THRÜNTAN 26:3 - AMÜSÜH HÜM CL Bible (BSI)

³ Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 26:3 Cross References

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 13:17

Asürang, lomi ashanglim tüsho atolim hode tsahang, tümüde inü ju nü kilim jihchoh.”

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 17:19

Thrünpuhnü tha: “Yung, nü niube Saranü nü kilim tsührü khülang zübejihbah, tüsho nünü amung Isak de ajibah; inü api tüsho api dunglim anihbuh tsühsoniusobo kheak akheam müla tangzüng zobah.

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 20:1

Kheakü Abraham ju chingnü hantsahde Negeb lomi lim yü, tüsho Kadesh le Shur dükeak la; tüsho Gerar ching lacholade alakheah.

THRÜNTAN 25:11

Abraham she dunglim, Thrünpuhnü atsührü Isak müngühjih. Tüsho Isak ju Beer-lahai-roi ching lakheah.

THRÜNTAN 26:12

Judüki Isaknü ju lo ching mükhean, tüsho ju kam chinü alü thsüde yimlu; tüsho Atungpuhnü api müngühjih.

THRÜNTAN 26:14

Api mihnu boto le moshi boto tüsho yamlarübo khide hihde alakhinü Filistiarünü api kheak mükthsü.

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

THRÜNTAN 31:3

Judüki Atungpuhnü Jakob ki tha, “Nü buh pürü le nüsa buhtsührü lomi lim alode yüang, tüsho I nü lung labah.”

THRÜNTAN 35:12

Inü Abraham tüsho Isak jihkhi lo nü kilim jihchoh; tüsho nü dunglim nü tsühsoniusobo kilim inü ha lo jihchoh.”

THRÜNTAN 39:2

Josep lung Atungpuh lakheah, tüsho api akuk ngürü mihtsürü lakheah; tüsho api ju anihbuh putungrü Ijiprü yam ching lakheah.

THRÜNTAN 39:21

Tüshe Josep lung Atungpuh lakheah tüsho api ki amüthsüm huh, tüsho rihyam aheangrü miki api amuzho ngüshih.

THRÜNTAN 48:21

Judüki Israelnü Josep ki tha, “Kheahang, I shechoh, tüshe Thrünpuh nü lung labah; tüsho nü pü pürü lomi ching nü belode ayübah.

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

1 KIUTHSÜYUKHEAN 16:16

apinü Abraham ki tangzüngkhi, apinü Isak ki thiyuchihchimkhi,

MUNGSHIKHÜN 105:8

Apinü tangzüng, lün chithürübo thsungkheak thiyukhüm jihkhi ju apinü lümkhitdo,

MUNGSHIKHÜN 105:9

apinü Abraham ki thsükhi tangzüng tüsho Isak ki thiyuchihchimkhi,

MUNGSHIKHÜN 32:8

Nü yüpü limro inü nü ki thsangdanbah tüsho thsangyubah; I müknü inü nü kheahbah.

MUNGSHIKHÜN 39:12

I tamkhüntamnü sojang, O Atungpuh , tüsho I tripkhi anijang; I tripchoki zhikde düla. Tümüde I a nü lung I buh pürü nangde jaksorü, tsotsahrü khülang ah.

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ABEKHIT 6:4

Arü hanrü thsüde alakhi Kanan lomi ju inü arü kilim jihpü tangzüng thsü.

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

ABEKHIT 6:8

Tüsho inü Abraham, Isak tüsho Jakob kilim jihpü thiyuchihchimkhi lo ching inü nüsa bede yüzahbah; inü ju nüsa yamrüplurüp thsüde ajihbah: I Atungpuh ah.”

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

ISAIA 43:5

Dütre, tümüde I nü lung lah; inü nü tsührübo aniakhiuklimnü bedarübah, tüsho aniyüzahlimnü inü nüsa bemukhungbah.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 34:4

Tüsho Atungpuhnü api ki tha, “Ha lo ha inü Abraham, Isak tüsho Jakob jihpü alokhikhi, hade tha, ‘Inü ha nü tsühsoniusobo kilim jihbah.’ Inü ju nü müknü ngüshihdo, tüshe nünü ju hode müyü.”

FILIPI 4:9

Nüsanü I kheaknü tümü anikhitde, leangkhide, sode tüsho ngüdünü rhimoang; tüsho Thrünpuh mungtsü nüsa lung labah.

IBRI 11:9

Akin hode apinü alokhikhi, khiungkerü lomi ching api ki ju rukhüh alokhikhi yamrüplurüp lurü Isak le Jakob büne lungnü khimyam ching la.

IBRI 6:17

Tümütüsho Thrünpuhnü alokhia lakhi, yamrüplurüp lurü ki mümüthrikhi api lümkhi khide mütsande ahuhpü mulongkhinü, apinü ju thiyuchihchimnü adüngakhi thsüdo,