THRÜNTAN 1:14 - AMÜSÜH HÜM CL Bible (BSI)

¹⁴ Thrünpuhnü tha, “Azhing kheaknü animung büthsüpü thüning ching ayinatrümbo lashang, tüsho jurübonü nimungbo, kambo, tüsho akheahmünchibo müchitpü thsüang;

THRÜNTAN 1:14 Cross References

THRÜNTAN 1:13

Tüsho ju mahsam nimung arelim tüsho yapsu lakheah.

THRÜNTAN 1:15

tüsho alomi kheak yinshihpü thüning ching ayinatrümbo lashang”; tüsho jude alakheah.

THRÜNTAN 8:22

Alomi la khiungde mükheanpü kim tüsho yimlupü, athsak tüsho alam, tsüngkam tüsho muzhu, tüsho animung le are mükheamde alabah.”

THRÜNTAN 9:13

Inü I yo mürechin amobo ching zolah, tüsho ha I le alomi dükeak tangzüng amütsan labah.

JOB HU H T ANYU 25:3

Khürünü api bonungrü khekhukba shi? Thrünpuh nü ayin mütahpung khürü la shi?

JOB HU H T ANYU 25:5

Api miki khinu she müyinsho tüsho chiningbo she mütsangkhitsho,

JOB HU H T ANYU 3:9

Ju yapsu chiningbo mitingshang; ayin thsungkheak mükkin thsüshang, tüshe dülashih; yapsu ayin akhuhbe düngüshih–

MUNGSHIKHÜN 119:91

Arünü nü yuzüngbo yande khihni khiungde mutuklode lah, tümüde alala nü yamlarübo ah.

MUNGSHIKHÜN 148:3

Api shiang, ani tüsho khinu; api shiang, nüsa azhingzhing chiningbo alala!

MUNGSHIKHÜN 148:6

Apinü arübo lünnü lün thsüa lashih; apinü hode mutsopü lakhi thiyuzüng khülang thsü.

MUNGSHIKHÜN 150:1

Atungpuh shiang! Api arüngakopung ching Thrünpuh shiang; api yo thüningbo ato ching api shiang!

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

ISAIA 40:26

Nü mükjibo achang kheak züngkihang tüsho kheahang: Shenü harü thrünkhea? Shepünü chining boto akhiukshih tüsho arübo khecho, arü alala mungnü jichoh; tümütüsho api sühmüh ching tolah, wu ching tolah, khülang she mükhemüdüm.

JEREMIA 10:2

Atungpuhnü ha thachoh: Trükshihbo limro dümükheah, yungsho thüning ching amütsanbonü dümüyinsah; tümüde trükshihbo arü kheahbah müyinsah-a lah.

JEREMIA 31:35

Atungpuhnü ha thachoh, Shepünü animung yinshihpü ani jihcho tüsho azhing ching yinshihpü khinu tüsho chining zojihla, shepünü keto rhucho, junangde arungde abükcho– Wuto Atungpuh ju api mung lah:

JEREMIA 33:20

Atungpuhnü ha thachoh: Khürünü I nimung tüsho I tangzüng tsüngre thsümünimkhuksho, junangde nimung tüsho tsüngre akheahmünchi ching malodarüsho,

JEREMIA 33:25

Atungpuhnü ha thachoh: Inü nimung tüsho tsüngre tüsho yinmi le alomi yuzüngbo kheak tangzüng müthsükhülaa,

EZEKIEL 46:1

Atungpuh Thrünpuhnü ha thachoh: Alungbe khikzhakpung ripit aniakhiuklim abinkhi ju rhimopü lakhi nimung thuruk ni rihdoa labah; tüshe amunimung tüsho khinu aso nimung ha khimshuhbah.

EZEKIEL 46:6

Khinu aso nimung apinü lapha mükihkhi moshipung 1 jihbah, tüsho lapha mükihkhi namfimihnunu 6 tüsho namfimihnupung 1;

JOEL 2:10

Arü miki alonü niukchoh, thüningbo ajanchoh. Ani tüsho khinu mitinga lah tüsho chiningbonü arü ayin tukloa lah.

JOEL 3:15

Ani tüsho khinu mitinga lah, tüsho chiningbonü ayin mütah.

AMOS 5:8

Shepünü chirhangshuhrü tüsho yamungshuhrü thrünkhea, tüsho zhingdoa amitingkhi ju yapsu kamshihkhea, tüsho animung ju azhing kamshihkhea, Shepünü keto kebo jikhea tüsho alo kheak dungkhitkhea, Atungpuh ju api mung,

AMOS 8:9

Atungpuh Thrünpuhnü thachoh, inü animuro ani yüzahshihbah, tüsho animuro alomi mitingde akamshihbah.

MATHI 2:2

tüsho keokhi, “Jihudarü kiulongthsüpuh zübekhi ju küching la? Isanü api chining aniakhiuklim ngüdo tüsho api kingaünpü arükheah.”

MATHI 24:29

“Jurü nimungbo ching thsümütsü-ato dunglim yanalünde ani mitingde akambah, tüsho khinunü ayin müjihde akambah; thüning chingnü chiningbo keamkhibah, tüsho thüning sühmühbo niukbah.

MARK 13:24

“Tüshe jurü nimungbo ching, thsümütsü dunglim, ani mitingde akambah, tüsho khinunü ayin müjih;

LUKNÜ ATHRÜTKHI THIYUSHEAK-ATSÜ HUHTANYU 23:45

Judüki ani mitingde kam, tüsho arüngyam zhindokhim mahne thsüde thorüp.

YUZÜNGTHALO 4:19

Tüsho küyimki nüsanü thüning lim abinkih-a kheahbanü tüsho ani, khinu, chiningbo, thüning ching lakhi alala ngübanü Atungpuh nüsa Thrünpuhnü thüning bukkhüp mihtsürü alala ki jihkhibonü nüsa dümünityukshih tüsho mükhümde arü dütankihshih.

AMIKHEAKAKHIUKKHI 6:12

Küyimki apinü ayümdokhi athurukpü khimshuhkhea, inü kheah, tüsho muliuyuk ato lakheah; tüsho ani ju shungliukhim nangde mürakdo, khinu abümnü thiyih nangde kamabah,

AMIKHEAKAKHIUKKHI 8:12

Aphüyipü yunirünü api hulipungpung müt, tüsho ani shihcham mahsam ching khülang, khinu shihcham mahsam ching khülang, tüsho chiningbo shihcham mahsam ching khülang kheak lak, junangde arü ayin shihcham mahsam ching khülang mitingde kam; nimung shihcham mahsam ching khülang, tüsho azhing she shihcham mahsam ching khülang jude alakheah.

AMIKHEAKAKHIUKKHI 9:2

apinü alokhünbit ju khimshuh, tüsho alokhünbit chingnü morimoto mokhüh nangde akhiukbah ani le thüning mitingde kamshih.