THRÜNTAN 22:1 - AMÜSÜH HÜM CL Bible (BSI)

¹ Kim anükhüh dunglim Thrünpuhnü Abraham ki rükakide tha, “Abraham!” Apinü alo, “I ha ching lah.”

THRÜNTAN 22:1 Cross References

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 21:11

Tüsho atsührü dünkheaknü Abraham khide masühde alakheah.

THRÜNTAN 22:11

Tüshe Atungpuh yunirünü yinmi chingnü api ji tüsho tha, “Abraham, Abraham!” Tüsho apinü alo, “I ha ching lah.”

THRÜNTAN 22:7

Tüshe Isaknü abuh Abraham ki tha, “Abuh!” Tüsho apinü alo, “I tsah-a, I ha ching lah.” Tüsho apinü tha, “Kheahang, mo tüsho sang ha kheak lah, tüshe taka kingaünpü namfimihnunu küching la?”

THRÜNTAN 37:13

Tüsho Israelnü Josep ki tha, “Nü khiung pürübo Shekem ching namfimihnubo kümchoh yung de? Arang, inü nü arü kilim yüshihanü.” Jumonü api ki alo, “I ha kheak lah.”

THRÜNTAN 46:2

Judüki Thrünpuhnü azhing michih ching Israel ki tha, “Jakob, Jakob!” Tüsho apinü alo, “I ha ching lah.”

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 KIUTHSÜYUKHEAN 32:31

Kheaküshe, Babilonrü limburü, lomi ching amütsan rhimokhi dünkheak keokhikeorashihpü arünü athiyikhi she, api mulong ching lakhi alala apinü mükheahpü thsüde rükakiakheahpü Thrünpuhnü api kheaknü akhin.

MUNGSHIKHÜN 11:5

Atungpuhnü thiyuro-lungkirü rükakichoh, tüshe mihbukmuyuk tüsho athsümünim muzhorü api menü thraneanchoh.

ABEKHIT 16:4

Judüki Atungpuhnü Mosa ki tha, “Kheahang, inü nüsa thsungkheak yinmi chingnü yikhap akishihbah; tüsho mihtsürübonü wukhiukbah nimung shihcham thsükhi lubah, junangde arünü I yakzan ching tsahba shi yungnü inü amütsanbah.

ABEKHIT 3:4

Mosa thüninde arükhi küyimki Atungpuhnü angükhea, sangrung phulung chingnü Atungpuhnü Mosa jide tha, “ Mosa! Mosa!” Apinü alo, “I ha kheak lah.”

MÜCHITMUDU 17:3

Suna tüsho shotoyinchi ju monü thsahakheahchoh, tüshe Atungpuhnü mulong rükakheahchoh.

ISAIA 6:8

Judüki Atungpuhnü athakhi düsheak inü so, “ Inü shepü yüshihba, tüsho isa thsungkheak shepü yüba?” Tüsho inü tha, “ I ha ching lah; I yüshang!”

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

YUZÜNGTHALO 13:3

nüsanü wukihrü yungsho milim müchitrü ki dani, tümüde atsütsü nüsanü Atungpuh nüsa Thrünpuh mulong alalanü tüsho me alalanü muzhola shi yungnü ju mükheahpü Atungpuh nüsa Thrünpuhnü nüsa rükakichoh.

YUZÜNGTHALO 8:16

Akheam ching nüsa tsüde alashihpü apinü nüsa kilim nüsa bebuhrünü küyimkishe mümükheahkhi, nüsa azhihayihshihpü tüsho rükakipü atsühbe manna kip.

YUZÜNGTHALO 8:2

Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.

IBRI 11:17

Akin hode Abrahamnü api rükakheahchoki Isak jih, tüsho shepünü alokhikhibo leangkhikheanü api tsührü lapkhiung lakhi jihabahpü thsakhambah alakheah,

JAKOB 2:21

Apinü atsührü Isak kingaün sadam kheak jihchoki, isa abuh Abraham rhimobonü alim mütsankhi yung de?

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

MAHKHAPRÜ 2:22

junangde jurü hode inü Israelrü ju arü bebuhrünü Atungpuh limro ching tsahkhi nangde rhimonahnü rükakiakheahbah.”

1 SAMUEL 3:4

Judüki Atungpuhnü ji, “Samuel! Samuel!” tüsho apinü alo, “I ha ching lah!”