THRÜNTAN 1:22 - AMÜSÜH HÜM CL Bible (BSI)

²² Apinü jurübo alala müngühjihde tha, “Aso asoang tüsho wüh buang, tüsho ketobo ching kebonü mishang, tüsho alomi kheak wuhnubo wüh bushang.”

THRÜNTAN 1:22 Cross References

THRÜNTAN 1:21

Thrünpuhnü keto shiwüh atobo, ke ching labe lorilokobo tüsho wuhnubo mungji alala thrün. Tüsho Thrünpuhnü ju tsülah de kheah.

THRÜNTAN 1:23

Tüsho ju aphüngü nimung arelim tüsho yapsu lakheah.

THRÜNTAN 1:28

Thrünpuhnü arü müngühjihde tha, “Aso asoang tüsho wüh buang; alomi mishang tüsho ju danyukang; keto ching thüngüh, thüning wuhnubo tüsho alo kheak abübe alala kurungkheak atungrü thsang.”

THRÜNTAN 30:27

Tüsho Labannü api ki tha, “I nü miki tsüde ngüa lasho, muzhobah binloang, tümüde nü thsülimnü Atungpuhnü I müngühjihdo de akin hode inü anikhitdo.”

THRÜNTAN 30:30

Tümüde I marüyichoki nü anikhüh lakheah, tüshe kheakü ahihkhüh kamdo; I arü shunü Atungpuhnü nü müngühjihdo. Tüsho kheakü, I yamkhün thsungkheak inü küyimki rhimoba?”

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 8:17

Nü lung rhangdung lakhi alala: wuhnubo le shiwüh tüsho alo kheak abüde atsahbe bekhitang, junangde arübo wüh bude alomi alala ching labah.

THRÜNTAN 9:1

Jumonü Thrünpuhnü Noa tüsho atsührübo müngühjih, tüsho arü ki tha: “Aso asode wüh buang, tüsho alomi mide kamang.

JOB HU H T ANYU 40:15

Behemoth kheak kheahang, küpü nü thrünkhi nangde inü thrün; junü moshipung nangde rim tsühchoh.

JOB HU H T ANYU 42:12

Atungpuhnü Job ahokhi nimungbo kheaknü alü thsüde ashube nimungbo müngühjih; tüsho api namfimihnu 14,000, kemel 6000, moshipung dudu 1000, tüsho donki 1000.

MUNGSHIKHÜN 107:31

O, mihtsürübonü api tsükhi, tüsho mihtsürü tsührübo kilim api amüyinsahbe rhimokhibo thsungkheak Atungpuh kilim makshe jihkhülaa!

MUNGSHIKHÜN 107:38

Apinü arü müngühjih, tüsho arü tode wüh bu; tüsho apinü arü moshi münungzüshih.

MUNGSHIKHÜN 128:3

Nü niube ju nü yam ching aso asokhi kurungaso nangde alabah, tüsho nü tsührübo ju nü dükhüm mükamde oliv sangdungbo nangde alabah.

MÜCHITMUDU 10:22

Atungpuh müngühmühinü lakhit hande arüchoh, tüsho apinü ju ching küpkhuk muyukajakchoh.

LEVI 26:9

Inü nüsa kheak künde akheahbah tüsho nüsa aso asode wüh bushihbah, tüsho inü tangzüngkhi nüsa kheak zobah.