THRÜNTAN 8:17 - AMÜSÜH HÜM CL Bible (BSI)

¹⁷ Nü lung rhangdung lakhi alala: wuhnubo le shiwüh tüsho alo kheak abüde atsahbe bekhitang, junangde arübo wüh bude alomi alala ching labah.

THRÜNTAN 8:17 Cross References

THRÜNTAN 1:22

Apinü jurübo alala müngühjihde tha, “Aso asoang tüsho wüh buang, tüsho ketobo ching kebonü mishang, tüsho alomi kheak wuhnubo wüh bushang.”

THRÜNTAN 1:28

Thrünpuhnü arü müngühjihde tha, “Aso asoang tüsho wüh buang; alomi mishang tüsho ju danyukang; keto ching thüngüh, thüning wuhnubo tüsho alo kheak abübe alala kurungkheak atungrü thsang.”

THRÜNTAN 8:16

Nü le nü niube, tüsho nü tsührübo le arü niuberübo sangkung chingnü wukhiukang.

THRÜNTAN 8:18

Jumonü Noa, api tsührübo tüsho aniube le atsührü niuberübo api lung wukhiuk.

THRÜNTAN 9:1

Jumonü Thrünpuhnü Noa tüsho atsührübo müngühjih, tüsho arü ki tha: “Aso asode wüh buang, tüsho alomi mide kamang.

THRÜNTAN 9:7

Tüsho nüsa thsungkheaknü, tsührü laang tüsho wüh buang; alomi ching hihde kamshang tüsho bushang.”

MUNGSHIKHÜN 107:38

Apinü arü müngühjih, tüsho arü tode wüh bu; tüsho apinü arü moshi münungzüshih.