THRÜNTAN 4:7 - AMÜSÜH HÜM CL Bible (BSI)

⁷ Nünü lungkide rhimokhülaa, nü müleangkhibea de? Tüshe tümü alungkianü nünü ju mürhimosho, khimdopü ki neak yaplah; hanü nü mürheangchoh, tüshe nünü ju kukbeah.”

THRÜNTAN 4:7 Cross References

THRÜNTAN 19:21

Tüsho apinü anihbuh ki tha, “Khide tsülah, inü ha she amülüjihbah; nünü athakhi kiuto inü müdükheakshih.

THRÜNTAN 3:16

Apinü alibe ki tha, “Inü nü khungarü hankhi thsünü alü kamshihbah; nü thsünüsahde khungarü zübebah; jude thsüthsü she nü niubuh mürühpü nü kheak labah, tüshe apinü nü kurungkheak yakzan shuhbah.”

2 SAMUEL 24:23

O kiulongthsüpuh, ha alala Araunanü kiulongthsüpuh kilim jihchoh.” Tüsho Araunanü kiulongthsüpuh ki tha, “Atungpuh nü Thrünpuhnü mulongde nü ki aloshang.”

2 KIULONG THSÜRÜ 8:28

Apinü Ramoth-gilead ching Siria kiulongthsüpuh Hazael bede thirithsüpü Ahab tsührü Joram lung yü, ju ching Siriarünü Joram yurijih.

JOB HU H T ANYU 11:14

nü khah ching amülim lakhi limshude bahkhisho, tüsho nü yam ching mihbukmuyuk mülashihsho,

JOB HU H T ANYU 11:15

tsükjide machihdü lang nü miro dukobah; am, nü düküngde alabah, tüsho mütre.

JOB HU H T ANYU 29:4

küyimki I tsakamde alakhea, küyimki Thrünpuh kheak müyamrü thsükhi I khimyam kumung lakhea;

JOB HU H T ANYU 42:8

Kheakü jumonü moshi 7 tüsho namfimihnupung 7 luang, tüsho I yamlarü Job kilim yüang, tüsho nüsa thsungkheak taka kingaünkhi jihang; tüsho I yamlarü Jobnü nüsa thsungkheak tamkhüntamnüjihbah, tümüde nüsanü amülim rhimokhi yande mürhimopü thsüde inü api tamkhüntamnü leangkhibah; tümütüsho I yamlarü Jobnü arhimokhi nangde nüsanü I dünkheak alungki masuk.”

MÜCHITMUDU 18:5

Mihbukmuyuk ki jakkheah huhkhi yungsho thiyuro-lungkirü mahkhap ching bahyukkhi ju atsü yung.

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

JEREMIA 3:12

Yüang, tüsho ha yubo dukulim peang zhiyukjang, tüsho thaang: Rholoang, akin mülakhi Israel, Atungpuhnü thachoh; inü nü kheak bukakhiukde mükheah, tümüde I mihmüthsüm lah, Atungpuhnü thachoh; inü lünnü bukakhiukdü lang müla.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MALAKI 1:13

Nüsanü thachoh, “Ha küdükhüh she akhikhi la,” tüsho nüsanü I ki nupung kokihchoh, Wuto Atungpuhnü thachoh. Nüsanü ahühkhi yungsho akikkhi yungsho tukthsükhi shiwüh kingaün hande arüchoh! Inü ju nüsa khah chingnü leangkhiba shi? Atungpuhnü thachoh.

MALAKI 1:8

Küyimki nüsanü amüktukkhi shiwüh laksah-a kingaünkhi ching jihbanü, ju amülim yung de? Tüsho küyimki nüsanü akikkhi yungsho tukthsükhi jihbanü, ju amülim yung de? Ju nü yo kovünor ki thsambah jih-a kheahang; apinü nü ki asühba de yungsho nü leangkhiba de? Wuto Atungpuhnü thachoh.

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 14:18

shepünü hanangde Khrista tankihchonü Thrünpuh kilim aleangkhikhukbe tüsho mihtsürünü am de thachoh.

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

ROMRÜ KILIM PAULNÜ ATHRÜTKHI KIHÜM HUHTANYU 6:12

Jumonü shihkünkhi ching nünü mihyuanipü thsüde ashepü lakhi nü pang ching neaknü yakzan düshuhshih.

ROMRÜ KILIM PAULNÜ ATHRÜTKHI KIHÜM HUHTANYU 6:16

Nünü ashe lim bekhi neak yungsho thiyuro-lungki lim bekhi mihyuanikhi, küpü ki mihyuanibanü ju azhorü kamchoh de mümükheah de?

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

1 TIMOTHI 5:4

Khimoberü ju tsührübo yungsho tsührü tsührübo lasho, akhuhde yambuk thsungkheak akin rhimo arünü anikhitshang, tüsho arü bebuhrü kilim tümüanü jihloshang, tümüde ha Thrünpuh asühbe lah.

IBRI 11:4

Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh.

JAKOB 1:15

Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.