THRÜNTAN 24:21 - AMÜSÜH HÜM CL Bible (BSI)

²¹ Mihtsürü junü malande lang, Atungpuhnü api hantsahkhi akuk ngüshih-a lashi yungnü amükheahpü alibe kheak kheahmüripde alakheah.

THRÜNTAN 24:21 Cross References

THRÜNTAN 24:12

Judüki apinü tha, “O Atungpuh I putungrü Abraham Thrünpuh, muzhobah khihni I akuk ngüshang, tüsho I putungrü Abraham ki amuzho huhang.

THRÜNTAN 24:20

Jumonü alibenü nahnahde kephüh ju sangphuru ching yeahkeang, tüsho ke hihde akhippü kekhip ching shande yü, tüsho api yo kemelbo alala khilim ke suhdahde khip.

THRÜNTAN 24:27

Tüsho apinü tha, “I putungrü ki api amüthsüm tüsho thiyuro mübahyukkhi I putungrü Abraham Thrünpuh Atungpuh shiang. I thsungkheaknü, Atungpuhnü I hantsah ching I putungrü keoniorü yam lim bede arüdo.”

THRÜNTAN 24:56

Tüsho apinü arü ki tha, “I düzhipdo, tümütüsho Atungpuhnü I limro akuk ngüshihdo; I putungrü kilim yüpü thsüde I yüshang.”

MUNGSHIKHÜN 107:1

O, Atungpuh kilim makshe jiang, tümüde api tsülah! tümütüsho api amüthsüm lünnü rünkhiungde lah.

MUNGSHIKHÜN 107:15

O, mihtsürübonü api tsükhi, tüsho mihtsürü tsührübo kilim api amüyinsahbe rhimokhibo thsungkheak Atungpuh kilim makshe jihkhülaa!

MUNGSHIKHÜN 107:43

Sherübo lümlung lanü harübo anibah. Tüsho arünü Atungpuh mihmuzho anikhitbah.

MUNGSHIKHÜN 107:8

O, mihtsürübonü api tsükhi, tüsho mihtsürü tsührü kilim api amüyinsahbe rhimokhibo thsungkheak Atungpuh kilim makshe jihkhülaa!

LUKNÜ ATHRÜTKHI THIYUSHEAK-ATSÜ HUHTANYU 2:19

Tüshe Marinü harü alala anihbe mulong ching lümakheahde la.

LUKNÜ ATHRÜTKHI THIYUSHEAK-ATSÜ HUHTANYU 2:51

Tüsho apinü arü lung Nazareth lim alode yü, tüsho arü ki mihyuanide alakheah; tüsho abenü harü alala mulong ching zo.