THRÜNTAN 32:9 - AMÜSÜH HÜM CL Bible (BSI)

⁹ Jakobnü tha, “O I pü Abraham Thrünpuh tüsho I buh Isak Thrünpuh, Atungpuh shepünü I ki tha, ‘Nü lomi tüsho nü buhtsührü kilim alode yüang, tüsho inü nü ki tsüde arhimobah’;

THRÜNTAN 32:9 Cross References

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

THRÜNTAN 31:13

I nünü mujudemüsühkhitkhi mümih-lung tüsho nünü I ki thiyuchihchim thsüpung Bethel Thrünpuh ah. Kheakü ha lomi zojihbah nü zübe lo lim alode yüang.’”

THRÜNTAN 31:29

Inü nü thsümünimpü sühmüh lah, tüshe nü buh Thrünpuhnü yishih I ki asuk, ‘Nünü Jakob ki atsü yungsho amütsü müthapü kümkangang.’

THRÜNTAN 31:3

Judüki Atungpuhnü Jakob ki tha, “Nü buh pürü le nüsa buhtsührü lomi lim alode yüang, tüsho I nü lung labah.”

THRÜNTAN 31:42

I buh Thrünpuh, Abraham Thrünpuh tüsho Isak trekhi I lung mülakhülaa, tsükjide nünü I khahkeang tsoshih-a labah. Thrünpuhnü I thsünükhi tüsho I khah rhimobo ngü, tüsho yishih nü thürüh.”

THRÜNTAN 31:53

Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

THRÜNTAN 32:8

Tüsho apinü tha, “Esaunü bo khülang kilim arübah zündosho, bo khülang a atsokhitbah.”

THRÜNTAN 49:25

tümütüsho nü buh Thrünpuhnü nü rungchoh, tümütüsho Wutonü achanglimnü tsüng tüsho alo alunglimnü kebo, shiwühbo tüsho tsührübo ahihdo jihde müngühjih.

2 KIUTHSÜYUKHEAN 20:12

O isa Thrünpuh, nünü arü kheak mahmükhapba de? Tümüde ha bonungrü boto isa azhihde arükhi kheak isa wu-sühmüh müla. Tümü thsübanü isanü mümükheah, tüshe isa mükbo nü kheak lah.”

2 KIUTHSÜYUKHEAN 20:6

tüsho tha, “O Atungpuh , isa jipürü Thrünpuh, nü yinmi ching Thrünpuh yung de? Nünü trükshihbo yo kiulongthsübo alala kurungkheak yakzan mushuh de? Nü khah ching wu tüsho sühmüh lah, junangde shenü nü mazhihkhuk.

2 KIUTHSÜYUKHEAN 32:20

Judüki kiulongthsüpuh Hezekia tüsho Amoz tsührü wukihbuh Isaianü ha dünkheaknü tamkhüntamnü tüsho yinmi lim zhi.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

JEREMIA 32:16

Inü shothsühüm Neria tsührü Baruk kilim jihshu, inü Atungpuh ki tamkhüntamnü:

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.