YUNIRÜBO RHIMO 2:23 - AMÜSÜH HÜM CL Bible (BSI)

²³ Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 2:23 Cross References

THRÜNTAN 50:20

Nüsa thsungkheak a, nüsanü I azhihde amütsü thsükhi lah; tüshe Thrünpuhnü a khihni hanangde mihtsürü ahihdo rhangdung khümkhitpü atsü thsungkheak lah.

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

ISAIA 37:26

“ Inü adüsonü lümkihdo de nünü muso de? Kheakü inü tümü handarüchonü inü awün nimungbo chingnü lümkhi thsükheah, junangde nünü chipi ayünkhi kiutobo kingnaka müneanmuru mujung kamshihpü lakheah.

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

MATHI 20:19

tüsho mükhemükimshihpü, arhapshihpü tüsho ayümkihshihpü khiungkerü kilim jihbah.”

MATHI 26:24

Mihtsürü Tsührü a api dünkheak thrüta lakhi nangde yüchoh, tüshe shepünü Mihtsürü Tsührü yinatsühchonü ju mihtsürü are! Ju mihtsürü a api thsungkheaknü müzübejungkhi atsübe lado.”

MATHI 27:35

Judüki arünü api yümkih, tüsho azan thsüde api khimmih chama lu, junangde wukihrünü athakhi dünjipü lakheah: “Arünü arü bolung I khimmihbo chama lu, tüsho I khimmih thsungkheak arünü azan thsü.”

MARK 15:24

Tüsho küyimki arünü api yümkihkhea, arünü api khimmihbo azan thsüde mihtsürü abande chama lu.

LUKNÜ ATHRÜTKHI THIYUSHEAK-ATSÜ HUHTANYU 22:22

Atsütsü Mihtsürü Tsührü a akhua zokhi nangde yüchoh, tüshe api yinatsühbuh mihtsürü are!”

LUKNÜ ATHRÜTKHI THIYUSHEAK-ATSÜ HUHTANYU 22:37

Tümütüsho ha thrüta lakhi ju I kheak dünjibah de inü nüsa ki thachoh: ‘Tüsho api ju athsümünimrü lung kheyuk.’ Tümüde I dünkheaknü thrüta lakhibo adünjipü lah.”

LUKNÜ ATHRÜTKHI THIYUSHEAK-ATSÜ HUHTANYU 23:33

Tüsho küyimki arübo Kalvari de ajikhi dangpung ching arükhea, ju ching arünü athsümünimrü mahne ju khülang akhah tsülim tüsho püpü ju huzulim thsübah api yümkih.

LUKNÜ ATHRÜTKHI THIYUSHEAK-ATSÜ HUHTANYU 24:20

tüsho amükeam putungrübo le isa yakzanshuhrübonü api bahyukde asheshihpü tüsho ayümkihshihpü jih.

JOHAN 19:18

ju ching arünü api yümkih, tüsho api lung püpürü mahne, Jisu aphulung thsübah thrip aban yümkih.

JOHAN 19:24

Jumonü arünü arü bolung thaachih, “Isanü ha müruknaknü, tüshe ju shepü yo thsübanü azan thsanü,” junangde thaa lakhi amüsühyu dünji: “Arünü I khimmihbo arü bolung chama lu, tüsho I khimmih thsungkheak arünü azan thsü.” Jumonü bonungrübonü harü rhimo.

YUNIRÜBO RHIMO 13:27

Tümüde Jirusalem ching lakhi mihtsürübo tüsho arü limberübonü api akhümkhitbuh de mümükheah yungsho wukihrübo yu Amuni aban khekhi manikhit, tüshe arünü Jisu bahyukkhinü wukihrübo yu dünjishihdo.

YUNIRÜBO RHIMO 15:18

adüsonü harü mükheahshihbuh Atungpuhnü thachoh.’

YUNIRÜBO RHIMO 2:36

“Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 3:18

Tüshe wukihrübo alala mün hode Khrista thsünüpü Thrünpuhnü tümü thajungkheanü ha dünjido.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”

YUNIRÜBO RHIMO 5:30

Nüsanü laksahbah sangdung kheak zhinkhi Jisu isa jipürü Thrünpuhnü asürüshih.

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

ROMRÜ KILIM PAULNÜ ATHRÜTKHI KIHÜM HUHTANYU 2:12

Yakzan mübede neak yihbeakrü alala yakzan mübede adükheakbah, tüsho yakzan bukkhüpnü neak yihbeakrü alala yakzannü mahkhapbah.

ROMRÜ KILIM PAULNÜ ATHRÜTKHI KIHÜM HUHTANYU 4:17

Ha thrüta lah: “Inü nü trükshih ahihdo abuh kamshihdo.” Api ju asherü kilim rhangdung jihkhi tüsho amülakhi thiyukhüm jih-a lashihkhi kheak kinkhi Thrünpuh miki isa abuh ah.

1 TESALONIKA 2:15

arünü Atungpuh Jisu tüsho wukihrübo chido laksah, isa yankhita bah, tüsho Thrünpuh masühshihde kam tüsho mihtsürü alala azhih,

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 PETER 1:20

Alomiküp müthrünyide api mokhita lakheah, tüshe nüsa thsülimnü harü akheam kimbo ching amikheak akhiukshih.

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.