THRÜNTAN 3:14 - AMÜSÜH HÜM CL Bible (BSI)

¹⁴ Judüki Atungpuh Thrünpuhnü phuruto ki tha, “Nünü ha rhimokhinü akam-shiwüh tüsho mütüm shiwüh alala kheaknü alü nü muthrumünean thsang; nü buknü achinbah tüsho nü rhangdung amuyung asungthulung tsühbah.

THRÜNTAN 3:14 Cross References

THRÜNTAN 3:1

Kheakü Atungpuh Thrünpuhnü athrünkhi shiwüh alala kheaknü phuruto ju rük amütsü lakheah. Tüsho phurutonü alibe ki keokhi, “Atsütsü shahwün ching lakhi sangdung küpü kheaknü she mütsühpü Thrünpuhnü thadü de?”

THRÜNTAN 4:11

Kheakü küpü lonü nü niurü thiyih nü khah chingnü leangkhipü kadünü ju lo chingnü nü muthrumüneando.

THRÜNTAN 9:6

Shepünü mihtsürü thiyih bukbanü, mihtsürünü api thiyih bukshihbah; tümüde Thrünpuh kiphahkhi ching mihtsürü ju thrün.

MUNGSHIKHÜN 72:9

Sherü sunglo ching lachonü api miki mükhümbah, tüsho api riribonü asungthulung müleakbah.

ISAIA 29:4

Judüki alo asük chingnü nünü athabah, asungthulung abobe chingnü nü yubo akhiukbah; nü düsheak alo chingnü me düsheak nangde arübah, tüsho nü yu thakhi asungthulung chingnü amütkhitbah.

ISAIA 65:25

Rimre tüsho namfimihnunu rukhühnü yimtsühbah, kekhüzünü moshipung nangde hineang tsühbah; tüshe phuruto jim a asungthulung labah! Arübo I wung amüsüh alala kheak muyuri yungsho müthsümünim, Atungpuhnü thachoh.

LEVI 20:25

Jumonü nüsanü shiwüh amüsüh tüsho amümüsüh, wuhnu amüsüh tüsho amümüsüh dükeak mütsanmükhiang, tüsho inü nüsa kheaknü mümüsüh de büthsüjihkhi, shiwüh le wuhnu yungsho alo kheak chinde atsahbe rhangdung labebo hode nüsa mümüsühde dükam.

MIKA 7:17

arünü alo kheak chinde abükhi phuruto nangde asungthulung müleakbah; arübonü arü chipibo chingnü ajande akhiukbah; arünü Atungpuh isa Thrünpuh kilim trede rholobah, tüsho arünü nü dünkheak trebah.