THRÜNTAN 18:6 - AMÜSÜH HÜM CL Bible (BSI)

⁶ Jumonü Abrahamnü Sara kilim khimyam ching niokheamde yü tüsho tha, “Nahdang, ayikangkang atsüdak atüm 3 luang tüsho neambah yikhap nunga takjang.”

THRÜNTAN 18:6 Cross References

THRÜNTAN 18:5

Tüsho kheakü nü I yam ching arüa lah, inü nü kilim yikhap khürü lude aranü, junangde nü mulong kinglobah. Jushu nü limro ching yüang.” Tüsho arünü tha, “Nünü athakhi nangde rhimoang.”

THRÜNTAN 18:7

Abrahamnü moshi boto kilim alihde yü, tüsho moshi nunu atsübe lubah yamlarü kilim jih, tüsho apinü ju mozümodopü chithsa.

THRÜNTAN 19:3

Tüshe apinü reangkih; jumonü arünü api kilim rholo tüsho anihbuh yam ching yüzah. Jushu apinü arü khilim tsühyungpü mozümodojih, phaüm muyukkhi yikhap nung tüsho arünü tsüh.

2 SAMUEL 13:6

Jumonü Amnonnü yap, tüsho tukthsükhi ruk huh; tüsho küyimki kiulongthsüpuhnü api kheahpü arükhea, Amnonnü kiulongthsüpuh ki tha, “Muzhobah I niurü Tamar arüshang tüsho I mikinü yikhap khürü nungshang, junangde inü akhah chingnü tsühanü.”

MUNGSHIKHÜN 119:60

Nü yukhümbo anipü inü niokheam, tüsho mashu.

ISAIA 32:8

Tüshe sherü mükheahmudurü lanü mükheahmudu lümkhi thsüchoh, tüsho mükheahmudu hode arü zhipchoh.

MATHI 13:33

Apinü kheaküshe arü ki shihdanglimyu püpü tha: “Yinmi kiulongthsü ju, aliberü khülangnü phaüm lubah aümdungkhi pungdüchi 40 ching düsah-a mülamyi khiungde azokhi kiphahlah.”

YUNIRÜBO RHIMO 16:15

Tüsho küyimki alibe ju yamkhün bede baptikheanü isa jide tha, “Nüsanü I Atungpuh ki thiyuro lakhi khejihsho, I yam ching arübah binang.” Tüsho alibenü isa ki reangkihde ji.

ROMRÜ KILIM PAULNÜ ATHRÜTKHI KIHÜM HUHTANYU 12:13

Amüsührü yihnüpü lakhi arung jihang, hanrü akamang.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

IBRI 13:2

Hanrü beyukpü dümih, tümüde jude athsükhinü khürünü mümükheahde yunirübo beyukrhaka lachoh.

1 PETER 4:9

Müsüngde khülangnü khülang beyukachihang.

MAHKHAPRÜ 6:19

Judüki Gideonnü yüzahbah mihnu nunu khülang thsakham tüsho ayikangkang khahngak 10 lubah phaüm muyukkhi yikhap thsakham. Apinü shih ju muluk khülang ching yuk, tüsho shihkelam ju phüh ching yuk; tüsho apinü jurü thülamdung khüp api kilim handarü tüsho jih.

1 SAMUEL 28:24

Kheakü alibe yam ching ashih kihkhi moshi nunu khülang lakheah. Alibenü ju nahde laksah, tüsho ayikangkang lubah neam tüsho phaüm muyukkhi yikhap nung.