THRÜNTAN 14:20 - AMÜSÜH HÜM CL Bible (BSI)

²⁰ Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.

THRÜNTAN 14:20 Cross References

THRÜNTAN 14:21

Sodom kiulongthsüpuhnü Abram ki tha, “I kilim mihtsürübo jihang, tüsho kukrukbo a nü luang.”

THRÜNTAN 24:27

Tüsho apinü tha, “I putungrü ki api amüthsüm tüsho thiyuro mübahyukkhi I putungrü Abraham Thrünpuh Atungpuh shiang. I thsungkheaknü, Atungpuhnü I hantsah ching I putungrü keoniorü yam lim bede arüdo.”

THRÜNTAN 28:22

Tüsho inü ha mümih-lung khima zokhi ju Thrünpuh yam thsübah, tüsho nünü I kilim jihkhi alala chingnü inü nü kilim thürü shihcham jihbah.”

THRÜNTAN 47:24

Tüsho nüsanü yimluchoki phüngü ching shihchamkhüh Pharao kilim jihbah. Shihcham phüyi ju thulu ching müjih thsüpü tüsho nüsa le nüsa yamkhünbo tüsho nüsa tsührü aninibo thsungkheak tsühyungbe labah.”

THRÜNTAN 47:26

Tüsho amükeamrübo lo Pharao yo mükamkhi kheak hode, Pharaonü phüngü ching shihchamkhüh lupü Ijip lomi ching khihni ha khiungde yakzan khülang thsü.

THRÜNTAN 9:26

Kheaküshe apinü tha, “Shem Thrünpuh, Atungpuh shiang! Kanan a Shem azhorü thsüshang.

2 SAMUEL 18:28

Judüki Ahimaaznü kiulongthsüpuh ki zhi, “Alala tsüde lah!” Apinü kiulongthsüpuh miki akin jihde alo kheak khukning tüsho tha, “Atungpuh nü Thrünpuh müngühmühi thsüang! Apinü I tungpuh kiulongthsüpuh azhihrü mihtsürü jihabahdo.”

2 KIUTHSÜYUKHEAN 31:12

Arünü thiyuronü arung jihkhibo, thürü shihchambo tüsho müsühkhitkhi kukrukbo lude yüzah. Jurü kheahpü atobuh ju Levirü Konania, mahnepü aniurü Shimei;

NEHEMIA 10:37

Kam aban yimlukhi hi chingnü yikhap, yukhu, oliv müdangke, tüsho sangaso aphuaphubo she amükeamrünü müsükhitshihbah. Isa lo chingnü akhiukkhi hi thürü shihcham thremukhungkhi, alala Levirübo athrerü ki hande ayübah.

NEHEMIA 13:12

Jushu Israelrü athrünkhinü hi, thürü shihcham, yukhu, tüsho oliv müdangke handarü zowupung khiungshak ching zopü tankih.

MUNGSHIKHÜN 144:1

Atungpuh I lungto shiang, shepünü thirithsü thsungkheak I khahbo, tüsho keochihpü thsungkheak I yingkhingbo nokihjihcho–

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

MUNGSHIKHÜN 68:19

Nimung aban isa hahmülang hanbuh Atungpuh shiang; Thrünpuh ju isa akhümkhit.

ABEKHIT 18:10

Tüsho Jethronü tha, “Nü tüsho mihtsürübo Ijiprü le Pharao khah chingnü bekhitbuh Atungpuh shiang.

AMOS 4:4

Bethel lim yüang tüsho neak yihbeakang; Gilgal lim yüang tüsho neak alü kamshang; yapsu aban nüsanü laksah-a kingaünkhibo lubah arang, nimung asampü aban ching thürü shihcham lubah arang;

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

MALAKI 3:8

Khürünü Thrünpuh rükakiba de? Tütüshe nüsanü I rükakichoh! Tüshe nüsanü thachoh, “ Künangde isanü nü rükakicho?” Nüsa thürü shihcham tüsho kingaün jihkhibo ching!

WÜHKHE 28:26

Tüsho amunibo thünio kim ching sangsolungsobo akhuh yimlu nimung, küyimki nüsanü hiso kingaün Atungpuh kilim jihbanü, nüsanü amüsüh amukhung laang, tüsho rhimo achak tümü she dürhimo.

LUKNÜ ATHRÜTKHI THIYUSHEAK-ATSÜ HUHTANYU 18:12

Inü amu-khip khülang dükeak ching mahne ki khümkeak thsüchoh; I lakhi alala chingnü inü thürü shihcham jihchoh.’

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

YUZÜNGTHALO 12:17

Nüsanü nüsa hi thürü shihcham yungsho yukhu yungsho oliv müdangke yungsho moshi le mihnu akhuh adrekhi yungsho thiyuchihchimkhi kingaün, yungsho mulongkhi kingaün yungsho nüsanü arung kingaünkhibo nüsa kiutobo chingnü dütsüh;

YUZÜNGTHALO 14:23

Tüsho nünü kingaünkhi hi, yukhu aso tüsho oliv müdangke, tüsho moshi le mihnu boto chingnü akhuh adrekhi api mung lashihpü mokhitkhi dangpung ching Atungpuh nü Thrünpuh mikinü tsühang, junangde nünü kamruhroro Atungpuh nü Thrünpuh wüntrepü mükheahbah.

YUZÜNGTHALO 14:28

Kam asampü akheam aban ching ju kam akhiukkhi thürü shihcham hande arang tüsho nüsa kiutobo ching zomukhungang,

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.