YUNIRÜBO RHIMO 18:18 - AMÜSÜH HÜM CL Bible (BSI)

¹⁸ Ju dunglim Paulnü nimung ashang mung, tüsho keoniorübo zojihbah api lung Priscilla tüsho Aquila bebah sangkung chingnü Siria lim yü. Mütsahmusuyide apinü Kenkrea ching ku hüt, tümüde apinü thiyuchihchima lakheah.

YUNIRÜBO RHIMO 18:18 Cross References

WÜHKHE 6:18

Tüsho Naziritbuhnü ashorupung khimyam ripit kinü müsühkhitkhi ku hütbah tüsho kuyü lubahle mungtsü kingaün khüp mo kheak yihkihbah.

WÜHKHE 6:2

Israelrü mihtsürübo ki thaang, Küyimki athrürü yungsho aliberü khülangnü arü Atungpuh kilim büthsüpü Nazirit kampü thiyuchihchimbanü,

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MARK 6:46

Arü yüshih dunglim, apinü tamkhüntamnüpü müzüng lim yü.

YUNIRÜBO RHIMO 1:15

Nimung anükhüh dunglim akinrübo 120 bande küdang la, tüsho Peternü thiyu thapü wusu,

YUNIRÜBO RHIMO 15:23

Arü kheaknü kihüm ha mühah: “Keoniorübo, amüsüh-thsangyurübo tüsho azothsürübo, Antiok le Siria tüsho Kilikia ching lakhi khiungkerü kilim salüm.

YUNIRÜBO RHIMO 15:41

Tüsho apinü borübo reangzahshihde Siria tüsho Kilikia hode yü.

YUNIRÜBO RHIMO 18:2

Tüsho apinü Pontus chingnü asürükhi Jihudarü amung Aquila, aniube Priscilla bebah Itali chingnü ashude arükhi ngü, tümütüsho Klaudianü Jihudarü alala Rom chingnü atsopü thiyukhüm jih. Tüsho apinü ane shorupü yü;

YUNIRÜBO RHIMO 18:26

Apinü mulong tode sinagog ching thapü tankih; küyimki Priscilla le Aquila bünenü api dünkheak sokhea, anenü thüyam ching bede yübah Thrünpuh limro alü thsüde api ki lungkide thanaka huh.

YUNIRÜBO RHIMO 18:27

Tüsho küyimki apinü Akaia lim hode ayüpü mulongkhea, keoniorübonü api mulong toshih, tüsho api leangkhipü akinrübo kilim thrüt. Küyimki api akhiungkhea, mihmüthsüm hode akinrübo apinü tode rung,

YUNIRÜBO RHIMO 21:23

Jumonü isanü nü ki tümü thabanü rhimoang. Thiyuchihchim lukhi mihtsürü 4 lah;

YUNIRÜBO RHIMO 21:24

harü mihtsürübo bea lubah arü lung nü tsangkhitang tüsho arü dünkheak bahzübahdojang, junangde arünü ku hütbah. Junangde nü dünkheak arü ki thakhi tümü müla tüshe nü a yakzan yande lah de alalanü amükheahbah.

YUNIRÜBO RHIMO 21:3

Küyimki isanü Saipra ngüde arükhea, huzulimnü anguhbah Siria lim yü tüsho Tair ching yüki; tümüde ju ching sangkung hah shuhkhipü lakheah.

ROMRÜ KILIM PAULNÜ ATHRÜTKHI KIHÜM HUHTANYU 16:1

Kenkrea borü ching tankihberü, isa keonioberü Phoebe dünkheak inü nüsa kilim thiyumütsan jihchoh.

1 KORINT 9:20

Jihudarübo bedarüpü thsüde Jihudarübo ki I Jihudarü kam; I yakzan bukkhüp mülalashe yakzan bukkhüp larü bedarüpü thsüde arü ki I yakzan bukkhüp larü khülang kam.

GALATIA 1:21

Jushu I Siria tüsho Kilikia lomibo ching yü.