THRÜNTAN 20:9 - AMÜSÜH HÜM CL Bible (BSI)

⁹ Abimeleknü Abraham ji tüsho api ki tha, “Nünü isa ki tümü rhimokhea? Inü nü ki tümü amülim rhimokhi nünü I tüsho I kiulongthsü kheak neak ato hande arükhea? Nünü I ki amürhimobe rhimodo.”

THRÜNTAN 20:9 Cross References

THRÜNTAN 12:18

Pharaonü Abram ji tüsho tha, “Nünü I ki rhimokhi ha tümü a? Nü niube ah de tümü thsükhi I ki müthakhea?

THRÜNTAN 20:10

Abimeleknü Abraham ki tha, “Amütsan tümü labah nünü ha rhimokhea?”

THRÜNTAN 20:8

Jumonü Abimeleknü yapsu mükikde asürübah api yamlarübo alala ji tüsho arünü sode harü alala tha; tüsho mihtsürübo khide tre.

THRÜNTAN 26:10

Tüsho Abimeleknü tha, “Nünü isa ki rhimokhi ha tümü a? I mihtsürü khürünü nahde nü niube lung müyambah, tüsho nünü isa kheak amülim hande arüpü lakheah.”

THRÜNTAN 29:25

Küyimki ayinkhikheanü, ju Lea lakheah! Tüsho apinü Laban ki tha, “Nünü I ki rhimokhi ha tümü a? Rachel dünkheak inü nü tankihkhi yung de? Dale tümüde nünü I mülapyukkhea?”

THRÜNTAN 34:7

Tüsho Jakob tsührübonü ju sobah thulu chingnü alung; tüsho mihtsürübo khide mulong mütsüde la tüsho khide bukakhiuk, tümütüsho apinü Israel ching amürhimobe Jakob tsührübe thsümünimkhi hode mungchih rhimo.

THRÜNTAN 38:24

Khinu mahsam bande hobah, Juda ki tha, “Nü tsühmeakbe Tamar müzammüram ahoria lah; müzammüramkhinü anihbe khungarü lah.” Jumonü Judanü tha, “Alibe bekhitang tüsho anihbe takabahang!”

THRÜNTAN 39:9

Ha yam ching I hobah sheshe ato müla; yungsho I kheaknü tümü she tukloa muzo tüshe nü lang ah, tümütüsho nü api niube ah. Dale küde thsah inü ha amütsü ato rhimopü, tüsho Thrünpuh azhihde neak yihbeakpü?”

2 SAMUEL 12:5

Judüki Davidnü mihtsürü kheak alü abukakhiuk. Apinü Nathan ki tha, “Atungpuh mung tamde thachoh, mihtsürü shepünü hade arhimokheanü ashepü thülünlah;

2 SAMUEL 13:12

Alibenü api ki alo, “Yung, akhiung, I kheak dünimkih; tümüde Israel ching hadürü mürhimochoh; khide amakham tümü dürhimo!

ABEKHIT 32:21

Mosanü Aron ki tha, “Ha mihtsürübonü nü ki tümü thsükhi nünü arü kheak neak ato hande arükhea?”

ABEKHIT 32:35

Jumonü Atungpuhnü mihtsürübo kheak arüm khülang arüshih, tümütüsho arünü Aron athsunga suna moshipung-nunu thsüshih.

MÜCHITMUDU 28:10

Shepünü alungkirü amütsü limro ching tsoshihchonü, api a nihbuh shingkung ching yüzahbah; tüshe mungchih mülarü a yamrüplurüp atsü leangkhibah.

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

ROMRÜ KILIM PAULNÜ ATHRÜTKHI KIHÜM HUHTANYU 2:11

Tümüde Thrünpuhnü jakkheahkhi muhuhchoh.

TITA 1:11

arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

JIHUSUA 7:25

Tüsho Jihusuanü tha, “Nünü tümü thsükhi isa kheak küpkhuk hande arükhea? Atungpuhnü khihni nü kheak küpkhuk hande arüchoh!” Mihtsürü alalanü Akhan ju lungnü rusah; arünü ayamkhün tüsho lakhitbo she ruthünak tüsho monü takabahjih.