YUNIRÜBO RHIMO 20:2 - AMÜSÜH HÜM CL Bible (BSI)

² Küyimki apinü harü alala ching yüde mulong tuthsukyu ahihdo thakhea, apinü Greece ching arü.

YUNIRÜBO RHIMO 20:2 Cross References

ZEKARIA 9:13

Tümüde inü I sanglüh nangde Juda hündo; inü Ephraim ju hühzobo kamshihdo. Inü nü tsührübo wusushihbah, O Zion, O Greek, nü tsührübo azhihde thirithsü nukshang nangde ashuhbah.

LUKNÜ ATHRÜTKHI THIYUSHEAK-ATSÜ HUHTANYU 3:18

Junangde atuthsukyu ahihdo lungnü apinü mihtsürübo ki thiyusheak atsübo thsangyuthsangra.

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

YUNIRÜBO RHIMO 15:41

Tüsho apinü borübo reangzahshihde Siria tüsho Kilikia hode yü.

YUNIRÜBO RHIMO 16:12

Ju chingnü Macedonia lomi-chamnak yo kiuto ato, Rom kheang de ajikhi Filipi ching yü. Isanü ju kiuto ching nimung anükhüh mung;

YUNIRÜBO RHIMO 17:1

Küyimki arünü Amphipoli tüsho Apollonia hokhea, Jihudarü sinagog lapung Tesalonika ching arü.

YUNIRÜBO RHIMO 17:10

Keoniorübonü niokheamde Paul le Sila büne azhing chingnü Berea lim thiyia tsoshih; tüsho küyimki ane akhiungkheanü Jihudarü sinagog ching yüzah.

YUNIRÜBO RHIMO 2:40

Tüsho apinü püpü yubo thiyumütsan thsüde tüsho mulong tuthsukde arü ki tha, “Ha mihbukmuyuk lün chingnü nüsabo khümkhitang.”

YUNIRÜBO RHIMO 20:1

Alanaji kheam dunglim, Paulnü akinrübo jimukhung tüsho mulong tuthsukyu thabah arü ki chode thsü. Jushu apinü chamachihbah Macedonia lim yü.

YUNIRÜBO RHIMO 20:11

Paulnü arünkihkhi lim yükihlobah yikhap yihnak tüsho tsüh. Apinü ayinkhi khiungde asukachihbah chamachih.

YUNIRÜBO RHIMO 20:3

Apinü ju ching khinu mahsam mung, tüsho api Siria lim yüpü lachoki, küyimki Jihudarübonü api azhihde arhimokhea, apinü Macedonia hode ayüpü lümkih.

1 KORINT 4:19

Tüshe Atungpuhnü alümkhi thsüsho, I nüsa kilim nahde arübah, tüsho harü akükheang mihtsürübonü athakhi yungde arü wu inü ayimkhitbah.

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

1 TESALONIKA 2:11

tümüde buhrünü tsührübo ki nangde isanü nüsa aban ki thsangdankhi nüsanü mükheahlah.

1 TESALONIKA 2:3

Tümüde isanü amushukhi ju alakmihkhi yungsho mümüsühkhi, yungsho rük thsüde yung;

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.