THRÜNTAN 1:2 - AMÜSÜH HÜM CL Bible (BSI)

² Alomi ju tümü mükamkhitdü lang akeangkeang lakheah; tüsho amiting ju kekim mi kheak lakheah. Tüsho Thrünpuh me kebo kumung aphapde alakheah.

THRÜNTAN 1:2 Cross References

JOB HU H T ANYU 26:14

Tüshe harü ha api limrobo aleanglim lang ah; tüsho api dünkheak nükhünyu sokhi anikhüh ah! Tüshe api wu tsüngmuk shepünü anikhitkhukba?

JOB HU H T ANYU 26:7

Apinü thüning kumung dukulim züngkhiunglah, tüsho akeangkeang kheak alomi zhinlah.

JOB HU H T ANYU 38:9

Küyimki inü ju phudopü amo thsükhea, tüsho amiting akheah ching hingdokhea,

JOB HU H T ANYU 41:32

Apinü adunglim azhingzhing limro akhiukshihchoh; tüsho keto ju arhukrhuk amüye kamshihchoh.

MUNGSHIKHÜN 104:30

Küyimki nünü nü me thiyibanü arü thrüna lachoh; tüsho nünü alomi aso kamloshihchoh.

MUNGSHIKHÜN 104:6

nünü ju khimmihnü nangde asükbonü yihdo; tüsho kebonü müzüngbo yihdo.

MUNGSHIKHÜN 136:6

kebo kumung alomi kheanga zobuh kilim, tümüde api amüthsüm lünnü rünkhiungde lah;

MUNGSHIKHÜN 148:7

Alomi chingnü Atungpuh shiang, nüsa keto ato lorilokobo tüsho asükbo alala;

MUNGSHIKHÜN 33:6

Atungpuh yu hode thüningbo, tüsho api mün sheak hode ani, khinu tüsho chiningbo thrün.

MÜCHITMUDU 8:24

Küyimki asükbo mülakhea, ke suhdahkhi kenübo mülachoki I zübeshih.

ISAIA 31:5

Wuhnubonü akumung phinkhi nangde, Wuto Atungpuhnü Jirusalem kümdobah; apinü kümdobah tüsho bekhitbah, apinü phunghobah tüsho kümkhitbah.

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

JEREMIA 4:23

Inü alomi kheak kheah, tüsho kheahang, ha thsümünima tüsho akeangkeang lah; tüsho yinmi lim kheah, tüsho ayin müla.

NAHUM 2:10

Thsümünimdo, bahyukdo, zhikabahdo! atrekhinü mulongbo niuthünakdo; mukhukbo ajanchoh, sühmüh tsodo; mirobo pheakmulukdo kamdo!

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

YUZÜNGTHALO 32:11

Müleangtopünü asap chuphüneande, ajipjip kumung phürüpkhi nangde, aghi chutreakbah arü kaplode aghidükeang kheaknü ashuhkhi nangde,