YUNIRÜBO RHIMO 12:3 - AMÜSÜH HÜM CL Bible (BSI)

³ tüsho junü Jihudarü asühshihkhi apinü ngübah Peter she arampü tankih. Ha phaüm muyukkhi thünio kim ching lakheah.

YUNIRÜBO RHIMO 12:3 Cross References

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

MATHI 26:17

Kheakü phaüm muyukkhi thünio akhuhbe nimung jingyanrübonü arübah Jisu ki tha, “Nü thsungkheaknü phungho-thünio tsühpü isanü küching thsakhamshihnela?”

JOHAN 12:43

tümüde arünü Thrünpuh mungshi kheaknü mihtsürü mungshi alü muzhodo.

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

JOHAN 21:18

Atsütsü inü nü ki thachoh, küyimki nü athunu lakhea, nü küdah thsüde khimmih yihbah nünü amulongkhi lim tsah; tüshe küyimki nü ashinbanü, nünü nü khahbo chungbah, tüsho püpürünü nü khimmih yihjihbah tüsho nünü mümulongkhi lim bede ayübah.”

YUNIRÜBO RHIMO 12:4

Küyimki apinü anihbuh ramkheanü rihyam ching yuk, tüsho phungho-thünio dunglim mihtsürübo kilim bekhitpü thsüde api ju mihtsürü phüyiyi lakhi bonungrü khunung phüyi kilim aheangshihpü jih.

YUNIRÜBO RHIMO 2:14

Tüshe Peternü thürükheak khülang lung zhipbah düsheak achangnü arü ki tha, “Juda mihtsürübo tüsho Jirusalem ching larü alala, nüsanü ha mükheahang, tüsho I yubo aniang.

YUNIRÜBO RHIMO 20:6

tüshe phaüm muyukkhi thünio dunglim isanü Filipi chingnü yü tüsho nimung phüngü dunglim arü kilim Troa ching arübah ju ching nimung thüne mung.

YUNIRÜBO RHIMO 24:27

Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.

YUNIRÜBO RHIMO 25:9

Tüshe Festanü Jihudarü asühshihpü mulungde Paul ki tha, “Nünü Jirusalem lim wutubah harü dünkheak I miki mahkhapshihpü mulongla shi?”

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

1 TESALONIKA 2:4

tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh.