ HUHTANYU 22:66

Ayinkhi akede, mihtsürü azothsürübo, amükeam putungrübo tüsho yakzan thsangyurübo rukhüh arübah arü kiuthsü-binkiu ching beyukbah tha,

YUNIRÜBO RHIMO 1:15

Nimung anükhüh dunglim akinrübo 120 bande küdang la, tüsho Peternü thiyu thapü wusu,

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 2:29

“Keoniorübo, isa jipürü David shebah kiuyuka bahdo de inü nüsa ki mulong tode thakhuklah, tüsho api kiuyuk khihni khiungde isa lung lah.

YUNIRÜBO RHIMO 22:1

“I keoniorü Israelrübo, kheakü nüsa miki inü alim thakhi anijang.

YUNIRÜBO RHIMO 23:1

Tüsho Paulnü kiuthsürü kheak kheahmürip tüsho tha, “Keoniorübo, khihni khiungde lümkhi atsü alala ching inü Thrünpuh miki lado.”

YUNIRÜBO RHIMO 23:6

Tüshe küyimki Paulnü khürü Sadukirü tüsho püpü Pharisirü de amütsankhea, apinü kiuthsü-binkiu ching zhi, “Keoniorübo, I Pharisirü tsührü Pharisi ah; mulonglam tüsho asherü arhang kamlopü dünkheaknü I mahkhap ching lah.”

YUNIRÜBO RHIMO 26:10

Tüsho inü junangde Jirusalem ching rhimo; amükeam putungrübonü mülükhi hode inü amüsührü ahihkhüh rihyam ching zo, tüsho küyimki arü sheshihkheanü arü azhihde inü hehuh thsü.

YUNIRÜBO RHIMO 26:11

Inü ahihkhüh ki sinagogbo alala ching arü thsümüchi; tüsho arü athruajipü mürang. Arü kheak I bukakhiukde inü arübo khiungkerü kiutobo ching she thsümüchi.

YUNIRÜBO RHIMO 26:12

“Hanangde amükeam putungrü thiyukhüm-sühmüh hode inü Damaska lim hantsah yü.

YUNIRÜBO RHIMO 28:17

Nimung mahsam dunglim apinü Jihudarü limberübo jimukhung; tüsho küyimki arübo mukhungkhea, apinü arü ki tha, “Keoniorübo, inü I mihtsürü yungsho isa jipürü yakli azhihde tümü mürhimomo she Jirusalem ching I ram tüsho Romrü kilim jih.

YUNIRÜBO RHIMO 28:21

Tüsho arünü api ki tha, “Judea chingnü nü dünkheak isanü tümü kihüm müleangkhi, tüsho keoniorü ha ching arürü shenü she nü dünkheak thiyusheak müjih yungsho amütsü masuk.

YUNIRÜBO RHIMO 3:17

“Keoniorübo, nüsa le nüsa limberübonü manikhitde rhimodo de inü mükheahlah.

YUNIRÜBO RHIMO 4:5

Ashidopü arü yakzanshuhrü, azothsürü, tüsho athrütrü Jirusalem ching rukhüh mukhung,

YUNIRÜBO RHIMO 5:21

Küyimki arünü ju sokheanü yapsu mükikde arüngyam ching yüzahbah thsangyu. Tüshe achangbe amükeambuh tüsho api lung larü arübah kiuthsübinkiu lung Israelrü azothsürü bede rukhüh mukhung, tüsho arü bedarüpü rihyam ching yüshih.

YUNIRÜBO RHIMO 9:14

tüsho ju ching nü mung jirü alala rhükpü amükeam putungrübo kilimnü api thiyukhüm-sühmüh lah.”

GALATIA 1:13

Tümütüsho inü Thrünpuh borü münchi hode thsümüchi tüsho ju thsümünimpü mürangkhi, Judea ching adüso I rhimo nüsanü sodo.

FILIPI 3:6

mulong sümsüm yandüa borü thsümüchirü; thiyuro-lungki yandüa yakzan bukkhüp amudopü müla.

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.