THRÜNTAN 4:14 - AMÜSÜH HÜM CL Bible (BSI)

¹⁴ Atsütsü khihni nünü alomi chingnü I yana bahdo; I nü kheaknü jikde alabah; I a alomi ching lapung mülade tsotsahrümtsahrü khülang thsübah, tüsho shepünü I ngübanü I laksahbah.”

THRÜNTAN 4:14 Cross References

THRÜNTAN 3:24

Junangde apinü mihtsürü ju yankhitabah; tüsho apinü rhangdung limro aheangshihpü Eden shahwün aniakhiuklim cherubim tüsho azhingzhing nukshang khülang khülim khülim phürapde zo.

THRÜNTAN 4:13

Tüsho Kainnü Atungpuh ki tha, “I thsümüchikhi ju inü marümkhukbe ah!

2 SAMUEL 14:7

Kheakü betsührü alalanü nü yamlaberü kheak azhihde wusudo. Arünü thachoh, ‘Nihbuh khiungmungrü laksahbuh mihtsürü ju jihang, junangde yamrüplurüp lupü isanü thsümünimnim she apinü alaksahkhi akhiung rhangdung dünkheaknü isanü api laksahbah.’ Hanangde arünü I mulonglamkhi akheam thsümünimjihbah tüsho alomi kheak I niubuh mung mülapü thsüde tsührü mülashihde akambah.”

MUNGSHIKHÜN 109:10

Api tsührübo kakheangde rümde atsahrü kamshang; arü yo athsümünimkhi yambo chingnü arü yankhitshang.

MUNGSHIKHÜN 109:12

Api ki amüthsüm huhrü she dülashih, yungsho api tsührü mürerü lümrhihrü she dülashih.

MUNGSHIKHÜN 143:7

I ki niokheamde alojang, O Atungpuh ; I me dükheakchoh! nü miro I kheaknü düjik, jude yungsho I ju alokhün ching yüzahrü nangde alabah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

JEREMIA 52:3

Atsütsü, Jirusalem tüsho Judanü Atungpuh khide bukakhiukshih, junangde apinü arübo amikinü yankhitabah. Zedekianü Babilon kiulongthsüpuh azhih.

HOSEA 13:3

Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LEVI 26:36

Nüsa sherübo rhangdung lanü nüsa riri lo ching inü nüsa mulong ching trede akamshihbah; sangyü keamkhikhi düsheaknü nüsa tsoshihbah, tüsho nüsabo nukshang müngüh tsokhi nangde atsoshihbah, tüsho nüsabo shenü müyande angaka yapbah.

WÜHKHE 35:19

Ashebuh buhtsührünü mihtsürü laksahbuh ju asheshihbah; küyimki apinü ju buh shorubanü apinü asheshihbah.

WÜHKHE 35:21

yungsho mükthsüde khah zhimpungbah yümsahsho, api mihtsürü laksahrü kamdo tüsho api asheshihbah. Ashebuh buhtsührünü api küyimki shorubanü asheshihbah.

WÜHKHE 35:27

tüsho ashebuh buhtsührünü api tsoyukpung kiuto aleanglim ngübah laksahsho, ju laksahkhi amülim müla,

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.

YUZÜNGTHALO 28:65

Tüsho ju trükshih bolung nünü sühakhimpung, yungsho nü jinglung zokheampung müngü; tüshe ju ching Atungpuhnü nü kilim mulong ajanpü, mükji keahpü, tüsho me thsünüpü jihbah.

2 TESALONIKA 1:9

Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,