THRÜNTAN 17:16 - AMÜSÜH HÜM CL Bible (BSI)

¹⁶ Inü alibe müngühjihbah tüsho anihbe hode nü kilim tsührü she khülang jihbah; inü alibe müngühjihbah tüsho anihbe ju trükshih ahihdo abe thsübah; mihtsürü kiulongthsürübo anihbe kheaknü arübah.”

THRÜNTAN 17:16 Cross References

THRÜNTAN 1:28

Thrünpuhnü arü müngühjihde tha, “Aso asoang tüsho wüh buang; alomi mishang tüsho ju danyukang; keto ching thüngüh, thüning wuhnubo tüsho alo kheak abübe alala kurungkheak atungrü thsang.”

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 15:4

Judüki Atungpuh yu api kilim arü: “Ha mihtsürü nü yamrüplurüp lurü müthsü, tüshe nü pang chingnü arükhi tsührü khülang nü yamrüplurüp lurü thsübah.”

THRÜNTAN 17:15

Judüki Thrünpuhnü Abraham ki tha, “Nü niube Sarai thsungkheaknü, nünü anihbe mung Sarai de müji, tüshe amung Sara labah.

THRÜNTAN 17:19

Thrünpuhnü tha: “Yung, nü niube Saranü nü kilim tsührü khülang zübejihbah, tüsho nünü amung Isak de ajibah; inü api tüsho api dunglim anihbuh tsühsoniusobo kheak akheam müla tangzüng zobah.

THRÜNTAN 17:6

Inü nü hodakde aso asoshihbah; tüsho inü nü trükshihbo kamshihbah. Tüsho nü kheaknü kiulongthsürübo arübah.

THRÜNTAN 21:1

Apinü athakhi nangde Atungpuhnü Sara rhua kheah, tüsho apinü alokhikhi nangde Atungpuhnü Sara thsungkheak rhimo.

THRÜNTAN 24:60

Tüsho arünü Rebeka müngühjih tüsho tha: “Isa niurü, nü a chithürü thürübo abe thsüang shi; tüsho nü tsührübonü arü riri kiutobo kukkhitshang.”

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 36:31

Harü ha Israelrü kurungkheak kiulongthsürü shenü kiulong müthsüchoki, Edom lomi ching kiulongthsürübo ah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ROMRÜ KILIM PAULNÜ ATHRÜTKHI KIHÜM HUHTANYU 9:9

Alokhikhinü athakhi ju ha lah, “Ha kim ching I arülobah tüsho Sara tsührü khülang labah.”

GALATIA 4:23

Azhorü tsührü ju püpüki ruk lang zübe, tüshe zuzu liberü tsührü ju a alokhikhi hode alakheah.

1 PETER 3:6

Saranü ju ruk Abraham ki mihyuanide, api ki atungpuh de ji. Tüsho nüsanü alungki rhimosho nüsa ju anihbe tsührübo ah tüsho tümünü she nüsa dütreshih.