YUNIRÜBO RHIMO 13:12 - AMÜSÜH HÜM CL Bible (BSI)

¹² Judüki kovünornü adünjikhi ngübah kin, tümüde Atungpuh dünkheak thsangyukhi apinü müyinsah.

YUNIRÜBO RHIMO 13:12 Cross References

MATHI 27:54

Küyimki bonungrü torü tüsho api lung aheangrübonü muliuyuk züngkhi tüsho adünjikhi alala ngükhea, arünü khide trede tha, “Atsütsü ha Thrünpuh tsührü thsüa lah!”

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

LUKNÜ ATHRÜTKHI THIYUSHEAK-ATSÜ HUHTANYU 7:16

Arü alala trede kam; tüsho arünü Thrünpuh müretahde tha, “Isa bolung wukihrü ato khülang asürüdo!” tüsho “Thrünpuhnü api mihtsürü rhua kheahdo!”

JOHAN 7:46

Atorübonü alo, “Mihtsürü shenü she ha mihtsürü ruk masuk!”

YUNIRÜBO RHIMO 13:48

Tüsho küyimki khiungkerünü ha sokhea, arübo asüh tüsho Thrünpuh yu müretah; tüsho lün rhangdung thsungkheak mokhitrü alalanü kin.

YUNIRÜBO RHIMO 13:49

Tüsho Atungpuh yu ju alomi alala ching bude yü.

YUNIRÜBO RHIMO 13:7

Api ju kovünor Sergia Paula rüklakhi mihtsürü lung lakheah. Ju buhnü Barnaba le Saul ji tüsho Thrünpuh yu anipü yim.

YUNIRÜBO RHIMO 13:8

Tüshe wurük-huhrü Ilymanü (Greek yu ching ju api mung) akin chingnü kovünor rholoshihpü zhipdo.

YUNIRÜBO RHIMO 15:35

Tüshe Paul le Barnaba a ane lung püpürü ahihdo thsürubah Atungpuh yu thsangyude tüsho thsangyuthsangrade Antiok ching mung.

YUNIRÜBO RHIMO 15:36

Tüsho nimung anükhüh dunglim Paulnü Barnaba ki tha, “Arang, ikenü Atungpuh yu zhiyukpung kiuto aban ching keoniorübo küde lanü rhua kheahanü.”

YUNIRÜBO RHIMO 18:12

Tüshe küyimki Gallio ju Akaia kovünor lakhea, Jihudarünü arihbah Paul ram tüsho mahkhappung ching bedarü.

YUNIRÜBO RHIMO 19:10

Ha kam mahne mutuklode yü, junangde Asia ching larü alala, Jihudarü tüsho Greekrü chidonü Atungpuh yu so.

YUNIRÜBO RHIMO 19:20

Junangde Atungpuh yu ju wu lade akuk ngüde bude yü.

YUNIRÜBO RHIMO 19:38

Jumonü Demetria tüsho api lung rhimorü khürü azhihde atsangkhi lasho, mahkhappungbo khimshuh-a lah, tüsho atorübo lah; arünü ju ching atsangpü kuklah.

YUNIRÜBO RHIMO 19:7

Arü mihtsürü 12 bande alakheah.

YUNIRÜBO RHIMO 28:7

Ju dangpung phünide kekung-lo atorü Publio lubo lakheah. Apinü asühde isa beyuk tüsho api lung nimung mahsam mung.

YUNIRÜBO RHIMO 6:10

tüshe apinü Me lümlungnü athakhi azhihde müzhipkhuk.

YUNIRÜBO RHIMO 8:25

Küyimki arünü thiyumütsan jihde Atungpuh yu asukkhea, arünü Samariarü kiulongbo ahihdo ching thiyusheak-atsü thsangyuthsangrade Jirusalem lim alode yü.